كل المعازيم راحو الا امجاد واهلها
وقف فيصل عن باب الحريم وينادي: امجاد
قامت امجاد: هلا فصول
فيصل: يلا تبون تروحون
امجاد: اصبر... يمه فيصل يقول تروحون
كانت امجاد تكلم امها والمطبخ كان قدامه الباب الي واقف عنده فيصل نزلت وعد من المطبخ وشافت فيصل قدامها ناظرها فيصل بحلاتها وتلاشت عيونهم ببعض استوعبت وعد وتخبت ورا الباب
سمع فيصل صوت سعود وهو يصارخ: اتصل على الاسعااف!!
امجاد: شصاير
فيصل: بشوفه
راح فيصل ونزلت وعد من المطبخ: ليه سعود يصارخ
امجاد: ما ادري
دخل فيصل للمجلس وشاف ابو عبدالله ماسك راسه ماسك راسه ويبكي وسعود يصارخ وناصر يتصل على الاسعاف والجد خالد طايح
ركض لهم فيصل: شصاير
احمد: ما ادري طاح علينا فجأه
وعد: بنات سعود يصارخ ما ادري شفيهم
الجده خافت: شوفوهم شصاير
وجدان: انا بروح اشوفهم
راحت وجدان و وقفت عند الباب: يا عم معاذ
سمعه معاذ وراح لها ناظرته وجدان جاي ودموعه بعيونه انصدمت:
شفيك شصاير!
معاذ: مافي شي ادخلي
وجدان: الا فيه شي ليه سعود يصارخ
معاذ: وجدان ادخلي
وجدان وهي خايفه: ياعم قولي والا والله ادخل عندكم واشوف بعيني
معاذ: ابوي
سكت معاذ ونطقت وجدان: وش فيه جدي قولل!!
معاذ: طاح علينا
فتحت فمها وجدان وحطت يدها على فمها: ايشش!!
جاتها تهاني وسمعت معاذ: لا تمزحون صح؟
طلعت وجدان فوق ركض ناظروها الحريم
وعد: والله فيه شي بطلع بشوفها
طلعت وعد وفوق وناظرت وجدان تلبس عبايتها وطرحتها
وعد: وش فيه وين رايحه
وجدان: بنزل عندهم المجلس
وعد: ليه
وجدان ببكي: جدي طاح
وعد بصدمه: ايشش!!
اخذت وعد عبايتها وطرحته ولحقت وجدان وركضوا للمجلس
جات تهاني للحريم وناظرت البنات رايحين ورجعت انظارها لأمها
: يمه جدي طاح..
دخلت وجدان مسرعه للمجلس وناظرتهم متجمعين عليه: ابعدوا ابعدوا
ناظرت جدها الطايح وشهقت وحطت يدها على فمها
وعد: اتصلوا على الاسعاف ليه واقفين
ناصر: اتصلت
وجدان ببكي: ياجد تكفى تكفى اصحى تكفى
طلعوا فيصل واخوه فهد احتراما للبنات
جات ام تهاني تركض و وراها خواتها والبنات الباقي: شفيه ابوي
ام شهد: تكلموا
ناصر: ياعمه هدي ان شاءالله يقوم بالسلامه
دخل فهد للمجلس ومن شاف الحريم صد: الاسعاف عند الباب
ناديه: يلا شيلوه
مسكه سعود من ذراعه والجهه الثانيه احمد و وصلوه لسياره الاسعاف
الجده: اصبروا لنا بنجي
ابو عبدالله: يمه الله يصلحك اجلسوا وحنا نقول لكم
الجده: والله نجي يلا امش قدامي
تهاني: خلاص يا خال انا اجيبهم بسيارتي
ابو ريتاج: انتبهوا لنفسكم
هزت راسها تهاني وراحوا يلبسون عباياتهم
ندى: تهاني عطيني من بجاماتك ما ابي اروح بفستاني
تهاني: خذي لك كلنا بنبدل مستحيل نروح بالفستان
فيصل: يلا حنا بنروح للبيت
امجاد: تكفى ابي اتطمن
فهد: خلاص اتصلي عليهم
هزت راسها ومشت هي وامها معهم
ركب سعود مع جده بالاسعاف ولا اهتم للباقي
ابو عبدالله: ولد انزل انا بروح معه
سعود بنرفزه: روح بسيارتك
ابو عبدالله: وترادد بعد
طنشه سعود ولا رد عليه وقفل باب الاسعاف ومشوا مسرعين للمستشفى
ابو عبدالله: شغلك بعدين
ركبوا البنات سياره تهاني
وعد: مابتكفينا السياره
تهاني: يمه روحي مع ناصر انتي وخالاتي والباقي
هزت راسها ام تهاني وراحوا لسياره ناصر
وركبوا البنات السياره تهاني و وجدان و وعد والبندري ولمياء وندى ورند
وعد: تكفين تهاني اسرعي
تهاني: طيب
