فكيف تكف الروح عن الروح والروح في الروح تقيم

الخطبه

غرام : جلست الصباح كالعاده قبل الفجر ب نص ساعه ورحت اصحي الاولاد عشان يروحون يصلون الفجر في المسجد ورحت جلست ابوي وقلت له بابا رح جلس عيالك توني جايه من عندهم ومايبين يقومون قال خلاص ذول خليهم علي ( طبعا كانوا يتكلمون جنب غرف الأولاد ) وطلعوا وقالوا جاهزين احنا يلا نمشي وراحو وهي راحت تتوضى وأذن ثم صلت وجهزت الفطور وجاو وفطروا والكل راح ينام ماعدا هي وابوها كانوا يسولفون بعدها الأب تذكر شيء وقال اي صح غرام نسيت اقول لك بعد صلاه العشاء بيجون حق الخطبه وهي قالت تمام.

سعود : كالعاده جلست قبل اذان الفجر ورحت تروشت ومشيت انا وابوي المسجد نصلي و أتفاجأ بأن عمي محمد وعياله موجودين وسلمنا على بعض وصلينا بعدها قعدنا نسولف جنب المسجد وعمي محمد قبل لا يروحون قال لي لا تنسى بعد صلاه العشاء تعالوا عندنا حق الخطبه وقال ابو سعود لاتخاف مانسينا بفضل الله ثم ذا واشر علي ونا شوي انحرجت وقلت يلا ابوي امي تنتظرنا بتغيير الموضوع وانا مكشوف والدليل ع ذالك كلهم ضحكوا حتى انا معهم ومشينا.

غرام : اذن الظهر وروحنا الصالون اهلي وأهل سعود وتجهزنا ورجعنا وكنت مره متوتره وأذن العشاء وصليت ولما سمعت ابوي يرحب فيهم زاد توتري .

سعود : رحت الحلاق وتجهزت ورحنا بيتهم واحنا متوترين قال ابوي حسستوني ان كلكم سعود عشان تتوترون قالت مريم صديقتي عشان كذا وقال ابوي لا تقولين لها صديقتي قولي لها زوجة اخوي انحرجت وشغلت جوالي الا 5 دقايق ووصلنا ودخلنا ورحب فينا عمي محمد ودخلنا المجلس وجاء كاتب العدل ووقعنا وخلصنا وبعدها راح كاتب العدل وطلع الكل من المجلس عشان غرامي بتدخل ودخلت قلبي المجلس ومشيت ريحتها رفعت راسي شفتها متوتره ودخلت سلمت ورديت السلام وجلست بعدها قعدنا نناقش عن الزواج من التوتر وبعدها دخلوا وقبل لأتطلع غرام قال لها ابوي غرام قالت هلا قال جهزي اغراضك أنتِ وإخوانك قالت ليش قال عشان بنروح بكرا مخيم عائلي وقالت ابشر قال ابوي ردا لها تبشرين في الجنه يابنتي وروحنا.

انتظروا في البارتات الجايه وتحديدا في بارت المخيم بيصير شيء بينهم.
اسفه ع التأخير.