#فصلية_دمشق
بقلم #احمد
البارت_21
اخوان اعذروني تأخرت عليكم بس والله كوة كملتها من اللتهاب عيوني
ميرا : اخذتلي دوش وطلعت خليت اسراء تمشطلي شعري وجان بعدو يوجعني لان سحلني منو صهيب للغرفة ومن كملت راحت هي سبحت
قبل ما نطلع حطتلي مكياج خفيف بس خفتلي مكان الضربة وراح انس جاب تكسي وركبنا وياه وتوكلنا على الله
تحركت السيارة وتحرك كلبي وياها برجفة خوف على استغراب ماعرف شلون اوصف شعوري بذيج اللحظات
خايفة من صهيب وواثقة باسراء وانس وواكعة بين امرين لا مفر من احدهما وهالشي يسببلي توتر لان ماعرف ياهو يكون لمصلحتي
اعرف ان انس واسراء مستحيل يخلون احد يوصلني بس خوفي انو ينتقم مني من يكونون مو موجودين لذلك جنت خايفة
وماعرف اذا راح ارجع عليه ولا لا بس يارب ما ارجع عليه بلكي تصير فد معجزة تخلصني منو يارب ماكو غيرك يخلصني منو
مشينا بطريق طويل ولان الدنيا بداية شتاء وبعدو المطر مو نازل فالارض صايرة كأنها صحراء ماكو لا عشب لا شي مجرد تراب
بس كدرت اشوف النهر من عبرنا منو وماعرف جان نهر دجلة او الفرات جنت حاطة راسي عالجام واباوع للمناطق واحاول احفظهن بذاكرتي
الجو جان بعدو حار بالاخص الضهر فجانو مشغلين تبريد بالسيارة واني واسراء لان من ورا كاعدات يادوب يوصلنا التبريد
ويا الضهر وصلنا قرية بيوتها كلها طين صار انس يشرح الطريق للسايق الى ان وصلنا داخل حوش احد البيت وكالتلي اسراء انزلي
قبل ما انزل شفت جلب اجى باتجاه السيارة وشكلو كلش مخيف وركض واحد من الشباب وطردو ومن نزلو اسراء وانس يلا نزلت اني
محمود : يا هلا بالغالي
انس : هلا بيك حبيبي
محمود : شلونكم شخباركم
انس : مشتاقين والله
محمود : الحمدلله عالسلامة
انس : الله يسلمك
محمود : تفضلو تفضلو حياكم
ميرا : اخذنا لوحدة من الغرف جانن بيها نسوان وبنات هواي واستقبلننا احلى استقبال وفرحانات كلش بينا كأنو يعرفننا من زمان
اسراء : شلونج بيبي نورا
نورا : يا هلا بمرة الغالي لعد هيج يالفاينة تغيبون عننا
اسراء : والله يا بيبي ضروف وهالمرة جبنالكم هدية
نورا : يا يا شوفي هاي لج يمة شنو جايبة خراعة خضرة ترا هاي بنية تعالي تعالي انطيني بوسة
أنت تقرأ
فصلية دمشق
Romanceبين عثرات الحياة وذنب لم يرتكب تعيش فتاة لتقاوم هذه الصعاب فهل سيكون قدرها متجه نحو السعادة ام ان هاوية العذاب بأنتظارها....... #فصلية_دمشق بقلم #احمد قريبا........
