....
قاموا بيصلون العشاء الرجال قدام والحريم وراء كان يكبر الجد
: الله واكبر
صلو وخلصوا وجلسوا على فرشتهم التفت الجد لابو ريتاج: صب لنا قهوه
ابو ريتاج: ابشر
سعود: عنك ياخال
ابو ريتاج: تسلم
وزع لهم قهوه ووصل عند تهاني: سمي
تهاني: سم الله عدوك
ناظرها وهو مبتسم وكمل يصب للباقي وجلس كانوا يسولفون ومستمتعين قام ناصر بيمشي ناظره ابوه
ابو عبدالله: وين
ناصر: بمشي شوي
سعود: معك
ناصر: قم
قام سعود وراح هو وناصر يمشون
في طريقهم وهم يمشون ناظرو ظل شعر بنتين وراهم التفتتو وناظروا
لمياءو تهاني ناظرهم سعود: وش جابكم
تهاني: ذي جايبتني غصب
لمياء: لا بنمشي معكم شوي
ناصر: اجل تعالوا
مشو معهم وجلسوا لهم في مكان بعيد شوي من اهلهم ويسولفون
لمياء: شلونكم في شغلكم
ناصر: الحمدالله
تهاني: انتوا خلاص قدكم كبار بتشيبون متى بتعرسون
حك راسه سعود: والله مدري بس انشاءالله اذا كتب لنا ربي
تهاني: انشاءالله
ابو ريتاج: اي من الحلوه الي بتسوي لنا العشاء اليوم
ام شهد: كلنا بنتساعد في الطبخ
وجدان: وين العزبه
ريتاج: شتبين فيها
وجدان: ابي شاهي
وعد: سويلي معك
معاذ: لاتنسيني
وجدان: مستحيل انساك انت عمي حبيبي
ابتسم معاذ: ياروح عمك انتي
ريتاج: خلوكم من الرومانسيه ذي وقومي شوفي العزبه ذيك
وجدان: اي بقوم، وبعدين شتبين عمي اتغزل فيه بكيفي
معاذ: اي شتبين
ريتاج: قفلت فمي ماابي شي
ضحكوا وقامت وجدان للعزبه وكانت تدور للولاعه
: يمه وين الولاعه
ام ريتاج: ماادري اسألي تهاني هي حطت الولاعه فيها
وجدان تأففت: يمه تهاني بعيده مااقدر اروح لها
ام ريتاج: خذي وحده من البنات وروحي لها
وجدان اشرت على البندري: قومي نشوف اختك وين
البندري بخوف: لا انا اخاف من الظلام خذي ندى
وجدان: ماعليك انا معك قومي وبنشغل ضوء الجوال
البندري: طيب
ابو عبدالله: قوم يا احمد معهم لايضيعون
احمد: ابشر
قاموا يدورون لتهاني وينادونها وكانوا مشغلين ضوء وبعدو من اهلهم مره
البندري: يابنت بعدنا مره خلونا نرجع
احمد: طيب دقي على تهاني
وجدان: مافي ابراج
البندري: تكفين لاا اجل اذا ضعنا مايمدينا ندق على احد
احمد: تضيعون وانا موجود
وجدان: خلاص يلا نرجع بس والله مااجلس الا والشاهي بيدي
وهم راجعين لمكانهم ضيعوا طريق مكانهم
البندري: ياخال ذا مو طريق مكانا
وجدان: اجل من وين؟
البندري بخوف: شكلنا ضيعنا الطريق يمه لاا
احد حضن البندري: خلاص لاتخافين بنلقى الطريق انشاءالله
بكت البندري: خايفه خايفه
جلسوا لهم في مكان مره بعيد وينتظرون سياره تمر من هنا او من هنا عشان يوصلونهم لمكانهم بس للاسف مافي كان احمد حاضن البندري عشان ماتخاف ووجدان جالسه جنب احمد من الجهه الثانيه
وجدان: اف والله حلقي ناشف، أبي شاهي
احمد: خلاص ابثرتينا بالشاهي ، الحين احنا ضايعين وانتي تبين شاهي
وجدان: اي حلقي ناشف
البندري: وجدان حاولي تتصلين على احد
وجدان: مافي ابراجج
البندري: طيب عيدي الاتصالل
وجدان: طيب
حاولت وجدان تدق مره ثاني بس مافي اي محاوله
وجدان: مغلق
احمد: خلاص انشاءالله تمر سياره من هنا ويوصلونا
مسكت راسها البندري: اف ياربيي
