فصلية دمشق

البارت (36)

#فصلية_دمشق
بقلم #احمد
البارت_36

ميرا : اخير شي گعدت عالحديقة بنص الليل وما اسمع بس اصوات الجلاب كل واحد يعوي من جهة من القرية واحس الهوا كلش منعش

بقت الافكار تدور براسي الى درجة صرت ابجي من تعب التفكير وبقيت ابجي الى ان حسيت طاقتي انتهت وفززني صوت من وراي

مليكة : ها ميرا شعندج گاعدة

ميرا : بخنگة .. ما گدرت انام

- اجت گعدت يمي .. اعرف شعورج صدگيني

- شلون تعرفيه

- اني هم فقدت روحي ويا ابو محمود ولحد الان احس طيفو يمشي گدامي

- الله يرحمو

- ويرحم موتاج

- الافكار دمرتني

- وگلبج

- شبيه گلبي

- بعدو صافي مثل قبل

- ماعرف

- مو المهم العقل المهم گلبج يكون صافي تجاه الناس الزين والشين وبعدها يجي دور العقل

- وشلون اسوي هالشي

- اول شي اقنعي عقلج انو ماكو شي يسوا انو تحقدين او تكرهين احد لان هاي الدنيا مصيرها الزوال مهما طالت

فسامحي الكل مهما كانت اذيتو لان هالشي هذا نعمة مايعرفها الحاقدين والكارهين وحتى الرسول عليه السلام ذكرها

- شنو گال

- فد مرة جان گاعد ويا الصحابة بالمسجد وگاللهم راح يدخل عليكم رجل من اهل الجنة فدخل رجل لحيتو مبللة بماي الوضوء

ثاني يوم صار نفس الموقف ودخل نفس الرجل واليوم الثالث صار نفس الموقف ونفس الرجل وصار فضول عندهم يعرفون السبب الي يخليه من اهل الجنة

فراح عبدالله بن عمر عالصحابي هذا وگالو تعاركت ويا اهلي واريدك تستضيفني عندك كم يوم والرجال استقبلو واهتم بيه

گضى كم يوم عندو وشاف ماعندو شي زايد عن عبادتهم وبالعكس هم ممكن يعبدون الله اكثر منو ومع ذلك انذكر انو من اهل الجنة

بعد الكم يوم صارحو عبدالله بن عمر بالموضوع وانو اجى علمود يعرف السبب بس الرجال گالو ماعرف شنو السبب ورجع عبدالله بن عمر

قبل ما يبتعد صاحو الرجل وگالو اكو شغلة وحدة يمكن هي السبب وهي انو من انام ما اكون حاقد او كاره اي انسان

- اي

- فيا حبيبتي اخذي عبرة من هاي القصة وسامحي الكل علمود گلبج يرتاح وعقلج هو لحالو راح يصفى ويا الوقت

- إن شاء الله احاول اسوي هيج

- هسا روحي نامي ومثل ما گلتلج من تحطين راسج عالمخدة تأكدي انج مسامحة الكل