فصلية دمشق

البارت (32)

#فصلية_دمشق
بقلم #احمد
البارت_32
( هاي اخر مرة ابرر واحجي بيها لان هواي حجيت وماكو فايدة فيا اخوان يا عرب گلتلكم اكثر من مرة دا اشتغل من الستة الصبح للستة المغرب ومرات يأذن المغرب واني خارج البيت يعني ماعندي وقت اكتب بيه ولازم تفهمون ان الكتابة اگضي بيها اوقات فراغي مو شغل رئيسي الي الكتابة لا بيها فايدة الي ولا راح تعيشني

الي يكونون متحمسين بالاحداث عادي كلش بس الي بكل بارت يذكرني انو اتأخر بالتنزيل خلي ينتظرها لحد ما تخلص او يقدر وضعي ويحاول يشجعني علمود اكتب بكل فرصة تصيرلي واسف عالاطالة بس الموضوع جدا مزعج واحيانا حتى يخرب واهسي بالكتابة )

ميرا .. مرة من المرات گعدنا كلنا وتريگنا وهو نايم بعد ما خلصنا ريوگ طلع هو من غرفتو بس ما گعد ويا اهلو وصاحو ابوه گالو وين رايح

جاوبو ببرود لبيتي وطلع يتمشى لحگوه علمود يقنعونو يرجع بس ما جان مهتم الهم وثابت على قرارو واني لان بالمطبخ ما اسمع شجانو يحجون وياه

بعد شوية رجعو الولد وابوهم واسمع الحجي يگول خلوه براحتو نرجعو بالسياسة من نضغط عليه هواي راح يسوء وضعو

واتفقو يعوفوه ببيتو بس يهتمون بيه واجذب اذا اگول مو كاسر خاطري بس شبيدي اسوي يادوب گدرت اجيبو هنا ماگدر اسوي اكثر

جان بنفسي اساعدو مثل ما جان يساعدني قبل واحاول اخفف عنو حزنو بس وضعي يختلف 180 درجة عن وضعو ووضعي اخف من وضعو بهواي

طبعا الروتين جان طبيعي بس كل يوم عيد ياخذ ايناس ترتب بيت عمها وتغسل ملابسو ويحاولون يجيبونو واذا رفض يعوفونو براحتو

ايناس كل ما تجي تگول بعدو صافن اغلب وقتو واكثر المرات من نحجي وياه ما يحجي يبقى ساكت واكل مدا ياكل زين

عيد خطية انخبص بيه هو اكثر واحد مهتم بيه اكثر حتى من الحجي والحجية الي يروحون عليه بس مو مثل عيد

صهيب خارج قوس ما يروح الا نادرا بس يسأل عليه دائما وعيد يحجيلو عن وضع انس وحتى من ينزل من دوامو ما يروح هواي

صهيب من نوع الانسان الي ما يحب يهتم باحد او احد يهتم بيه زيادة يحب الوسط يهتم قليل ويحصل اهتمام على گد الحاجة

بس هالشي غلط بالاخص مثل وضع انس المفروض يوگف وياه طول الوقت لحد ما يرجع انس مثل قبل ويطلع من صدمة الفقدان

مرن ايام واسابيع على نفس الوضع انس ببيتو بس صار عيد يقلل من روحتو لبيت انس وايناس نفس الحالة لان يگولون صار احسن من قبل

ايناس تگول مرات تلگيه هو غاسل هدومو ومرات يلگونو مسوي اكل وماكل ونايم فهي بس تغسل المواعين وتنظف البيت وترجع

ومن رجعت لدراستها صارت كل نهاية اسبوع تروح بس تگول متغير هواي مو نفسو انس الي تعرفو متغير كلش بهاي الفترة