فصلية دمشق

(لمحة)

#فصلية_دمشق
بقلم #احمد
#لمحة

ميرا.. جنت متجهة عالبيت بالسيارة وهواي اسئلة وحوارات اجت ببالي علمود من اشوفو احجيهن بلكي شوية اكدر اقنعو

جنت كل حوار افكر بيه افكرلو باسئلة واجوبة ونقاش طويل وعريض علمود احجي بيه بوقت اكبر وياه لان الكلام راح شوية يخفف عنو

من وصلت نزلت واتجهت داخل البيت الحوش كلو تراب ووصخ ومبين عليه الله يعلم شكد مو متنظف وهالشي كلش طبيعي

دخلت من باب الصالة جانن الغرف بوبهن يم بعض يفصل بينهن حايط واحد هو جان كاعد وساند ضهرو عالحايط وصافن يفكر ماعرف بشنو

البيت خبصة الاغراض منتشرة بكل مكان تقدمت من بينهن وكعدت كدامو اريد احجي وضاع كل الكلام الي جنت اجهزو بالسيارة

باوعلي بعيون حمر وبيهن انكسار بحياتي كلها ما شفت مثل هالانكسار كال شعندي باقي والمن باقي لا ودعتهم ولا بوستهم ولا كلتلهم شكد احبهم

نزلن دموعنا سوا واني اتذكر اللحظات الحلوة الي جمعتنا سوالفنا ضحكاتنا مقالبنا صرت اشهك بالبجي واريد احد يواسيني اني بدالو

.......... قادم