فصلية دمشق

البارت (20)

#فصلية_دمشق
بقلم #احمد
البارت_20

متابعين الواتباد علقو هواي خلي تصعد القصة لان دا اتعب علمودكم شوية اتعبو علمودي ❤️

ميرا : نص الليل فززني من نومتي صوت خرتشة بالغرفة فتحت عيوني وشفت صهيب سحب السجينة من ركبة براء وجانت براء ميتة

جان كاص ركبتها والسجينة تنقط دم ومن باوع علي وشافني كاعدة هجم علي وسكر حلكي ورفع السجينة وضربني بيها

صرخت بكل ما الله انطاني صوت جنت اباوع لراس براء المقطوع وعيونها المفتوحات على وسعهن وحلكها الي مفتوح وكأنها دا تصرخ

جنت اباوعلها واصرخ بس احس صوتي مو مسموع وبنفس الوقت حلكي يوجعني بسبب الصراخ بس ما تحملت وفقدت الوعي

اسراء : شبيها

براء : والله مادري جنت نايمة وما حسيت الا على صريخها واريد امسكها ماكدر لان ترافس بايديها ورجليها مثل الي لازمتها كهرباء

انس : اكيد شايفة كابوس لا تكعدوها خلوها نايمة

اسراء : فقدت الوعي مو نايمة

انس : اعرف بس عوفوها لحد ما هي تصحى

اسراء : بحزن .. البنية راح تتخبل

براء : اوووووف والله كلبي يوجعني من الخوف فزيت فزة مو طبيعية على صوتها حتى ايديني تربطن ماعرف شسوي

اسراء : خلص انس روح ارتاح اني وبراء نبقى يمها

انس : تمام بس ديري بالج اذا كعدت لا تضربج على بطنج بدون ما تدري بنفسها

اسراء : تمام راح انتبه لا تشيل هم

انس : تصبحون على خير

اسراء & براء : وانت بالف خير

ميرا : مر وقت الى ان بلشت احس بالواقع جنت احس راسي محطوط بحضن ويتغلغل لاذني صوت قران واكو ايد تمسح على راسي

حسيت روحي هدأت على صوت القرأن فتحت عيوني جانت براء كاعدة مقابيلي ومن شفتها فزيت ورجعت ورا

اسراء : بسم الله الرحمن الرحيم لا تخافين حبيبتي ماكو شي

براء : شبيها تباوعلي هيج

ميرا : ب بببس ااان انتي مم ميتة

براء : لا حبيبتي مابي شي هذا جان كابوس ماكو شي

ميرا : تلمست بطني بالمكان الي ضربني بيه صهيب وفعلا ماكو شي ومدتلي براء كلاص ماي اخذتو شربتو ورجعتو الها

اسراء : ارجعي تمددي خليني اقرالج قران علمود ترتاحين

ميرا : تمددت بدون ما احجي شي

اسراء : تحبين تحجيلنا عن الحلم

ميرا : مادري

براء : اذا تشوفين نفسج تعبانة لا تحجين