Bodyguard (JJK) (Complete)

Proposal

ජන්කුක් ඒරා දෙන්නගෙ ආදරේ ට දින සති ගෙවිලා මාස තුනකට කිට්ටු උනේ ඇසිපිය ගහන වේගෙන්. මේ කාලෙදි දෙන්න අතරෙ නොහොද නොක්කාඩුකම් සිද්ද නොව්නම නෙවෙයි. හැබැයි ජන්කුක් ගෙ ඉවසීම ට පුළුවන් උනා ඒ හැමදේම සුළු මොහොතකින් ආපහු සාමාන්‍ය අතට ගේන්න. මොකද ඒරා ගොඩක්ම රණ්ඩු උනේ ජන්කුක් කරන මොකක්ම හරි මෝඩ වැඩක් නිසා.

මේ වෙද්දි ජන්කුක් ඒරා ගෙ ගෙදර ඉදන් රාජකාරි කරන එක නවත්තලයි තිබ්බෙ. ඇත්තටම ඒක ඒරා ගෙ ඩැඩා ගෙ තීරණයක්. ගෙදරින් එළියට යනව නං විතරයි ජන්කුක් ට ඒරා ව ගාඩ් කරන්න හම්බුනේ. ඒ හේතුවෙන් මේ දෙන්නට හම්බෙන්න පුළුවන් උනේ ගෙදරින් පිටදි විතරයි.

ඉස්සර වගෙ නැතුව දැන් හැමදාම ඒරා උදේ අට වෙද්දි නැගිටින්න පුරුදු වෙලා. ගොඩක්ම ජන්කුක් ගෙ උවමනාවට. අදත් උදෙන් නැගිටපු ඒරා ජන්කුක් ට කෝල් ගත්තේ තමන් ට අයිති මෝනින් කිස් එක ඉල්ල ගන්න වගේම රෑ කොල් කලේ නැති එකට පොඩි වලියක් අල්ලන්න . ඒත් ජන්කුක් කෝල් එක answer කරන් නැති උනාම ඒරා පොඩ්ඩක් විතර කේන්ති ගියා. මොකද ඒරා දන්නවා ජන්කුක් ට ඕන තරම් කරන්න රාජකාරි තියෙනව කියලා. ඒත් ඉතිං කෝල් එක answer නොකර ඉද්දි බය හිතෙනව නෙ...

"ඒරායා..."

ජන්කුක් ගෙ සිහියෙන් හිටිය ඒරා ගැස්සුනෙ රූම් එකේ දොර ත් සම්පූර්ණ ඇරලා දාගෙන දුවන් ආව මින්හි නිසා. මින්හි ගෙ හස්බන් මීට මාස තුනකට කලින් කොරියා ඇවිත් ඉදලා ජපන් ගිය නිසා මින්හි දවසෙ වැඩි හරියක් ගත කලේ ඒරා ජන්කුක් දෙන්නා එක්ක. ඒරා ට ත් ගෙදරින් එළියට පැන ගන්න ලේසි වෙන්න ලොකුම හේතුව උනෙත් මින්හි තමයි.

"යාහ්... බය කරන්න එපා බං. මං හිතුවා මමා කියලා."

"අද J-Hope ගෙ ෆෑන් මීටින් එකක් තියෙනව. යමු කො... ඉක්මනට ලෑස්ති වෙලා එනවා. තව පැය එකහමාරක් විතර ඉතුරු අපිට."

මින්හි කියද්දි ජන්කුක් ව අමතක උන ඒරා ඉක්මනට වොශ් රූම් එකට දිව්වෙ පරක්කු වෙන නිසා. බෝයි ෆ්‍රෙන්ඩ් හෝ හස්බන් කෙනෙක් හිටිය කියලා ආර්ටිස් කෙනෙක් ට ක්‍රශ් කරන්න තහනමක් නෑ නෙ. ඒරා මින්හි දෙන්නත් අන්න ඒ වගේ තමයි.