هل ترقص معي

الحلقة 1 🎉

فما ناس يقولو الي مكتوب على جبين لازم تشوفو العين و فما شكون يقول كل واحد و مغرفتو اش هزت نقلكم حاجة ....انا المغرفة متاعي نعوجها باش ناخو الي نحب عليه ..انا وعد وعد بن عمار ...وهذه حكايتي

نهار بطقس صيفي بالطبيعة  سخانة ستين على صباحو  معروفة سخانة جويلة اش يخلي الرمان و تمر يطيب هي في جنينة قاعدة هي و جداتهاا
_وعد ؛ هايا مامي اناااا ماااشية
_شادية ؛ ااااقف ...
وقفت وعد غمضت عينيهاااا و بعد بدات تلفتت بشوي بشوي
_وعد ؛ ميماا معادش بكري ...
قدمت منهااا ماماتها و يديهاا وراها و بدات دور عليهااااا و ساكتة و وعد كان تبلع و تغص خايفة ترعش
_وعد ؛ مامي لباااس احكي اماان معااش بكري
_شادية ؛ مازلت منسيتش عملت امبارح راني ...وين مشيتي وقتاش روحتي
_وعد ؛ مامي تو نقولك بعد كي نروح باش يطردوني مالخدمة
_شادية : وعد 
وعد ؛ وعد والله
باستها و خرجت تجري هي خارجة ساقها تعثرت بالطالون و مامتها تدور في راسها و تمتم
_شادية ؛ انا نعيط عليها باش نقولها كول حاجة ولا دووخ و هي تقولي وعد ...وعد الله عليك يا بنت حنان
في جردة يجري حاط كيت يسمع في لغناء و يعمل في سبور لين يقص عليه التاليفون وقف الجري و غزر لمنقالتو يلقاه شريكو
_كرم
_كرم ؛ بنجوور
_صباح الخير اش فما على صباح
_كرم ؛ فما سهرية بعد لعشية
_صبح يا ربي لعمال عليك
_كرم ؛ ماني نعرف نهارك منقالة يلزم نقولك تو و يادوبش نقنعك
_باهي باهي في شركة انت
_كرم ؛ تو لا أما ساعتين اخرين اي
_باهي سكر تو ...اه باش نجي مخر اليوم
_كرم ؛ سجل يا تارييييييييخ قووول !!
_طير خلي نكمل سبور متاعي رايض مزالي 124 متر
_كرم ؛ انا مازلتي ساعة و درجين نوم
سكر التاليفون خذا نفس و كمل يجري خرج يجري على كورنيش ...
وعد تمشي تسمع في موسيقى متاعهااا في يدهااا قهوة تترشف فيهاا لابسة توب نوار و شورط بيج و صندال طالون كلاسيك نوار و عاملة شعرهاا كوب شوفال وعد زينهااا عادي عينيها اخضر ياقوت و شعرهاا بني مايل للاصفر ..بيضاء ...هي تمشي على كورنيش لا بيها لا عليهااا لين تجي طاايحة يشوف فيهااا دااخت بطبيعتو يجري مشالهااا هبط على ركابو و بدا يفيق فيهااا هي فاقت حلت عينيها بشوية قابلهاا راجل لحية و بدن مع ريحة البارفان زادت دوختهاا ...بقات التبع في قطرات لعرق الي عملو لمعة مع شمس صباح مزالت غايبة على وعي جملا دوبا ما تشوف في شفايفو يتحركو بعد شهقت شهقة وحدة و تكلمت قالتها بالمصري
_وعد ؛ معقول انا في جنه (معؤل أنا في ڨنه )
بقااا يغزرلهاا ضم شفايفو حب يضحك اما منجمش ميجيش يتفيسخ عليهااا هي تلفتت تلقاه مزال قاعد لوطة هزت يدهاا لمنقالتووو لقاتهااا قريب ثمنية هزت روحهااا بشوية و مشات تجري استغرب هو يشوف فيهااا هزت يدهاا وقفت تاكسي و مشات تلفت لبلاصتهااا يلقى شركة هزها  يلقاهاا مكتوب عليهااا  promise  حطها في جيبو و شق الكياس لكرهبتووو ركب و مشااا لدارو ..
وصلت هي و الوقت قد قد المعلم مزال مجااش
_ليلى ؛ اجري يا وعد المعلم قريب يوصل
_وعد ؛ وصلت كان ترا اش صارلي
_ليلى ؛ فقتي مخر مفطرتيش و شدتك جداتك و في ثنية دختي كيف العادة و هذاكا علاش جيتي مخر
_وعد ؛ بالصبظ اما المرة هذه غير لخرين
_ليلى ؛ كيف
_وعد ؛ نقذني واحد اما منجمتش نثبت فيه ولا في ملامحوو منتفكر صوتو وقت يفيق فياااا
_ليلى ؛ اهههه روميو جااا على فارس ابيض
_وعد ؛ لا على ساقيه
_ليلى ؛ يكب سعدك نظم السلعة فيسع
_وعد ؛ يا ليلى حوايج موضة 2024 تسمي فيهم سلعة راهو بوتيك يضرب يسرح
في داروو قدام لمراية بعد ما خذا دووش لبس سورية بيضاا سروال نوار فيستا نوار منقالة كلاسيك نوار جلد شعرو مقدود بالجال لحية محصورة ...عمل رشتين برفان و هز البوش نوار و كمل عليها لونات نوار و صباط نوار غزر لروحو في لمراية مليح جبد سيقارو و شعلو عمل جبدتين و طفاه هز يده لقدام و عدا يدو على منقالة وقيت خدمة نفخ الدخاان في هوااء و خرج اول ما حل الباب حل معاها كرهبتو و مشااا طااير ...لحظات وصل تشوف الداخل كان في ساقين ماشية جااية و ابعد جااك
عدا السلام للعساس طيشلو المفتاح متع الكرهبة و دخل خذا للسونسور و طلع لين تعرضو للسكريتيرة متاعو
_بونجور سي انور
_انور : بونجور اش عنا اليوم
_عندناا ...نقصد عندك اجتماع مع العشرة و مع عشرة و خمسة و عشرين دقيقة عندك موعد مع سي يونس و مع 11 عندك اجتماع مع الالمان يكمل 13:22 و اخر حاجة 13:40 عندك الاوراق الي باش تصحح بعد ما يوفى السرفيس
_أنور ؛ عال ...جيبلي قهوة معاها حرابش
_لمار : راسك يوجع سي انور
تلفتلهاا انور وهو قاعد في كرسي فهمت روحهااا
_لمار ؛ فهمت سي انور حاضر ...

هالوووو 👋🏻😎

عدنااا وسع وسع 😌😎

حطولي تاريخ الي تقراو فيه و متنسووش تدعموني بلايك للحلقات الجاية كل ❤️😍

نخليكم تكتشفوو حكاية وعد الجديدة نتلاقاو في الخاتمة 😇✨💛