🌷🌷
جو المعازيم ووجدان كانت عند السماعه جاتها وعد تركض: جوجو
ناظرتها وجدان: عيوني
ابتسمت وعد: تسلم لي عيونك ابيك تجين تساعديني في كراتين المويا
وجدان: تمام
مشت وجدان مع وعد وناظروا واحد يدخل الكراتين ووجدان حسبته عمها معاذ الي يدخل الكراتين: ياعم معاذ باقي هناك ثلاث كراتين جيبهم
نواف: ماني بعمك انا بس خذوا الكراتين
انصدمت وجدان: اسفه والله حسبتك عمي معاذ
نواف: لا ماعليك المهم خذي ذولي الكراتين تقدمت تاخذهم وناظر شعرها الي طاح وهي منحنيه عشان تاخذ الكرتون وشاف فستانها الرمادي صد عنها ومشت داخل ناظرت البندري نازله للحوش: بندوره في واحد هناك خذي منه الكراتين واسمعي تراه مو واحد من عمامي
البندري: تمام
ركضت البندري تحسبه هاذاك الي شافها في عزيمه اهل مهند
البندري: مين انت الي عند الباب
نادا نواف واحد من العيال عشان يعطي البندري الكراتين
نواف: احمد يا احمد
احمد: هلا
نواف: تعال عط ذي الكراتين
البندري: ترا لي اسم
نواف: شعرفني بأسمك
البندري: طيب خلصني عطوني الكراتين
مؤيد: وخر انا بعطيها
نواف: خذ راحتك
اخذ مؤيد الكرتون وعطا البندري الكرتون وتلامست يدينهم ببعض
البندري: ياخي من انت
مؤيد: انا مؤيد ولد عمة مهند
البندري: اها تمام
وخرت البندري يدها عن يده واخذت الكرتون ومشت عضت شفايفها: والله لا اخلي ندوش تضبطني
دخلت داخل وحطت الكرتون بالمطبخ
(صح نسيت ما اعرفكم على نواف(نواف) هو ولد خال وجدان عمره23سنه ثقيل وحنون بس قاسي شوي عسكري عنده غمازات )
كانت وجدان عند السماعه وتدور اغنيه ناظرت البنات واشرت لهم ونادتهم بصوت عالي: بناتت
ناظرتها غاده: شفيك
وجدان: وحده تجي
قامت غاده وراحت عندها: شفيك
وجدان: مدري ايش اختار من اغنيه
غاده: عطيني انا احط
عطتها وجدان الجوال: انتبهي تحطين عايض
ضحكت غاده: عشان ذيك المره بملكتها نزلت قبل الزفه
وجدان بضحك: ايه
رغد: تمام مابحط عايض
شغلت غاده الاغنيه:
قربي مني شوي ردي انفاسي علي
اتركي خونك تعالي
قامت ندى وسحبت غاده ورقصت معها ناظرتها غاده: عارفه انك بتقومين
ابتسمت ندى: اكيد
كانت تهاني فوق عند لمياء
ناظرت لمياء تهاني: شفيك ماتقومين ترقصين
تهاني: ياخي ابي اقوم ارقص بس ما ادري
لمياء: اقول قومي قومي عادي بقعد لحالي على جوالي
تهاني: متأكده
لمياء: اي ماعليك
نزلت تهاني تحت ودخلت وتوجهت لوجدان: غيري وش ذا راشد
وجدان: غاده حطتها
نادت تهاني غاده: غدوي
التفتت لها غاده: هلا
تهاني: بغير الاغنيه
غاده: عادي غيرها
تهاني: تمام غيرت تهاني الاغنيه وحطت:
واذكار ربك لاتخليها
لا يا الرفيق الوافي المزيون
خلك على عيني تداريها
لاتسلك الفرقى علي بالهون
النفس تعشق نفس ساقيها
