يا زماني لا عاد تأسرني الدنيا قستني وقست سنيني

البارت السادس

في مكتب المدير

راشد بهدوء عكس التوتر إللي بداخله : حسابات الشركة

ناصر : وش فيها حسابات الشركة

راشد يرمي عليهم القنبلة : أحد تلاعب بحسابات شركتنا

عم الهدوء في المكتب

نادر وقف بأستقامة وبعيون واسعه : أييييش

ناصر ضرب الطاولة بعصبية : وش الهرج
إللي تقوله يا رااشد

راشد : إللي سمعته يا خال

خالد : يا عيال تتكلمون جد ولا مزح

بندر : ليتنا نمزح يا اخوي

جراح بحده : شلون يعني ... حسابات الشركة ملعوب فيها

نادر : المهم أنها ما تكون أرقام كبيره وإلا بتكون ورطه

ناصر طالع في بندر وراشد بشك : قولو الحسابات كبيره ولا صغيره

بلعوا ريقهم بخوف

بندر بخوف وابتسامة غبية : ها .. أيه حسابات كبيره

راشد : مثل ما قال ... كبيره وكبيره حييل

ضرب خالد جبهته بقهر

ناصر بصراخ : شلووون صار كذا ها ... مييين ممكن يلعب من ورانا

خالد يهدي أبوه : أهدى يبه أهدى ما يصير تعصب

نادر بعصبية : أخ يالقهر
وبحده : من اليوم بنشدد على الموظفين ... الظاهر تساهلنا لهم كثيير

جراح : بذات الموظفين الجدد
وكمل بجمود : لازم يتعاقب إللي سوا كذا .. خان ثقتنا فيه

راشد : أفهم منك أنه من داخل الشركة

جراح : أيه .. وأن كان من داخل هالمبنى .. بيكون عقابه شدييد ، وطلع

ناصر يفتح أول أزرار ثوبه : عطني كاسة مويا

خالد يعطيه كاسة مويا : سم يبه

ناصر بقهر : مين ممكن يسوي كذا هذي أول مره يصير فينا كذا ، وشرب بغبنه

نادر : أنا بشوف الموظفين وانت يا راشد ويا خالد وبندر حاولو بقدر المستطاع ترجعوا كل شي لوضعه الطبيعي والباقي علي وعلى جراح وطارق

أومأ راشد وطلع مع بندر ولحقهم نادر وبقى خالد عند أبوه يهديه

\\\\\\\\\\\\\\\\\\\\\\

بيت البارود
عند مايا نزلت للصالة شافتها فاضيه راحت للمطبخ وسوت لها قهوه وشافت هانا

مايا : هانا

هانا : نئم مدام

مايا : وين مدام ليلى

هانا : مدام إيلى روه إند جار

مايا : أممم ... طيب لينا وريما وين