قاموا كلهم فرحانين بالمطر وكلهم طلعوا جوالاتهم يصورون
نادت ريتاج وجدان والتفتت عليها وجدان: هلا بغيتي شي
ريتاج: خذي جوالي وصوري مابقدر اقوم
وجدان: طيب خلاص خلي جوالك عندك وانا بصور بجوالي واذا خلصت رسلته لك
ريتاج: تمام
كلهم قاعدين يضحكون وفرحانين والابتسامه ما فارقت وجههم
ناظر احمد سعود: سعود معي
سعود: يلا
تهاني: وين
سعود: نفرفر بالمطر
وعد: تكفون خذونا معكم
وجدان: ايه الله يخليكم نبي نفرفر معكم
معاذ: امشوا يلا
البندري: طيب واذا عرفوا خوالي
معاذ: ماعليك ماحد بيعرف اهم شي ماتقولون لهم
التفت معاذ لريتاج: انتي لاتجين مايحتاج
ريتاج: ليه الا بجي
ناديه: والي ببطنك
ريتاج: يعني لا
لمياء: لاتخلوها بخاطرها حرام
ريتاج: لا عادي روحوا
ندى: لا ماعليك تعالي معانا واصلاً مهند يسوق بشويش
مهند: تمام وبناخذ الاطفال معانا
ريتاج: يلا
لمياء: يلا مره يجنن المطر
نزلوا كلهم بهدوء عشان الجد والباقي نايمين ومايبونهم يصحون
وهم نازلين من الدرج ناظرت جوري شهد وقالت بأعلى صوتها
: الحين رايـ..حط سعود يدينه على فم جوري وهمس
: جوجو لاتفضحينا جدو نايم
جوري: حنا بنروح في المطر صح
سعود: ايه يلا تعالي
شالها سعود ونزلوا كلهم بهدوء كل بنت راحت تلبس عبايتها
رند بهمس: وين طرحتي
وعد: ما ادري بس عندي طرحتين تبينها
رند: عطيني
وعد: ايش لون عبايتك
رند: زيتي
وعد: تمام عندي بني وزيتي خذي الزيتي
جات البندري عند البنات وهمست: بنات شعري صار مبلل من المطر
تهاني: طيب عادي كلنا شعرنا مبلل
وجدان: ايه واصلاً مو حنا بنفرفر وننزل نلعب بالمطر
البندري: تمام اجل يلا
دخل سعود عند البنات وهمس بخفيف(كلهم يهمسون لان البيت صدى الصراحه): يلا اعجلوا مابتروحون عرس
لمياء: طيب بس وين دبلتيي
سعود: ايه حطيته بجيبي
لمياء: ايش جابه لجيبك
سعود: غبيه انتي يوم نمنا بالصاله وطاح عليك شفته وحطيته بجيبي
لمياء: تمام شكرا
اكتفى سعود بهز ومشى للعيال
جاء عبدالمجيد بيت ابوه وضغط على الجرس وكانت معه زوجته اسماء
اسماء: اصبر بتصل على الهنوف
عبدالمجيد: تمام
اتصلت اسماء على الهنوف وردت عليه: هلا اسوم
اسماء: افتحي الباب حنا برا
الهنوف: يلا جايه
قفلت على الخط وتقدمت تركض تفتح لهم
فتحت الباب وناظرتهم: طول..فتحت فمها ونزلت برا
عبدالمجيد: وين رايحه
الهنوف: متى مطرت
اسماء: اوهوه ماتدرين
الهنوف: والله ما ادري
عبدالمجيد: يلا ندخل نتعشى
الهنوف: يلا
كانوا بالسياره وكلهم فرحانين بالمطر ناظرت تهاني سعود: سعود تكفى وقف عند مكان مره فاضي نبي ننزل بالمطر
سعود: ابشري
ابتسمت تهاني وناظرت وجدان شهد:بكره ايش
شهد: الاثنين
وجدان: لا يعني في عزيمه او شي
البندري: ايه ملكه تهاني
كانت تهاني تطقطق على جوالها وشقهت بعد ماسمعت البندري ناظرتهم: ايشش!!
ونفس الوضع عند سعود مو داري: بكره؟
البندري: شفيكم ايه بكره وجدي قايل
تهاني: طيب ماجهزت شي
البندري: والله جدي قايل مالي شغل
تهاني بتأفف: طيب عندك فستان حلو
صفقت البندري على قلبها: ابشري به
ابتسمت تهاني و وقف سعود عند مكان فاضي ومافي احد بس في انوار شوي وخفيفه ومطر ونزلوا كلهم من السياره وسيارات الباقي وراها ناصر ومهند
رفعت راسها تهاني فوق وابتسمت والمطر ينضرب بوجهها بقوه لكن مع ذلك رافعه راسها ومبتسمه وفاتحه يدينها ناظرها سعود كيف مبتسمه ورافعه راسه قرب منها وهمس: تعالي نروح انا وانتي هناك بعيد عنهم
نزلت راسها تهاني وناظرتها: لحالنا
سعود: ايه
هزت راسها تهاني بحماس وناظرهم سعود: شوي وجايين
احمد: لا تطولون
سعود: تمام
