اغلبكم قال كملي وانا بكمل عشانكم🌷🌷
تعبوا من لعب الكوره ورجعوا لمكانهم
رن جوال شهد والمتصل يزيد: هلا يزيد
يزيد: كيفك شهد
شهد: الحمدالله بخير وانت
يزيد: انا بخير الحمدالله اسمعي انا جيبت للمدينه ودقيت باب بيتكم وماحد فتح لي الباب
شهد: نورت المدينه والله حنا مو بالبيت حنا بالبر
يزيد:جايكم
شهد: حياك
قفلت الخط شهد وناظرت سعود: سعود
سعود: سمي
شهد: ارسل الموقع ليزيد على جاء للمدينه
سعود: تمام
قربت وجدان من البنات وهمست اهم: بنات شرايكم نسوي مقلب بالحيات ذولي
تهاني: تم
وعد: بس وش المقلب الي نسويه
وجدان: انا اعرفهم يخافون من النياق شرايكم نقول لهم بنمشي شوي وندفعهم عند النياق
اسماء: لا حرام يمكن تشوتهم برجولها
غاده: تشفقين عليهم الحين
الهنوف: وهي صادقه انا مابكون معاكم
لمياء: يلا قوموا
وجدان: يلا
قاموا البنات( تهاني و وجدان و ولمياء و وعد والبندري وغاده ورند)
وراحوا عند ميثاء وشلتها
وعد: بنات شرايكم نقوم نمشي
منيره: انتوا قبل شوي طاردينا
هيفاء: ايه وش صار الحين
وجدان: خلاص لازم نتصالح
ميثاء: تمام
قاموا كلهم وراحوا للنياق
هيفاء: ليه جايين عند النياق
البندري: بنروح عند الخيول مانبي النياق
هيفاء: اهاه
تقدموا للخيل بس ميثاء وشلتها كانوا ورا البنات غمزت وجدان لتهاني وللبندري ورجعوا للشله ودفعوهم عند النياق وصارخوا وبكت ميثاء و وخروا عن النياق
ميثاء ببكي: تستهبلون انتم
وجدان: يووه ماتوقعتك تبكين يالبكايه
هيفاء: مبزره وقسم
رند: انا بزر ولا خفت وبكيت زيك
ضحكوا البنات وقربت ناقه من هيفاء وحيت هيفاء بنفس قريب منها التفتت ورا وصارخت بأعلى ماعندها حتى الاهل كلهم سمعوها: يمههههههه
ركضت هيفاء وكانت تناظر في الناقه وطاحت على وجدان و وجدان طاحت معها
ابو ريتاج: قوموا شوفوهم
ناظر سعود العيال: قوموا
قاموا معه العيال ولقوا البنات عند النياق
تركي: وش تسوون عند النياق
قامت هيفاء من فوق وجدان وتقدمت تحضن تركي بدلع: تروكي سوو فينا مقلب
ناظرت فيهم وجدان وانقهرت وبدا كرهها يتوجهه لتركي وزعلت وما اهتمت للموضوع وتقدمت للناقه ولمست راسها وقربت وجهها لها وناظرت هيفا: اثريك خوافه والله ياطيب قلب ذي الناقه
هيفاء: يعع الله يقرفك
ناظرها تركي و وخر عنها وقلد كلامها: يعع تراها ناقه ماتسوي شي
نواف: الله يصلحك بس تقدم نواف للناقه الي عند وجدان ولمسها
: يازينها من ناقه بس
تهاني: تحب النياق انت
نواف: اموت فيها
ناظرت تهاني العيال: مين يتحداني بالخيل
سعود: انا
تهاني: متأكد تبي تتحداني
ناظر العيال ورجع انظاره لها: وانا ولد خالد اركبي خيلك
فهمت عليه تهاني وركبت الخيل: انت قاعد تتحدى بنت شروق
سعود: ونعم يلا
البندري: يلا يا هنو فوزي عليه
وجدان: يلا 1 ، 2 ، 3
مشوا بالخيل وسعود كان سابقها وهي تمشي ببطء: اه تعبت
وقف سعود: يعني فز.. ماكمل كلامه الا وتهاني متقدمه عليه
: يا غشاشه
ضحكت تهاني وفازت عليه ونزلت من الخيل وباست الخيل
وعد: هنو الخيل حقك
تهاني: ايه جدي معطيني اياه انا وخواتي
لمياء: طيب وش اسمه
تهاني: محجار
رند بصدمه: محجار!!
البندري: ايه على اسم خ..قفلت فمها تهاني وهمست لها: جدي قايل لنا مانطلع
البندري: اسفه نسيت
تهاني: انتبهي
كانت الدمعه بعين سعود وعارف بالسالفه وصارت قبل ماتولد لمياء
لمياء: من جد وش
تهاني: قصه طويله
مشى سعود من عندهم رايح للجلسه وبداخله ضيق و وده ينزل كل اللي بداخله والدموع كانت بعيونه لكن حابسها
ناظرته تهاني وحست انه متضايق وناظرت البنات: روحوا الجلسه شوي وبجي
البندري: تمام
راحت تهاني لسعود وناظرته: شفيك
سعود بضيق: ولا شي
تهاني: طيب تعال نجلس هناك نبعد شوي عنهم
سعود: تمام
الي كانو عارفين بالقصه( الجد والجده وعيالهم كلهم وتهاني وندى والبندري وشهد وسعودوعبدالله وريتاج)
مشى معها سعود وجلسوا بعيد شوي عن الجلسه
تهاني: ادري انك متذكر ابوك بس خلاص انسى
سعود: كيف يا تهاني كيف انسى
مسكت تهاني يدين سعود وناظرته: والله اني حاسه فيك وجربت شعورك بس كلنا راضيين على الي كاتبه ربي
نزلت دمعه سعود وقعد يلعب بشعره واكتفى بالسكوت
تهاني: اسمع طلع الي بقلبك وبترتاح
انسدح سعود على رجل تهاني وقعدت تلعب بشعره
سعود: انا السبب بمو*ت ابوي
تهاني: لا تلوم نفسك انت مو السبب بمو*ته
سعود: كنت غبي يا تهاني ماكنت ادري ان بيصير كذا
لو ما مديت السك*ين على ابوي ما كان فيه شي الحين
بس كنت غبي وانا صغير كنت اكره ابوي وانا صغير حتى امي كانت تعاني مني يا تهاني وكان خالي وليد يضربني بس عشان اني كنت اجيب اي شي خطير واحطه بأبوي
تهاني: انا عارفه وادري ان ابوك ماكان يأذيك او يسوي اي شي..قام سعود من فوق تهاني وصارخ بس بصوت خفيف: ماكان يسوي شي يا تهاني بس انا كرهته عشان بس كان يدلع شهد ومايدلعني كنت اعرف ان ابوي طيب قلب ومايأذي
صفق سعود راسه وببكي: بس انا كنت غبي غبي
وخرت تهاني يدين سعود عن راسه وحضنته: سعود خلاص
كان سعود بحضن تهاني ويبكي من القهر واللي سواه بأبوه
كانت تهاني تسمع شهقاته وتتذكر الماضي و تتذكر ضرب ابوها لأختها
ناظرت سعود: قوم يلا مسح دموعك وانسى الي صار
مسح سعود دموعه وراحوا الجلسه وكان وجهه احمر من البكي
ناظرته الجده بخوف: شفيه وجهك ياوليدي صاير شي
سعود: لا مافي شي ياجده
الجده: اجل وش الي بوجهك
سعود: مافي شي بس شوي ويروح
