فصلية دمشق

البارت (25)

#فصلية_دمشق
بقلم #احمد
البارت_25

ميرا .. دا نحجي وقطع اندماجنا صوت طلقة عند الجيران ووراه صراخ مرة وطلقة ثانية واختفى صوتها وطلعو الولد يركضون علمود يعرفون شكو

اسراء : وين رايح انس

انس : خلي نعرف شصاير عند الجيران

اسراء : فدوة طمنا لا تتأخر

ميرا : اهدي حبيبتي اهدي ماكو شي

اسراء : ياربي سترك

ميرا : آمين

جان وجهها اصفر من الخوف والمشكلة انو جانت خايفة على انس من قرر يروح لخط الصد وفجأة صار الطلق والصراخ

الحجية هم خايفة بس مو كلش مجرد قلق من الموضوع وبقينا ننتظر تقريبا نص ساعة بس الدنيا انگلبت بالفرع

سيارات شرطة واسعاف واصوات الناس بحيث صارت خبصة مو طبيعية وعرفنا انو المرة انضربت طلقة بس لحد الان مانعرف السبب الى ان اجو الولد

اجو هم وابوهم ويتناقشون بينهم بس صهيب جان ساكت وكأنو دا يفكر ومن اجى طلع فورا لغرفتو واجو البقية كعدو يمنا

اسراء : ها شصاير يمهم

انس : (فلان) ضرب اخوه وزوجتو كل واحد طلقة

اسراء : يا ربي سترك شنو السبب

انس : يستاهلون

الحجية : احجي بوضوح وفهمنا

انس : يكولون اخوه وزوجتو رايدين بعض بدون علمو وسامعهم يتغازلون ومو متحمل ورايح جايب السلاح ومصوبهم

اسراء : بصدمة .. شنوووووو

انس : گومي بوية گومي خلي نروح عوفيهم يتفاهمون بينهم ما دخلنا بيهم احنا

ميرا : من سمعت كلامو انصدمت صدمة عمري معقولة اكو شخص يحط عينو على زوجة اخوه يعني معقولة لهاي الدرجة خايس

هم لو مثل صهيب ورايد بنت عمو او فد وحدة عزباء او ارملة او مطلقة هم بيها مجال مو متزوجة وفوگها زوجة اخوه

احس حتى معدتي صارت تلعب من القرف بس معلي بيهم طبهم طوب اكلو حقهم بعد ومثل ما گال انس يستاهلون الي صارلهم

انس اخذ اسراء وراحو لبيتهم واني غسلت المواعين ورحت لغرفتي اول ما فتحت الباب لگيت صهيب بوجهي وفززني

ميرا : بسم الله الرحمن الرحيم

صهيب : شنو شايفة بعبع

ميرا : لا بس عبالي بغرفتك

- عادي ماكو فرق

- رايد شي

- اي

- شنو هو

- انتي

- احنا شنو اتفقنا