يا زماني لا عاد تأسرني الدنيا قستني وقست سنيني

البارت الرابع عشر

بيت عيسى

رجع من الدوام متوجه للبيت ، دخل وشاف امه جالسه تسولف مع أنوار ، قرب بخطوات ثقيله وانحنى بجسمه يقبل راس أمه

جراح ببحه : السلام عليكم

رفعت لمياء راسها له : عليكم السلام .. ها أبوي اشوفك راجع بدري

جراح بهدوء : جيت ارتاح شوي

أومأت وصد جراح عنهم وراح صاعد لفوق

أنوار التفتت لأمها : يمه أحس جراح مب طبيعي

لمياء تنهدت بضيق : ليه هو اصلا طبيعي من يوم بعدت عنه مايا

أنوار بتفكير : ظنك يحبها للحينه

لمياء بهدوء : مدري مير ما ظنتي أن قلبه نساها

أنوار : يمكن

جراح أول ما صعد فوق توجه لغرفته ، فتح الباب وسكره ، تقدم بهدوء وشاف سحر تكلم بالجوال وأول ما شافته ارتبكت

سحر : يلا مع السلامه أتصل فيكِ بوقت ثاني

و التفتت له بابتسامة : هلا جراح ما توقعت تجي بدري اليوم

طالعها شوي وتوجه لدولابه : جيت ابي ارتاح

أنهى كلامه ودخل الحمام

زفرت بارتياح وبهمس : وقته يجي الحين

بعد نص ساعة طلع من الحمام وأنسدح على السرير ، غمض عيونه بس شاف طيفها إللي للحين يلاحقه ، فتح عيونه بضيق والتفت لـ سحر

سحر بأنزعاج : جراح شف خواتك ترا زودنها وأنا ما عاد صرت متحملتهم

جراح بدون نفس : مو وقتك سحر

سحر بصوت باكي : مو وقته هذا الكلام إللي عندك .. إذا تبي ترتاح ليش ما تشتري لي بيت لحالي

طالع فيه بحده : ماله داعي .. تعيشي هنا معززه مكرمه

وقفت سحر بغضب وتوجهت للباب ، طلعت وسكرته بقوه

تأفف بضيق : وقتك تطلعين لي بسالفه جديده

زفر بكتمه ورجع يغمض عيونه مره ثانيه وداهمته ذكريات وكأنها أمس صارت

- تأففت بملل : جراح مو من جدك والله مو مشتهيه أكل

رفع حاجبه : مو على كيفك .. تأكلين غصب

برطمت بزعل طفولي : أنت عندك كل شي غصب

ضحك بخفه ومال بجسمه يقبل بطنها وبحنيه : يا عيوني علشان إللي في بطنك ما يتأذى

قلبت عيونها بغيره : الحين هذا همك إللي في بطني أجل وانا

سحبها من خصرها حضنها وباس أنفها وبهمس : لا بالله أنك تهميني .. أنتي كياني وقلب جراح .. بدونك يا مايا اضيع تراني بلا حياه بالياك