🌷🌷
بعد مرور يومين من زواج ندى
البندري: وبعدين يعني اخلصوا
رند: انا خلصت
وعد: انا بعد
خلصوا وجهزوا شناط السفر وركبوا السيارات
بسياره مهند
ندى: بشغل راشد
مهند: وش من اغنيه
ندى: عطني انا بحط
عطاها الجوال وشغلت مليون مره وتغني معه ومبسوطه وناظرت مهند بأبتسامه: لندن ترد الروح من بعد نظره
ابتسم مهند ومسك بيدها وباسها ابتسمت له وكملت تغني مع الاغنيه
وصلوا للمطار وكانت الطائرة فل من احفاد خالد وعياله
جات الموظفه لكل بنت و ولد و وصلت لسعود: برتقال او مانجو
ناظرها سعود: برتقال
تهاني من بعيد وتأشر له: نزل انظارك
ناظرها سعود وضحك بخفه ونزل انظاره عن الموظفه
ابتسمت تهاني وقعدت على جوالها
ترتيبهم بالطائره
( الجد والجده جنب بعض
وابو عبدالله وزوجته ونفس الشيء عند كل المتزوجين
وام تهاني وام شهد جنب وشهد فاغصه نفسها بين ناديه وتهاني غصب و وجدان جنب البندري ورند جنب وعد وسيف وجوري جنب بعض ورويدا فوق ريتاج ومعاذ وحمد وسعود واحمد)
البندري كانت على جوالها وتراسل مؤيد والموظفة تكلمها اذا تبي شي
دقتها وجدان بكتفها: الموظفه تناديك لها ساعتين
البندري: ماسمعت
الموظفه: برتقال او مانجو
البندري: مانجو
اخذت لها مانجو وراحت الموظفه عن الجد والجده
الموظفه: برتقال او مانجو
الجد: مافي قهوه
سمعه ناصر وضحك: ياجد حنا بالطيارة مهو بالبر
الجد: ياشين الطايره ذي
الموظفه: لو سمحت الاحترام
الجد: روحي الله يصلحك من بنت
الموظفه: حنا ناس متفاهمين لو سمحت
قامت تهاني ومسكت بالموظفه: خلاص روحي
راحت الموظفه وناظرت تهاني جدها: : بالهداوه ياجد
الجد: ماتفهم ذي
تهاني: ماعليك منها صمخه
قامت تهاني وقعدت بمكانها وجاتها رساله من سعود: سليني
ارسلت له تهاني: في وش اسليك
سعود: بأي شي
تهاني: طيب قصد
سعود: والله
تهاني: ايه واقصد عني
سعود: ماطلبتي شي رجع سعود راسه لورا وقصد بصوت عالي والكل سمعوه:
اللي لها مبسم عذبي رعبوب وعيونها وساعي
مملوحه زادها ربي لفتة ظبي يوم يرتاعي
كانت تهاني تستمع لقصيدته ومبتسمه
الجد: وش ذا
سعود: قصيده ليه ماعجبتك
الجد: الا زينه بس ليه اللي لها مبسم عذبي مين تقصد
سعود: لا بس مدري شايفها وقلت اقولها
الجده: انت ماعليك كل قصايدك زينه
ناظر فيها وهو مبتسم: بس ماتعرفين اقصد مين
ناظرت فيه تهاني بصدمه وحطت اصبعها على فمها: اسكت
ضحك سعود وسكت وناظر خاله احمد وهمس: احس طولنا
احمد: قلت لك قول لابوي انك طالبها
سعود: والله مادريت بس ان شاءالله اذا رجعنا من لندن
ابو عبدالله: الا وش فيها بطانا
ضحكت وعد وقالت: ياخي شفيكم ماتعرفون تنطقونها
ضحك ابو عبدالله وقال: اسمها صعب
رند وهي كاتمه الضحكه: ياجد اسمها بريطانيا
ابو عبدالله: طويل اسمها
رند: تراها ثمانيه احرف
ضحك احمد بقوه وقال: احنا قديمين على اشيائكم ذي
البندري: مع انك انت شبابي زينا وتقول قديم
سعود: مايعرف شي ذا
