...
قعدت الهنوف تفكر توافق او لا
الهنوف: لا يكون هاذاك الي شفته
قعدت تفكر: لا يالهنوف مو هو
حست الهنوف انها مستخيره ومرتاحه له قامت الهنوف من سريرها ونزلت من غرفتها وتوجهت للمجلس عند ابوها واخوانها وناظرت ابوها: يبه قول لهم اني موافقه
عبدالمجيد بفرحه: مبروك يا خيتي الله يتمم لكم على خير
الهنوف: امين
رن جوال الجد خالد ورد عليه: هلا بمسعد
فز قلب احمد من بعد ماسمع اسم ابوها يحسب انها رافضته
مسعد: جيت اقول لك ان البنت موافقه
الجد: الحمدالله على ما كتبه ربي والف مبروك
ابتسم احمد وعرف انها وافقت ناظره الجد: احمد الف مبروك ياوليدي
احمد: الله يبارك فيك
قفل الخط الجد وناظر احمد الجد: متى تبون الشوفه
الجده: مايحتاج شوفه خلوه الملكه والعرس والشوفه كلها مع بعض ليه نكلف على نفسنا
الجد: ايه زين وبيكون انتم يا التوأم عرسكم بيوم واحد
ناديه: وهه يا توأمي
تهاني: طيب متى بيكون
احمد: بعد ثلاث اسابيع زين
وعد: ايه زين
رن جوال مسعد ويطلع الجد ورد عليه: هلا ابو وليد
الجد: مسعد حددنا العرس يكون بعد ثلاث اسابيع ويكون كله بنفس اليوم الملكه والعرس والشوفه كله والسموحه نبي عرس التوأم سوا احمد وناديه
مسعد: ايه زين بس اصبر اشوف الهنوف وارد لك خبر
الجد: خذ راحتك
قفل الخط مسعد ودخل للهنوف ودق باب غرفتها
الهنوف: ادخل
دخل مسعد وجلس جنبها عالسرير: الهنوف بيكون عرسك انتي وناديه اخت احمد سوا يكون عادي
الهنوف: ايه عادي وبيكون مره شي حلو
ابتسم مسعد: ترا العرس بعد ثلاث اسابيع
الهنوف: تمام
رن جوال مسعد وكان ابو عبدالله ورد عليه: هلا ابو عبدالله
ابو عبدالله: مسعد بتجي معنا
مسعد: وين
ابو عبدالله: نبي نطلع للبر حنا واهل مهند واهل حرم اخوي
مسعد: تمام بنجهز وجايينكم
ابو عبدالله: براحتكم بنروح بعد المغرب
مسعد: تمام
الساعه5:02
سعود كان يبي يسويها من زمان جلس على ركبته وفتح الخاتم قدام تهاني قدام الكل بالمجلس و ولمياء كانت جايه من المطبخ دخلت للمجلس وتفأجأت حطت تهاني يدينها على فمها وصارخت
ابتسم سعود: تتزوجيني
صارخوا الكل و وعد الموثقه تصور وجوري وسيف ورويدا يصفقون لهم
تهاني مو عارفه وش تقول بس تجرأت وناظرته: تم ياشيخ
ضحكوا كلهم عليه وابتسم سعود وبداخله: اخيراا
كانت الابتسامه شاقه ابطالنا وفرحانين
كانوا كلهم يجهزون العزبه يبون يطلعون للبر
الجده: يا حبايبي خذوا لكم جيكتات بالبر برد
تهاني: ابشري يا جده
اخذوا لهم جيكتات ونزلوا عند السيارات
وعد: صاروا عندنا متزوجين كثير وزعوا السيارات مره ثانيه
الجد: تمام مهند وندى
مهند: موجودين
الجد: روحوا سيارتكم بس لاتحسبون انكم لحالكم بزود اشخاص معكم
مهند: مين
الجد: الاطفال ذولي كلهم
ندى: تكفى ياجد
الجد: يلا كلهم معاكم واهم شي مايطفشون
الجده: ايه شغلوا لهم بيبي كشاراك
ضحكت جوري: شارك ياجده
مهند: تمام يلا
الجد: ناصر ولمياء خذوا معاكم معاذ وشهد و وعد وحمد ورند
ناصر: ابشر ياجد
الجد: سعود انت واحمد معاكم تهاني وناديه و وجدان والبندري
وبسيارة عبدالله انا وعبدالله وجدتكم..قاطعته وعد وغمزت له: ليه ياجد ماتقول زوجتي
ضحك الجد: مهوب بزوجتي حبيبه قلبي
الكل صارخ وقالوا: اووووهه
ابتسمت الجده وكمل: وبيلسان وشيماء وشروق معنا يلا
ركبوا كلهم السيارات ومشوا
