..
ريتاج: بنات خلااص هدو
شهد: قوموا نسوي شي بالمطبخ ونسهر مع بعض
رند: يلا
قاموا البنات يسون فشار وكوكيز
وعد: بسوي مهيتو شرايكم
تهاني: ايه بس مافي ليمون ونعناع وميراندا
ندى: بقول لمهند يجيب
البندري: يلا استعجلي
ندى: تمام
راحت ندى للصاله وناظرت مهند واشرت له: تعال
ناظرها وقام عندها: شفيك
ندى: روح للسوبر ماركت وجيب ميراندا ونعناع وليمون
مهند: ابشري بس ذولي يتكلمون انقليزي ما افهمهم
ندى بصوت عالي: رندد
جات رند بخرشه: وش فيه وش صاير
ندى: روحي مع مهند ترجمي له
رند: سؤال ماتعرف انجليزي
مهند: اذا انتي تعرفين امشي ترجمي
رند: يلا بلبس عبايتي وبجيك
لبست رند عبايتها ومشت مع مهند
ندى: مهند تكفى انتبه لها
مهند: ماعليك يلا امشي
جابوا الاغراض وبدو يسوون كلشي
لمياء: وين الكاسات
البندري: ما ادري اتوقع تحت هنا
لمياء: ايه ذي خلاص
سو كلشي وراحوا للغرفه الي فيها تلفزيون وشغلوا فلم اكشن
ريتاج: صبي لي مهيتو
وعد: سمي
ريتاج: سم الله عدوك
جات الساعه 1 الليل وهم صاحيين
وجدان: بنات خلاص بنام
شهد: ايه اصلن كلنا بننام
وعد: الحين كم يوم بنقعد بلندن
البندري: جدي قال ثلاث ايام بالكثير مارح نطول
وجدان: اجل يا بنات شرايكم نحلل الثلاث الايام ذي نقول لهم نبي نطلع ملاهي كوفيهات كذا
رند: اهم شي مع العائله كلها
شهد: ايه ماعليك
لمياء: تمام يلا ننام الحين
ناموا البنات كلهم جنب بعض في الغرفه
ناصر: كيف انام الحين
معاذ: نام زي ما ننام حنا
ناصر: ياخي مدري كيف تعودت بسرعه
غمز له سعود: تعودت على اا..
فهمه ناصر وابتسم: والله منجد ياخي
سعود: اقول نام بس
احمد: شرايك تنام بحضني عشان ماتحس انك بعيد عنها اعتبرني هي
ناصر: يوووه بحضنك انت الله لا يبلانا
احمد: عاد حضني احلى من حضنها
سعود: لا والله ماقد جربت ذا الشعور
ناصر: لايكون مجربه
سعود: جربته بس بالغلط
ناصر: كيف بالغلط
سعود: انت شكلك ماتكتم الاسرار
ناصر: افا انا ما اكتم والله ماعليك
احمد: اجل بندخلك معنا
ضحك ناص: وش بتدخلوني بفريق
سعود: خلاص بعدين اقول لكم خلوكم من ذي السوالف
بدت الهواجيس تدخل براس سعود بعد ماتذكر الحضن في الكهف الي راح له هو وياها ومعاذ يكلمه بس مو معه مع تفكيره
معاذ: ولد ماتسمع
صفقه في راسه وناظره سعود: هلا بغيت شي
معاذ: قم طف النور
سعود: اوه يا خال
ناظر العيال: وذو.. ناظرهم نايمين: متى خمدوا ذولي
معاذ: اوه انت وينن لهم ساعه خامدين
سعود: يعني اقوم
معاذ: ايه قوم
تأفف سعود وقام يطفي النور ورجع خمد
قامت ناديه الساعه 9:34
ناظرت البنات خامدين وتهاني شعرها الطويل الي لين خصرها على وجهه لمياء ضحكت ناديه و وخرت شعر تهاني عن لمياء وقامت تغسل وجهها وتفرش اسنانها وتصحي البنات : بنات يلا قوموا
وعد: شوي يا عمه شوي بس
ناديه: يلا قوموا بروح وبجي ياويلكم اذا رجعت ولقيتكم نايمين
قامت تهاني و وجهها مفقع نوم: بنات يلا قوموا
قامت لمياء من فراشها: النومه مره مو مريحه
وجدان: طبعًا نايمه بدون ناصر
لمياء: وهه يابنات دافي
ندى: وش الي دافي
لمياء: ولا شي يلا قوموا
ندى: ما الومك والله بس حتى انا نفس وضعك
شهد: بنات وش فيكم ترا انا شهر بعيده عن يزيد احمدوا ربكم انتوا ثلاث ايام وترجعون لهم
ريتاج: طيب ليه زوجك مايجي هنا
شهد: يقول مابيجي هنا بيجي بالمدينه اذا رجعنا لانه بيتقاعد من شغله
تهاني: حلو المهم يلا قوموا
قاموا البنات يغسلون وجههم وكل وحده تنتظر الثانيه تخلص
البندري: يلا وجدان اخلصي
وجدان: اصبري
وعد: بنات لاتسوون زي طابور المدرسه افترقوا
ضحكوا عليها البنات وتفرقوا وخلصت وجدان وتقدمت البندري تغسل وكلهم سرا لانه بس مغسال واحد وحمام واحد( الله يكرمكم)
