يا زماني لا عاد تأسرني الدنيا قستني وقست سنيني

البارت التاسع

السعودية

بيت الجد خليفة

جالسين بالصالة سوالف وضحك فجأة
دخل سعد وهو يلهث

الجد خليفة : سعد علامك .. وش فيك

سعد صرخ ووجهه أحممر : مصيببه .. مصيبه طاحت علينا يا جدي

وقف الجد خليفة وبحزم : أنطق وش العلم إللي عندك

عيسى بعصبية : تكللم أحرقت أعصابنا

سعد طالعهم : شركتنا الثانية صابه تفجير بقسم موظفين الماليه

ناصر وقف بصددمة : وشـو

سعد يتنفس بقوه : قبل شوي كلمني نادر وهو وجراح حالياً بالشركة

صرخ عيسى بقهرر : رح كلم الشباب خلهم ينقزون للشركة بسرررعه

طلع سعد ينادي الشباب

خليفه بحده : خلونا نروح

راح الجد خليفة مع عيسى وطلع وراهم ناصر راشد

كلهم راحوا متجهين لـ شركة النايف ، بعد ساعة وصلو ونزل الكل داخلين بسرعة للقسم

وصلوا وفتحوا الباب وكان هناك نادر يهزء الموظفين على أهماله وجراح يطالع بعصبية

جراح دف الكرسي حتى طاح وصرخ : الله ياااخذهم الكلااااب

تقدم طارق وهو يهديه : أهدى يا جراح .. كل شي ينحل بهدوء

جراح صدره ينزل ويرفع : شلون أهدي قل لي شلوووون

خالد بغضب : الكلب هذا مصيره يطيح بين يدينا

ناصر بصدمة : وش ذا إللي أشوفه
كان بعض الطاولات طايحه والأوراق متناثره على الأرض والكراسي طايحه بالأرض والشبابيك الزجاجيه متكسره والجدار فيه بعض السواد أثار الأنفجار

نادر يطالع الموظفين والشرار يتطاير من
عيونه : والحين وش السواة مع ذولا

عيسى بصراخ وحده : أطردهم .. الأشخاص المهملين مثلهم لازم ينطردون ما يقعدون بالشركة ولا ثانيه

ناصر حط يده على رأسه من الصدمة : عييسى إللي فينا مكفينا .. مو من جدك تطردهم وحنا في أمس الحاجه لهم

عيسى بعصبية : ليه ليكون تبي تقعدهم هنا .. مو كافي أنهم أستهانوا بشغلهم

ناصر : فصل لمدة شهر وخصم راتب .. هذا وحده يكفي و يوفي

رائد : كلام خالي صحيح .. ذا أحسن حل

كان ساكت ببرود ويناظر الحوسه إللي صارت

تكلم بجمود خل الكل يلتفت له : الحادثه مفتعله

خالد : شلون يعني .. مين ممكن يسوي كذا

تقدم جابر لجده : يبه أنت شاكك بأحد

الجد خليفه : لا .. أفكر من ممكن يسوي كل ذا .. ما لقيت أحد يحمل ضغينه للنايف