..
ناظر سعود احمد: حمود بروح معكم
احمد: ليه اقعد هنا
سعود: بنتبه لهنو
انصدمت من كلمته قدامهم وصفقته في كتفه وناظرها وهمست له: مو قدامهم
احمد: اجل تمام
قامت وجدان وراحت لغرفتها ودقت على لمياء وردت عليها لمياء: هلا جوجو
وجدان: يابنت متى بتجين ترا بنروح للسوق ونشتري اغراض عشان حفله وعد
لمياء: انتوا روحوا للسوق احنا شرينا شوي من الاغراض وهدايا يعني مخلصين حنا
وجدان: تمام نجي من السوق وانتي هنا
لمياء: يلا تمام
قفلت وجدان ونزلت وراحت لهم من المجلس ناظرتها تهاني واشرت لها ب👍🏻
ناظرتها وجدان وسوت لها👌🏻
هزت راسها تهاني بتمام
عند لمياء وناصر كانوا بشقتهم ناظرها تمشط شعرها ومبتسم ناظرته من المرايه وابتسمت قام وجاها من ورا وحضنها وباسها برقبتها انخجلت لمياء: يلا بنتأخر عليهم
باسها بخدها وخر عنها: يلا بروح البس
التفتت له لمياء: شرايك اختار لك من ذوقي
ناصر: تم يلا نشوف ذوقك ابتسمت وراحت لدولابه تطلع له لبس طلعت له بنطلون اسود وسيع وبدله بيضاء ناظرها وابتسم: عاد تدرين ذي افضل بدله عندي
اخذته لمياء عنده: يلا خذ البسهم وتعال اظبط لك شعرك
ناصر: تمام
لبس ناصر وراح عندها: كيف حلو
لمياء بأبتسامه: انت حلو كلك مو بس اللبس
ابتسم وجلس قدام المرايه وقعدت تمشط له
لمياء: اهه يازين شعرك ياخي كثير وحلوو
ناصر بخبث: ناوي احلقه
عقدت حواجبها لمياء: ياويلك والله ان حلقته بزعل منك
ناصر: امزح والله ما احلقه الا زعلك ياقلبي
لمياء: تدري ان من يوم ماشفتك وانا بس اناظر بشعرك لان هو الي محليك
ناصر: يعني اذا حلقته مابصير حلو
لمياء: لا يعني اذا حلقته منجد بتطلع شين خلك كذا
مسكت بخدوده وقربت وجهها منه وصارت شفايفهم مقابله بعض
: ما اقدر بدون شعرك خله عشاني
مسك بوجهها وباس شفايفها وتصنمت لمياء وحطت يدها على اكتافه ووخر عنها: اذا مو عشانك عشان مين
ابتسمت لمياء وكملت تمشط شعره: ياحبي لك
ركبوا السياره كلهم البنات واحمد وسعود ومشغلين سلطان البريكي:
ليت الهوى مافيه فرقا ولا حزن ودموع زرقاء
الي تخلي العين غرقاء وتذكرك لا صرت داله
كان سعود يغني بصوت مره عالي وحلو كانت تهاني تستمع لصوته ومبتسمه سكت سعود وكملت تهاني:
فرقا الوليف الي تحبه مافارقك من دون سبه
ماخاف فيك الله ربه ولا تهيا لك وصاله
سعود يناظرها وهي تغني وسكتت وصفق سعود ناظرهم احمد: والله اصواتكم حلوه ومطابقه على بعض
صفقه سعود: قل مشاءالله
ضحك احمد: مشاءالله مشاءالله
كانت تناظره بالمرايه ومبتسمه وتتأمل جماله الي ماخذ عقلها ناظر المرايه ولقاها تناظره بس مانزلت اناظارها عنه قعدت تناظره بأعجوبه ابتسم وقعدوا يناظرون بعض ناظر احمد المرايه وشافهم يناظرون بعض ورجع انظاره لسعود: اهجد بس
ناظره سعود: ليه تخرب
ضحكت تهاني وحطت يدها اليسار على وجهها: منجد مخرب
وعد: مخرب وش
تهاني: ولا شي سلامتك
وصلوا للسوق ونزلوا من السياره حاولت تهاني انها تنزل بس ماقدرت جاها سعود يركض ومسك بيدها: قلتلك ماتقدرين تسوين شي بدوني
ابتسمت وناظرته: منجد والله ولا شي بدونك
ابتسم ونزلها من السياره قعد ماسكها وهم يمشون ناظرتهم وجدان وابتسمت بداخلها: يازينكم والله
دخلوا محل فساتين البنات والعيال
سعود: شوفي ذا بيطلع حلو عليك
تهاني: تقولها صادق
همس لها سعود: ترا الاحمر يجذب قلبي
عضت شفايفها وابتسمت: اجل باخذه
ابتسم سعود ومشى معها وناظرته: تعال بنشتري اغراض الحفله
سعود: يلا امشي
ناظرت تهاني وجدان: وجدان شوي ونجي تمام ولا تنسون تشترون الكيكه والبالونات تكون لونها اصفر
وجدان: تمام
مشت تهاني مع سعود ودخلوا لمحل الورود
سعود: وش نختار من لون
ناظرت تهاني الالوان واشرت على لون الاصفر: بناخذ ذا الاصفر هي تحب لون الاصفر وحط معه ابيض
ناظر سعود الرجال: حط اصفر وابيض
الرجال: تمام
جهز الرجال الورد وناظر سعود: اكتب عليها شي
تهاني: عطني انا بكتب
اخذ سعود الورقه من الرجال وعطاها الورقه وناظر الرجال: فيه قلم
الرجال: ايه فيه تفضل
عطاه الرجال القلم ومد سعود القلم لتهاني وكتبت:
