فصلية دمشق

البارت (37)

#فصلية_دمشق
بقلم #احمد
البارت_37

( اعرف تأخرت بس اعذروني كلش مشغول حتى الجمعة طلعت للشغل )
ميرا : گعدت وياها العصر بالحديقة وشرحتلها كلشي صار وياي وكل كلمة حجاها انس من وصل يمي لحد ما عفتو ورجعت للبيت

نورا : هذا كلشي صار

ميرا : اي بيبي هذا كلشي فانتي شنو رايج شنو الي لازم اسويه

نورا : القرار اكيد راح يكون صعب عليج انتي وياه

ميرا : اعرف لهذا طلبت رايج انتي

نورا : شنو يگول عقلج

ميرا : بصراحة ماعرف

نورا : وگلبج

ميرا : هم ماعرف ومثل ما گلتي كلش صعب القرار لذلك لا اعرف عقلي شيريد ولا اعرف گلبي شيريد

نورا : لعد وافقي لان ماعندج غير هالاختيار هذا واتفقي ويا انس تعيشون ويا بعض وزواجكم مجرد حبر على ورق هالشي افضل الج

ميرا : توقعتج تگولين خلو زواجكم طبيعي

نورا : لا بنيتي انس مجروح كلش من فراگ اسراء الله يرحمها ولحد الان مزاجو متقلب وما اريدج تبنين امل عليه بالوقت الحالي

خلي نشوف شلون راح يصير من يتغير وضعو بمرور الوقت اذا للاحسن فاكيد يصير زواجكم طبيعي واذا بقى هيج فيبقى زواجكم حبر على ورق

اني اريدلج السعادة وامنيتي انو ما جيتيهم بهاي الضروف علمود اگدر اساعدج بس للاسف مجبورة تتحملينهم لان هذا قدرج

ميرا : يگدرون يرجعوني لاهلي بس كلو من حقد الحجية

نورا : اولا حقد الحجية ثانيا الناس كلها راح تعايرهم انو تركو ثارهم وتعرفين انتي الي يحجون عليه الناس ما يرتاح بحياتو

ميرا : الله كريم عن اذنج هسا اروح لنور

نورا : تمام بنيتي اخذي راحتج

ميرا : طلعت من يمها واني افكر من جهة كلامها منطقي ومن جهة احس غلط اوافق احساس داخلي يگول انو الموافقة راح تكون غلط

رحت يم نور وحتى مادري شنو جنت اسوي وياها مر الوقت على نفس المنوال الى ان اجى ثاني يوم وگلت هاي هي اقبل وخلص

الي صار وياي ماراح يصير اسوء منو بس خلي انتظر منا لباجر او بعد باجر واخلي بيبي نورا ترجع خبر لانس وهاي هي

مر اليوم طبيعي ثاني يوم اتصلت عليه بيبي نورا وگال هسا جايكم علمود اتفق وياها بس خليني احجي وياها قبل ما اجي وانطتني التيلفون

انس : الو ميرا

ميرا : هلا انس

انس : اريدج تروحين للمكان الي حجينا بيه ذيج المرة