سليم: اتجوز واحده مطلقه ومعاها عيل ليه
قامت رنا وصرخت بانفعال: المطلقه ديه اتجوزت عضب عشان صفقه اتجوزت واحد مبتحبهوش ولا عارفه عشان صفقه اتجوزت واحد خاين وزباله كل يوم فى حضن واحده عشان صفقه كان بيتعامل معايا كانوا جايب واحده من الشارع جيت ركعت قدام جدك عشان يطلقنى منه ابتسمت بوجع قالى لو اطلقتى دلوقتى سرتك هتبقا على كل لسان اهتم بكلام الناس وانا مهتمش بيا عدت سنه واكتشفت انى حامل مرضيش يطلقنى منه وقالى استحملى عشان اللى فى بطنك استحملت كلام امه وهى بتقولى انا اشتريتك بفلوسى واستحملت اهانته ليا خسرت حب عمرى عشان صفقه عمرى ما انسى بصته ليا يوم الفرح
مراد بسخرية : لو كان بيحبك كان دخل البيت من الباب مش من الشباك
رنا بوجع : اتقدم 3 مرات بس جدك قال انه مش مستوانا بس والله كان عنده شركه وباباها مدير جامعه بس ازاى نتجوز حد احنا اعلى منه بسببكوا خايفة اطلع من البيت متطلقه من اربع شهور مطلعتش من البيت عشان خايفه الناس بتبص للمطلقه كانها عامله ذنب بيحكموا عليها باوحش الاحكام عشان اطلقت محدش شاف هى مرت بأيه او كانت بيحصل فيها ايه او كانت بتتعامل ازاى
فى بنات كتير بتخاف تتطلق عشان كلام الناس
عشان المجتمع العظيم اللى عايشين فيه انتو شخصيا بتهتموا بكلام الناس ميفرقش معاكوا غير. كلام الناس عندك مراد متجوز 7 مرات عرفى لما عرفت قولت لو الاعلام عرف هتبقا سيرتنا على كل لسان مقولتش ان ده حرام وان بنات الناس مش لعبه
خايف من كلام الناس اكتر من خوفك من ربنا وصعدت
صعد وراءها مليكه ولمار ولين وفريده
هشام لمحمود : كتب الكتاب بتاعهم بعد 3 ايام وانت ومصطفى اللى هتجهزوا الحاجه
ياسين: انت بتعمل كده ليه
هشام : عشان مصلحتها
ياسين بزعيق: فين مصلحتها فى الموضوع اتجوزت واحد خاين وزباله وعايز اتجوزها لواحد ازبل منه وكمان بيفكر فى اختها عايز تقهرها اكتر الجوازه ديه مش هتم
وصعد الى اعلى
فارس: جدو كده حرام بجد
سليم: الجوازه ديه مش هتم
مصطفى: فى ايه يالا منك ليه طايحين فى الكل ليه مفيش حد مالى عينك
سليم: انت ترضى حد يعمل كده فى فريده
مصطفى: احنا بنعمل كده عشان مصلحتها
سليم: خلاص جوز فريده لمراد وفارس يتجوز رنا
محمود: رنا هتتجوز مراد والكلام خلص
سليم: الجوازه ديه مش هتم
وصعدو الى اعلى
_____________________________________
فى غرفة رنا
كانت جالسه على سريرها تبكى وبجانبها الفتيات
يبكون ايضا
ياسين: انتو جايين تهدوها ولا تعيطوا معاها
سليم: هما البنات كده عندهم هبل فى المشاعر
مليكه: بس يا طفس
ياسين: خلاص يا مليكه مكانش فطار اللى كلتوه
يعنى
مليكة: انت كنت ناقص تاكل دراعى يا طفس
ياسين: الله كنت جعان ماكلش يعنى
مليكه : لا كل اكلى خلى بالك انا مش مسمحاك
ياسين: بصالى فى 4 سندوتشات وطبقين رز و حتيتين لحمه
رنا : بس لا هى فعلا ظالمه ايه الطفاسه ديه
مليكه: ايه رأيكوا ننقل الشاشه فى الجنينه ونعمل تسالى ونسمع فيلم حلو
الجميع : اشطا
وبداءوا فى نقل الشاشه اما البنات كانوا فى المطبخ يصنعون الطعام
فى الصالون
وصل زيدان الى المنزل
ادم وهو ينظر الى الفتاه باستغراب: مين ديه وعرفتها ازاى
زيدان: بدء يحكى كل شئ
ادم: انت هتعمل
زيدان: مستنى المعلومات تيجى وبعديها يحلها ربنا
ادم: انت هتتجوزها
زيدان: ربنا يسهل
ادم: متظلمش بنات الناس عشان واحده زباله
زيدان بانفعال: .......................
____________________________________
عند عز وحمزه
العسكرى : فى واحدة عايزة مستر ادم برا
عز : عايزه ايه ديه
حمزة : دخلها
دخلت الفتاه
الفتاه: فين استاذ ادم
عز: مش موجود انهاردة
الفتاه: طب ممكن العنوان بتاعه
عز: انتى اسمك ايه
الفتاه: كارما
عز: بص يا عسل اخرجى برا ومشوفش وشك تانى
كارما : اتكلم معايا باسلوب احسن من كدا انا مش شغاله عندك
عز: بنت انتى وطى صوتك واحترمى نفسك ثم تابع بسخريه واحده عايزة عنوان شاب اعزب ليه
ضربته كارما بالقلم على وشه
عز بغضب وانفعال :................
_________
____________________________________
فى الجنينه
كان كل من ياسين وسليم وفارس وفريده ولين مليكه ورنا ولمار
جالسون على الارض يشاهدون التلفاز باستمتاع
عندما دخل شخص ما
شريف: الف سلامه عليكى يا دكتور مليكه
مليكه وهى جالسه على الارض: الله يسلمك بس انا مش تعبانه انا واخده اجازة عادى وحتى لو تعبانه ده ميدكش الحق ان تيجى لحد البيت
شريف بحرج: انا كنت عايز اكلم جد حضرتك فى موضوع
ياسين بحده: موضوع ايه
شريف: انا طالب ايد دكتور مليكه
ادم من الخلف بزعيق :...........................
""""""""""""""""""""""""""""""""""""""""""
الشخصيات الجديده
ليليان : فتاه جميلة تبلغ من العمر 19 عاما تمتلك وجه دائرى وعيون زرقاء وشعر بنى طويل ونمش بسيط على خديها
كارما : طبيبه ماهرة تبلغ من العمر 29 عاما فتاه جميله عيون زرقاء وشعر احمر نارى طويل يتيمه الابوين تسكن فى منزل لوحدها
