فصلية دمشق

البارت (23)

#فصلية_دمشق
بقلم #احمد
البارت_23

ميرا : اني منا كاتلني الخوف ومن سمعت بيها كالت تعال اخذها دمعت عيوني من الخوف ومليكة ونور استغربن انو اني خايفة

نورا : اگول صهيب

- گولي

- ترا اضمنلك تجي بس ما اضمنلك ترجع

- شلون يعني

- يعني تجي ضيف حياك الله بس سالفة تاخذ وياك ميرا فهاي تسويها ان متت اني

- خليني افهمج بيبي

- لا تفهمني ولا شي انت بنفسك گلت امانة والامانة اجتني ويا انس وترجع ويا انس غير هالكلام لا تحجيلي

- اخر كلام عندج

- اي يمة اخر كلام عندي

- خوش مع السلامة

- هلا بيك وليدي

ميرا : ها شنو صار

نورا : ماكو شي بنيتي معليج بيه

نور : تعالي وياي ميرا

ميرا : تمام

سحبت نفس بقوة واني متطمنة بعد ما سمعت كلامها ومبين من كلامها انها واثقة من نفسها ومتأكدة محد يگدر يوصلني واني يمها

نور : تعالي احجيلي ليش جنتي خايفة

- ماكو شي

- ميرا وربي ان ما حجيتي ازعل منج

- هوووووف تعاركنا اني وصهيب قبل ما اجي لذلك جابني انس وعافني هنا

- هو الي ضربج مو

- اي هو الي ضربني

- والله عرفت بس ما جنت متأكدة وما حبيت اتدخل

- اي

- ادري هو هم حاسب نفسو رجال من يضرب مرة

- صار الي صار بعد

- اني ادري بيج رحتي فصلية الو مو زوجة وتوقعت كلشي يصير وياج

- الحمدلله على كل حال

- احجيلي بعد شصار ما صار وياج

- ماكو شي من ضربني اجو انس واسراء صدفة واخذوني وياهم واجينا هنا

- لعد لا تروحين

- ومن ايمتى الفصلية الها قرار

- استغفر الله ياربي شلون اجاني حجي

- لا تحجيه لعد

ميرا : بقينا نحجي اني وياها بس ما حجيتلها عن تفاصيل حياتي عند اهل صهيب حسيت انو المفروض ما احجيلها احسن

صهيب من رزلتو الحجية ماگدر يجي لان يعرف نفسو راح يرجع خسران وفوك هذا ممكن تصير مشكلة بينهم علمودي