දෙ ඇස් 💗

17. 💗

" බබා එන්න."

සූටා බාතෲම් එකට දුවල දොර වහගන්න දිහා බලන් හිටිය මම හිනා වෙවීම ඇඳෙන් ඉදගෙන හවස නිදාගන්න කලින් ක්‍රිශා ආන්ටි ගෙනත් දීපු ඔරේන්ජ් ජූස් එක අතට ගත්තා. මගෙන් බේරෙන්න බාතෲම් එකට දුවල හැංගුණු කොල්ලා බාතෲම් එකේ දොර ඇරලා ඔළුව විතරක් එළියට දාද්දි කොල්ලට බීම විදුරුව පෙන්නුව මම ඔළුවත් වනලම මගේ ගාවට කතා කරා.

දත් සෙට් එකම පේන්න හිනාවකුත් දාගෙන මගේ ගාවට දුවල ආව කොල්ලා දෙපාරක් නොහිතා මගේ කකුලක් උඩින් වාඩි වුණා. මෙහෙම ඉන්නකොට මගේ කොල්ලා චූටි පැටියෙක් වගේ අනේ... පොඩ්ඩා පිසිකල් ටච් එකට හරි ආසයි. හැම වෙලේම ඇඟේ ඇතිල්ලි ඇතිල්ලි ගෑවී ගෑවී ඉන්න තමා පොඩ්ඩට ඕනේ. සූටා එහෙම වෙන එකට මම කැමතී. මොකද කොල්ලම එහෙම වෙද්දි මටත් එයාව අල්ලන්න , ඉඹින්න හිතේ තියන චකිතේ නැති වෙනවා.

" ම්ම්ම්... "

ඇඟිලි තුඩු වලින් මගේ ඇහිබැම පීරන කොල්ලට මම බාගෙට බීපු බීම වීදුරුව දික් කරද්දි නෑ බෑ මුකුත් නෑ කොල්ලා අත් දෙකෙන්ම වීදුරුව අල්ලන් එක එක හුස්මට බීම වීදුරුවම බීලා දැම්මා.

"නෙතූට බඩගිනිද ? සැන්ඩ්විච් කනවද ?"

එපා කියන්න ඔළුව දෙපැත්තට වැනුව කොල්ලා. එක අතකින් බීම වීදුරුව අල්ලගෙනම මගේ ඇඟටත් හොඳට හේත්තුවක් දාගෙන ඔළුව උස්සලා මගේ දිහා බැලුවා.

" යශ් අයියේ... "

" ම්ම්ම්... "

" යශ් අයියා... මට ප්‍රොමිස් වුණා... ක්ලාස් ඉවර වෙලා ආවහම... "

කොල්ලා එක අතකින් බීම වීදුරුව අල්ලන් අනිත් අතින් මගේ ටී ෂර්ට් එකේ පපුව හරියත් පහුරු ගගා මගේ දිහා බලන් වචන ඇඳ ඇඳ කතා කරද්දි කියන්න හදන දේ තේරුන් ගත්ත මම කරවටින් අත දාලා කොල්ලගේ මූණ උඩට උස්සන ගමන් කොල්ලගෙ පිම්බුණු ලා රෝස කම්මුලක් එක දිගට ඉඹගෙන ඉඹගෙන ගියා.

"උම්..උම්..උම්ම්..උම්ම්ම්...උම්ම්ම්ම්මා..."

කොල්ලගෙ කම්මුලට සද්දෙට උම්මියක් දුන්න මම කොල්ලගෙ ඉඹපු කම්මුලේම මගේ නහය අතුල්ලන්න ගත්තා.

" තරූ බබා... "

ක්‍රිශා ආන්ටිත් ඕන නැති වෙලාවලටම එන්නේ...