ناظر سيارته انعدمت بصراخ: انتي عمياء ماتشو.. ماكمل كلامه الا يشوف بنت عمته تهاني انصدمت: انت وش جابك هنا؟؟
سعود: رايح لداومي انتي الي وش جابك هنا؟!
تهاني: شدخلك يع ملقوف شمقت له وركبت سيارتها ومشت
ابتسم سعود: يازين العصبيهه ذي
راح ومشى يصلح سيارته
الساعه1:34 الظهر رجعوا العيال من المدرسه يركضون عند امهم
جوري: ماما نبي عند اخوالي
شهد: طيب اصبرو ليه مستعجلين غيروا ملابسكم ونروح
كلهم بنفس الوقت: طيب
راحوا وغيروا: يلا نروح
شهد: يلا
ابو ريتاج اشر على سعود ومعاذ وناصر واحمد: ورا ماتقومون تساعدون خواتكم بدال ماتجلسون على ذا الجوال
معاذ:قوموا قوموا
قاموا يساعدون البنات
معاذ:تهاني ياتهاني جت له تركض تهاني: سم ياخال
معاذ:سم الله عدوك هاتي المعاشر والمعشره الثانيه عطيها سعود
تهاني: ابشر
معاذ راح لسعود :روح اخذ المعشره الثانيه من تهاني
سعود: طيب
راح ياخذ المعشره الثانيه: وين المعشره الثانيه
تهاني: خذ خذ
ناظرته: صلحت سيارتك؟
سعود: وديتها للورشه بس يقول بعد يومين تعال خذها وانا وراي دوام وجدي يقول بنرو..قاطعه صوت جده:يلا ياسعود كمل بنروح للمدينه
تهاني: ماعليك كم ساعه تكون عندك
سعود: من جدك
تهاني: اي ماعليك
سعود:كفو والله
تهاني: كفو كالطيب
اخذ المعشره الثانيه وراح للمجلس: جيت جيت
دخل عليهم يزيد ومرته شهد: سلام عليكم
ردوا عليه السلام ودخلت داخل شهد وجوري
خلصوا غداء ناظر الجد سعود: سعود رح للحريم وقل لهم يجهزون عفشهم الليله رايحين للمدينه
سعود: ابشر ياجد
قام سعود: كنكم ياجد ليه بتروحون
الجد: ياوليدي الديره صغيره وحنا كثير وقلت بنروح لها
يزيد: اها دام كذا عاد الله معكم
ابوريتاج: منت معنا
يزيد: لاوالله عندي اشغال
الجد: خل عيال يجلسون اجل
يزيد: والله مدري بشوفهم
الجد: اي عاد برايكم..
اخذ يزيد جواله وارسل لشهد: اسمعي اهلك يبون يسافرون للمدينه تبين تروحين معهم ولا بتجلسين
سعود بصراخ: يمه يمه حدي يقول جهزوا اغراضكم بنروح للمدينه
ام شهد: طيب طيب
شهد: متى بتروحون
ام شهد: الليله
شهد: اها اجل الله يستر عليكم
جوري: صدق جده
ام شهد: اي ياحبيبتي
قامت جوري وجلست عند امها: ماما تكفين بنروح معهم الله يخليك
شهد: بكلم ابوك واقول لك
جوري التفتت لجدتها: عيال خالي عبدالله بيروحون؟
ام شهد: اي كلنا بنروح
التفتت لامها: اذا كلهم بيروحون انا بروح حتى لو ماوافق بابا
ضحكوا كلهم
بدو البنات يجهزون اغراضهم تهاني كانت تدور بنطلونها الاسود
راحت لندى: ندى شفتي بنطلوني الاسود
ندى: لا ماشفته روحي شوفي يمكن عند البندري
تهاني: عاد البندري صارت على طولي تاخذ ملابسي كلها
ضحكت ندى وراحت تهاني للبندري: شفتي بنطلوني الاسود؟
البندري: اي شوفيه بدولابي
تهاني: افف ملابسي كلها عندكم
راحت تهاني مسرعه تجهز اغراضها لأن قرب يأذن العشاء وهم بعد العشاء
