مرت ايام العزا وبدت المدارس
قامت وعد وناظرت الساعه 6:00
قامت من سريرها وفرشت اسنانها نزلت من غرفتها ونفسيتها زاقه معها تقدمت لغرفه حمد وطقته كم مره ولا رد نايم فتحت الباب وناظرته منسدح ونايم
وعد: حمود يلا قوم مدرسه
حمد: خليني
وعد: حمد اخلص قوم
تأفف حمد وقام
وراحت وعد لغرفه رند ودخلت عليها لانها عارفه مابتقوم من طقه باب
تقدمت لها: رند قومي يلا مدرسه
رند: ما ابي اداوم خلاص فكيني
وعد: ترا بتزعل منك امجاد اذا ماداومتي
فزت رند من سريرها بس عشان امجاد صديقه طفولتها
ولا صار بينهم هواش او زعل مرت سنين من يوم كانوا اولى ابتدائي مع بعض الى الان وما افترقوا ولا طفشوا من بعض ومستحيل يطفشون
قامت وفرش اسنانها وغسلت وجهها وهي متضايقه عشان للحين ماتخطت وفاه جدها لبست مريولها الكحلي ومسكت شعرها نص وربطته فوق ونص خلته تحت مفتوح
خلصت ونزلت لوعد الي قاعده على جوالها بالصاله
دخلت للمطبخ وسوت لها كوب قهوه يروقها شوي
خلصت قهوتها ونزلت للصاله وناظرت وعد على نفس الحال
ونطقت: صحيتي البندري و وجدان
وعد: لا اطلعي صحيهم
تأففت رند وطلعت تصحيهم
اخذ له دش وهو ماله نفس ولبس بدلته حق القوى والامن وتعطر ونزل وناظر وعد: شتسوين
وعد: انتظر البنات
سعود: مين
وعد: وجدان والبندري ورند
حطت جوالها وعد وناظرته وكملت: بتوصلنا انت
هز راسه سعود: يلا استعجلوا متأخر انا
وعد: تمام
قام سعود ونزل وناظر جدته وابو عبدالله وابو ريتاج وامه وخالاته بالمجلس دخل عندهم وجلس وناظر مكان جده وكأن في احد ناقص بينهم
معاذ: تروح لدوامك
هز راسه سعود: وبوصل البنات
معاذ: انتبه لهم
سعود: ابشر
رجع سعود وناظر مكان جده تنهد بقل حيله وقام من مكانه
دخلت لمياء للحمام وهي خايفه وناصر كان نايم
بدت تستخدم اختبار الحمل
نتخطى دقايق بس🙂
ناظرت الجهاز وحطت يدها على فمها من طلع خطين
نزلت دمعتها من فرحها كانت فرحانه وبنفس الوقت مستائه لكن غلبها الفرح انها بتصير ام بتجيب بنات واولاد من حبيب روحها وقلبها
كانت شاكه من يوم وفاه الجد خالد من استفراغها هاذاك اليوم
نزلت من الحمام( الله يكرمكم) ودخلت للغرفه وناظرت ناصر باقي نايم نطت عليه بفرح وباسا خده يمين ويسار بتكرار
صحى ناصر وناظرها و وخرت عنه
ناصر: شفيك
صرخت لمياء بخفه ورفعت الجهاز و وقفته قدامه: بتصير اب نصوريي
فز ناصر وفتح عينه وبدا يفركها: تكذبين قولي والله
لمياء بأبتسامه: والله
قام ناصر من السرير وتقدم يحضنها بقوه
كان يبي يجرب شعور الاب يوصل ولده المدرسه ويرجعه يطقم هو وياه كانت الفرحانه ناصر ولا فارقته
سعود: يلا انزلوا
رند: حمد يلا انزل
سعود: بنفس المدرسه انتم
حمد: ايه
ناظر سعود حمد وربت على كتفه: انتبه لها
حمد: ان شاءالله
نزلوا حمد ورند لمدرستهم الثانويه
وراح سعود يوصل البنات للجامعه
في طريقهم
نطقت وعد: سعود لاترجع لنا نواف ولد خالي قال بيجي لنا
وجدان: اما عاد ليه يتعب نفسه
وعد: ما ادري لكن قال هو يودينا
هزت راسها وجدان و وصلوا للجامعه
سعود: يلا وصلنا وانتبهوا لأنفسكم
البندري: اشبك انت
سعود: الجامعه بعد مختلطه
وجدان: ايه
سعود: اي احد يقرب منكم ابعدوا منه
البندري: وانا اخت هنو
ابتسم سعود من سمع طاريها: ونعم والله
البندري: ونعم بحالك
وجدان: المهم ماعليك مننا
سعود: يلا مع السلامه
