...
رجعوا الجد والعيال من المسجد وكل واحد راح لفراشه ينام
قاموا الظهر لانهم كانوا سهرانين اما الجد وعياله صاحين من الصبح
نزلوا سعود وناصر للمجلس جات ام تهاني للمجلس فرحانه: يابوي ابشرك
الجد: عسى ماشر
ام تهاني: مابه شر يابوي
الجد: بشري
ام تهاني: جايين خطاب لبنيتي
فز قلب سعود من مكانه
الجده بفرحه: من خطابه
ام تهاني: جيرانا حابين يخطبون ندى
تنهد سعود: مشاءالله الله يتمم لهم على خير
الجد: شاورتيها
ام تهاني: لا قلت ابشرك اول
الجده: روحي شاوريها ونشوفها
ام تهاني: طيب
راحت ام تهاني لغرفه ندى ودقت الباب: ندوي افتحي الباب
فتحت الباب ندى: تفضلي
ام تهاني: يابنتي انا ابغاك تعيشين حياتك وتنسين الي فات
ندى: يمه وش في قولي لاتلمحين
ام تهاني: جايينك خطاب
ندى: من خطابه
ام تهاني: ولد جيرانا مهند
ندى: بفكر وارد لك خبر
ام تهاني: ياقلبي انتي لا تتوترين انتي فكري وبنرد لهم
ندى: تمام
نزلت ام تهاني من الغرفه
( مهند: ولد جيران الجد خالد عمره23سنه اصغر من ندى طيوب وحنون يشتغل عسكري)
ندى حست ان الموضوع جدي وانها صدق بتتزوج فكرت وحست انها مرتاحه له هي ماتعرفه بس حست انها مرتاحه وبتوافق
راحت ندى لأمها كانت بالمجلس عندهم
ندى: يمه حسيت اني مرتاحه وموافقه
ام تهاني: الله يتمم لكم على خير
الجده: مبروك يابنيتي
ندى: الله يبارك فيك
الجد: اوه حفيدتي كبرت وبتتزوج ضحكوا كلهم
ندى: افا عليك ياجدي ، الا صدق هو كم عمره
ابو عبدالله: يمكن 23،24
ندى: اصغر منيي
سعود: بتاخذها طقطقه عليه الحين
ضحكوا وناظرته ندى وضحكت: ماشفت شي
ضحكوا عليها ودخلت البندري للمجلس الي وجهها مفقع نوم
الجده: صح النوم يابنيتي
البندري: صح بدنك
جلست البندري جنب ندى: ليه الابتسامات شاقه وجيهكم
الجد: مادريتي
البندري: وش
ام تهاني: اختك بتعرس
البندري ناظرت ندى: صدق؟؟
ناظرت جدها: يعني بصير خاله
ندى قبصت يد البندري ناظرتها البندري ومسكت يدها: عورتيني
ضحكوا وناظرها ابو ريتاج: بدري بدري خليها تعرس بالاول
ام تهاني: اجل انا بقوم بكلم ام مهند اننا موافقين
ابتسمت ندى: خذي راحتك
كلمتها ام تهاني وباركت لها وحددوا الملكه تكون بعد 6 ايام
الجده: احس بدري بس اذا تبي ندى براحتها
ندى: لا لا مناسب ياجده
ناصر همس لسعود: واضح مستعجله على العرس
ضحك سعود: اسكت لايسمعونا
حطو الغداء وتغدوا وخلصوا وقامت تهاني تغسل ولقت سعود يغسل: اي متى بتلقى شغلي
سعود: بعد الملكه
تهاني: ملكه مين؟
سعود: ماتدري؟
تهاني: لا والله مين
سعود: اختك ندى
تهاني: كذاب، من خطبها
سعود: مهند ولد. الجار
تهاني: وافقت ولا لا
سعود: لا ومستعجله بعد قالت بعد 6 ايام بتكون الملكه
تهاني: طيب للحين ماتعرفت عليه
سعود: ماعليك اجيب علومه وعطيه اختك
تهاني: يا اسطوره، تمام
ابتسم سعود وراحت تهاني لندى بالمجلس: مبروك ندوي
ندى: الله يبارك فيك
تهاني: بننزل للسوق صح
البندري: اكيد لاني بصير خاله
ضحكوا عليها
تهاني: توه بدري عليها
البندري: لا ماعليك تتزوج وتجيب لنا نونو
ام عبدالله: ههه شكلها تبيك تتزوجين وفي اليوم الثاني بيدك النونو
البندري: صح عليك ياخاله
ضحكت ام عبدالله: الله يصلحك يابنيتي
ندى: طيب مين بيوديني للسوق
سعود: تجهزوا
تهاني: انت بتودينا
سعود: اي
ناصر: وانا معك
تهاني: تمام يلا انا بقوم البس
وعد: يلا حتى انا
قاموا البنات يتجهزون
وتهاني لبست لها بنطلون جينز ازرق وبلوزه بيضاء قصيره شوي
بطنها تبين شوي
نزلت وكانت عبايتها الكحليه مفتوحه نزلت: يلا بنات
نزلوا البنات: تهاني ووعد ووجدان وريتاج وشهد وندى والبندري ولمياء
دخلوا محل في فساتين مره حلوه ناظرت تهاني الفستان بأعجوبه: ندويي ذا يكون حلو عليك كان الفستان طويل ومنفوش لونه سماوي
ندى: اي مره حلو اشتريه؟
وجدان: اي حلو اشتريه
ندى: تمام
اخذت ندى الفستان وحاسبت عليه والبنات بعد اخذوا لهم فساتين حلوه خلصوا وركبوا السياره
سعود كان يسوق وناصر جنبه والبنات ورا ولمياء تناظر ناصر وسعود يناظر تهاني من المرايه بس مانتبهت له جات رساله لسعود ان ام قبول تهاني في المحاماه وفكر انه يبشرها بعد ملكه اختها تهاني: سعود عطني جوالك
سعود: ليه
تهاني: بشغل شي بمناسبه ملكه ندو
ناصر: خذي جوالي
اخذت تهاني جوال ناصروسعود غار من ناصر لانه عطاها الجوال
ولمياء غارت من تهاني نفس الوضع عند سعود والغيره بتقتلهم
ناظر سعود تهاني وهي تبتسم تدور اغنيه تحطها تخففت نيران غيرته وقعد يبتسم ويناظرها وشغلت:
