දෙ ඇස් 💗

13. 💗

" යශ් අයියා ආදරෙයි. යශ් අයියා මගේ නෙතූට ආදරෙයි. "

" නෙතූත් ආදරෙයි. "

මගේ පැටියා මට තුරුල් වෙලාම මුමුණද්දි සැරින් සැරේ කොල්ලගෙ හිස් මුදුනින් හාදු තිබ්බ මම ගාථා ඉවර වෙනකනුත් කොල්ලව තුරුල් කරගෙනම හිටියා. දැන් ඉතිං මගේ පොඩි එකා සදහටම මගේනේ කියලා මතක් වෙද්දි මට කොල්ලව අත අරින්නත් ලෝභයි. දවස් ගණන් ප්ලෑන් කරලා කරන ප්‍රපෝසල් වෙනුවට මාස ගාණකට පස්සේ මුණ ගැහිලා පැයක් යන්නත් කලින් අපි දෙන්නා අපි දෙන්නට ආදරෙයි බව පිළි අරගෙනත් ඉවරයි. ඒ විතරක්ද ෆස්ට් කිස් එක ! මටත් ඉවසීමක් නෑ නේ ඉතිං. ඔහ්හ්... මේ දේවල් වුණා ඉක්මන් වැඩිදත් මන්දා...

ඒත් අපි දෙන්නම දෙපැත්තක ඉදන් තනියම අපිව අපේ කරගන්න කොච්චර හීන දැකලද ? දැන් මන් ඔෆීශියලි බෝයි ෆ්‍රෙන්ඩ් කෙනෙක් කියලා මතක් වුණාම , ඒකත් මට ජීවිත කාලෙටම හිතේ ආදරයක් ඇතිවුණු එකම මනුස්සයගේ බෝයි ෆ්‍රෙන්ඩ් වුණාම ඒක පට්ට පාර මාර හැගීමක්. දැන් මට වගකීමක් තියනවා. ඉස්සරහට මොනම දෙයක් වුණත් මගේ කොළු පැංචව රැකගන්න ඕනේ , ඉස්සරහට දකින හැම හීනයක්ම එයත් එක්ක දකින්න ඕනේ... මේ පිරිච්ච හැගීම එක්ක මගේ හාට් එක නිකන් පුපුරන්න වගේ අයියෝ...

එකපාරම Room එකේ දොර ඇරෙන සද්දෙට ආයෙම හිස් මුදුනින් හාද්දක් තියලම මම කොල්ලව මගේ තුරුලෙන් ඈත් කරා. දැන් කොල්ලා ලා රෝස පාටයි. අනේ මට මගෙ කොල්ලව ගෙදර යවන්න ලෝභයි අම්මියෝ... ගෙදර එක්කන් ගිහින් හපලා හපලා කන්න හිතෙනවානේ...

" කේශු වරෙන් බන් . ඇති ඔය ලව් කරා. ළමයිනුත් එළියට යනවා. තව ටිකකින් මිසුත් එයි. "

" විනාඩි පහයි. "

කර්ට්න් එක අයින් නොකරම ලෙයියා කෑ ගහද්දි ඌටත් ඇදේ ඉදන්ම උත්තර දීපු මම මිස් දීලා ගිය ෆෝම් එක අතට ගත්තා. ෆිල් කරන්න තිබ්බේ කොල්ලගෙ නමයි පන්තියයි විතරක් වෙද්දි ඉක්මණට ඒ දෙක ෆෝම් එකේ ලියපු මම දොර වැහෙනවා ඇහුණු සද්දෙත් එක්ක ඔළුව උස්සල මගේ සූටි දිහා බැලුවා. මෙච්චර වෙලා සතුටින් පිරිලා තිබ්බ සුදු බෝල මූණ බෙරිවෙලා තොලුත් පිට පෙරලත් උපරිම දුක මූණක් හදාගෙන මගේ දිහා බලාගෙන ඉන්නවා.