يا زماني لا عاد تأسرني الدنيا قستني وقست سنيني

البارت الحادي عشر ( لقاء لم يكن بالحسبان )

البارت قصير وانشاء الله أعوضكم بـ بارت ثاني ، البارت هذا عبارة عن لقاء لا أكثر فـ أرجوا الأستمتاع
________________________

بيت النايف

وقفوا قدام البوابه الكبير

نادى تركي للحارس يفتح الباب لهم ، أنفتح الباب والتفت تركي لـ ماجد وشاف نظرات البرود والهدوء وعيونه أللي أحتدت

تركي بصوت هادي : يلا ماجد خل ندخل

هز رأسه بأي ودخلوا وكانوا يمشون بس توقف تركي على سؤال ماجد

ماجد بتسأل :الحين مين يعيش هنا

أبتسم تركي : كل النايف

أشر على القصر الوسطي وأللي كان الأكبر : هذا بيت جدي ويعيش فيه جدتي وعماتي الثلاثه وعيالهم

وأشر على الڨلة إللي بجهة اليمين : وهذا بيت عمي ناصر

وأشر على الڤلة إللي بجهة اليسار : وهذا بيتنا بيت أبوي عيسى

همهم وطاحت عينه على ڤلة ورا قصر خليفه

أشر ورا القصر : باقي هذي لمن

تكلم بصوت هادي : هذا بيت عمي فيصل الله يرحمه إللي من المفترض يعيش فيه بعد ما يتزوج بس الله ما كتب

ظل ساكت ويطالع البيت إللي المفروض يعيش فيه هو و أمه وأبوه وأخته سعيدين بس جده دمر كل شي بيده

كملوا مشي وقال ماجد : الحين وين نلقى جدك

تركي : أكيد في بيته والكل مجتمع هناك .. كل جمعه المغرب يجتمعون

همهم له ووصلوا لباب بيت الجد

زفر تركي وطالع ماجد : مثل ما أتفقنا .. أنا الحين بروح أسلم عليهم وبعدها بجيك

ماجد بهمس : طيب

دق الجرس ينتظر أحد يفتح الباب

داخل عند الرجال

خليفة بأبتسامة : أيوه يا أحفادي من بيشد حيله ويتزوج

هنا كلهم طالعوه بصدمه

جابر : جدي تمزح

الجد خليفه : ليه أنا أقول شي وأمزح فيه

ضحك وسيم : يا جدي توا الناس .. بندر وراشد وطارق إللي خاطبين بعدهم ما تزوجوا

الجد خليفه بحده : أنت وأخوك بزوجكم بعد ما نخلص من الخاطبين

سامي : لالا بعدنا صغار

عيسى توسعت عيونه : أبك .. ما تستحي يا قليل الخاتمه

الجد خليفه : أقول يا ورع يوم كنا بعمركم .. كان عندنا ثلاث ست عيال يالعنز

فطس فواز ضحك

الجد خليفه رفع عصاته : أجل تضحك .. أجل شرايك أزوجك ثلاث