فصلية دمشق

البارت (24)

#فصلية_دمشق
بقلم #احمد
البارت_24

(السلام عليكم اعرف تأخرت عليكم بس مثل ما كلتلكم دا اشتغل وكوة الكي وقت علمود ارتاح بيه لدرجة اخلص صلاة العشاء وانام فورا

راح احاول اكتب بس ماكدر احدد جدول للنشر لان الضروف مو بكيفي اتحكم بيها بس إن شاء الله ما اقصر بالايام الجاية
اخوكم احمد ❤️)

صهيب : هلا والله اشرقت وانورت ست ميرا خوما انزعجناج من خليناهم يجيبوج

ميرا : شتريد

صهيب : اريد اصير ارمل لان حاب اعيش الشعور .. وسحب الحزام من خصرو

ميرا : من گال هيج سحبت نفسي عالحايط وحطيت ايديني كدام وجهي (حركتي المعتادة من اخاف)

شوية وسمعتو يضحك بعدت ايدي عن عيوني شفتو نزل الحزام بصفحة واجى كعد على طارف الفراش وگال تعالي نحجي شوية

ميرا : شتريد

- تعالي نحجي ما اسويلج شي دا اتشاقة وياج

- وهو هيج الشقى

- هسا تعالي خلي نحجي

- شتريد تحجي

- ليش تجبريني اذيج

- اني جبرتك

- اي لو نسيتي كلامج ذيج المرة

- يعني جايني وعلى ملابسك اثر بوسة من وحدة بالحرام وتريدني اهدئ وانت واعدني انو تعوفها

- وربي من رحت عليها رحت اريد انطيها خبر انو بعد ماكو اي تواصل بيناتنا بس الشيطان لعب براسي وصار الي صار

- وباجر هم يلعب براسك وغيرها وغيرها وبالاخير اني الي لازم اتحمل

- لا مو هيج اني رجعت ضايج لان ضعفت كدامها وكلامج خبلني لذلك فرغت عصبيتي بيج

- وهسا شنو المطلوب مني

- هسا اني عفتها ومن ذاك اليوم ما وصلتها وهاج باعي

- فتح تيلفونو وشوفني عدد المكالمات اكثر من 100  اتصال وهو مو راد عليها

- لا دا ارد على اتصالاتها ولا رحتلها ولا شي

- اصلا ما يهمني اني

- لا يهمج اني اريد نرجع مثل قبل لا نتعارك

- صهيب انت تحجي صدك

- باستغراب .. ليش

- يعني بعد كل الي سويتو بي جايني تريد نرجع مثل قبل وبعد يوم لو يومين هم تضربني وهم ترجع تبرر وتريد نرجع

- لا ما اضربج بعد

- وشنو يثبت

- انتي هسا ما توثقين بكلامي بس الايام تثبتلج

- واذا صار وضربتني

- كلتلج ما اضربج بعد اصلا من شفت شلون انس الغريب يدافع عنج بدالي حسيت بغلطي