بعد يومين عالسالفه اللي ستوت
غلا: مهاري قومي خل نطلع نسير نتمشى
مهره : غلا مالي نفس
غلا: مهااااري يلا عادي عشاني و عشان نجهز للعرس بعد
مهره : خلاص زين يلا بتجهز اول
غلا : تمام يلا انا بعد بجهز
جهزو هم الاثنين وراحو المول
مهره : تعالي دخلي هالمحل حلوه ملابسهم
غلا: لا اللي جدام احلى
مهره : اونه احلى قالت هاكي محل عيايز شو تبين فيه
غلا ضربت مهره ع جتفها : الحين انا ذوقي ذوق عيايز
مهره : هيه ويلا امشي هالمحل
دخلو المحل و تمو يختارون ملابس وعقب طلعو و هم يمشون شافو مايد و هزاع
غلا : شوفي هناك ميود و هزاع
مهره : ايه لا لا تروحين
غلا : مهاري و بعدين لين متى ما بتكلمينهم
مهره : ماعرف
شافو هزاع و مايد ياين صوبهم
مايد :شو تسون هني
غلا : ياي عند يهود انت سلم
مايد: السلام عليكم
غلا و مهره: وعليكم السلام
مايد : انزين قولو شو تسون هني
غلا : شو بنسوي يعني ما تشوف اكياس ف ايدنا
مايد : انزين تعالو يلا هزاع عازمنا ع العشا
هزاع : على كيفك انت
مايد : هيه يلا امشو
هزاع مسك ايد غلا : أنا و حرمتي بنروح بروحنا
مايد : الحين انت اللي مطلعني و آخر شي تقولي أنا و حرمتي ما يخصني بني وياكم
مهره : صح أنا بعد هي قايله لي خل نطلع
مايد: عيل خلاص غصبا عنكم بني وياكم
هزاع : خيبه نشبه ما يخلون الواحد ف حاله
مهره : شوف دام السالفه فيها اكل قول اللي بتقوله عادي
مايد : فهالشي اتفق ويا اختي انا
غلا: انزين بس خلاص امشو بتمون واقفين جي جدام الناس
مايد : ريلج مطول السالفه
غلا : انزين بس خلاص امشو
مشو رايحين المطعم
وهم فالمطعم يتهم وحده
البنت تتميع: مايد شحالك
مايد يشوفها بنظره ان انتي مينونه ولا كيف : حمدلله بخير
