وصلوا كلهم للبيت والمتزوجين راحوا لبيوتهم
دخلوا للبيت وكانوا بالحوش وسمعوا صراخ ابو عبدالله
رند: جدي يصارخ
ناظر سعود رند: اسمعي اطلعي مع الصغار فوق من الباب الخلفي وبدون صوت بسرعه
هزت راسها رند وراحت مع الصغار
ناظرهم سعود رايحين ورجع انظاره للبنات: وانتوا امشوا داخل على طول اول ماندخل حنا العيال
تهاني: تمام
احمد: حنا نلف يمين للمجلس وانتوا على طول داخل
وعد: طيب يلا
تحركوا العيال وتقدموا كلهم مع بعض (مسوين خطه عشانهم يعرفون ان ابو عبدالله عصبي ويصارخ على اتفه الاسباب)
لفوا العيال يمين للمجلس والبنات دخلوا داخل مسرعين
ناظر ابو عبدالله دخول العيال: انتوا وين رحتوا
معاذ: رحنا نفرفر بالمطر شوي ورجعنا
ابو عبدالله بحده: بنص الليل
سعود: وش فيها يا خال اذا طلعنا بنص الليل
ابو عبدالله: ومعاكم البنات
احمد: ايه
كانوا البنات يسمعون صراخهم وقفت تهاني: بنات وش ذا خالي مره مكبرها بروح اقفل الموضوع
وجدان: بجي معك
تهاني: يلا قومي
راحوا البنات للمجلس وناظروا ابو عبدالله اللي يصارخ
ناظر ابو عبدالله سعود: انتم ماتستحون وتروحون بدون ماتعلمون احد واذا صار شي للبنات... قاطعه سعود: البنات مايصير لهم شي وهم مع رجال
ابتسمت وعضت شفايفها من سمعته وكمل سعود: هم معنا مايصير شي لهم اذا كانوا معنا
احمد: وش شايفنا يا وليد مس*** حنا ولا ايش
ابو عبدالله: اقول اسكت بس
تهاني: يا خال خلاص لاتكبر الموضوع ترا رحنا معهم نشوف المطر مو عيب ولا حرام وانت اذا جاء مطر ماتنزلنا من البيت
ابو عبدالله بحده: كلامي مايتردد وراه كلام تفهمين
تهاني كانت ساكته له ومحترمته لانه خالها بس عصبت وتقدمت توقف قدامه وبعصبيه: ترا زودتها دايم تسوي مشاكل على اسباب تافه وحنا ساكتين لك ومحترمينك خلاص عاد عرفت انك خالي واخ لأمي بس الخال مايكون زي كذا وحنا اصلاً طلعنا مع اخوانك و ولد اختك مو مع غريب
كان سعود قريب من خاله وابو عبدالله شوي ويعطيها كف من اسلوبها
ناظرت تهاني يده الي شوي شوي يرفعهاورجعت انظارها لعيونه والدمعه بعينها: عادي عطيني مو جديده علي متعوده عليها من عمري 8 سنين
فهم سعود مقصدها وسحبها من يدها وبعدها عن خاله: خلاص عاد ترا طلعنا ورجعنا لاتكبرها يلا كل واحد غرفته
نزل سعود من المجلس وهو متنرفز من كلام خاله طلع غرفته وانسدح على سريره وبعز ضيقه ابتسم وتذكر ان بكره بتكون حلاله وزوجته ودنيته كلها مسك جواله واخذه يطقطق فيه الى ماينام وبعد تعب نام
كانت تهاني عند البندري بغرفتها ومحتاره ايش تلبس لملكتها
البندري: شرايك بذا الاحمر
تهاني: لا يع خايس مره اوفر
البندري: طيب هاذا الكحلي
تهاني: طلعي اشوف
البندري: هاه شرايك
ابتسمت تهاني: مره يجنن
تهاني بدون ماتستوعب كلامها: اففف ياحظ سعود فيني
ناظرتها البندري وغمزت: قولي هاذا الكلام عنده
استوعبت تهاني كلامها وعضت شفايفها وحاولت تغير الموضوع: يلا خلاص ذا حلو بلبسه بكره
البندري: خذيه حطيه بدولابك
تهاني: تمام
اخذته تهاني وتقدمت متوجهه لغرفتها
والكل راح ينام بعد ما تبللوا من المطر ومن ازعاج ابو عبدالله
