දෙ ඇස් 💗

14. 💗

" අම්මි මන් යනවා. "

" මොකේද යන්නේ සුදු පුතා ?  බයික් එකේද ?"

" ඕ... "

" කෝකටත් ක්‍රිශා ආන්ටිට කෝල් කරල කියන්නද මම .  මගේ හිතට හරි නෑ පුතා. "

" මම බබෙක් නෙමේ නේ අම්මි. අර ඩබලත් එන්නම අහනවා. දෙන්නා තුන් දෙනා එක්ක ගියොත් තමා නැති ප්‍රශ්නත් ඇති වෙන්නේ.. අදට මම තනියම ගිහින් එන්නම්කෝ.. අනික ක්‍රිශා ආන්ටි මේකට කොහොම රිඇක්ට් කරයිද කියලා නොදැන අපිට එක පාරම එයාට මේවා කියන්නත් බෑ නේ.. "

" පරිස්සමෙන්. රෑ වෙන්න කලින් එන්න ඕනේ. පොඩ්ඩව ඔයා මෙහෙ ගෙනත් තියාගෙන බලාගත්තත් මට කමක් නෑ පුතා. ඒත් ඒ ළමයගෙ අයියා එක්ක ඔයා ප්‍රශ්න ඇති කරගන්නවට මම කැමති නෑ. "

" කවද හරි ඒ අයියත් මේවා දැන ගන්න ඕනෙනේ අම්මි. කලින් පාර මන් කටවහගෙන හිටියේ මගේ හිතේ ආදරයක් තිබ්බට කොල්ලගෙ හිතේ තියන දේ ගැන නොදැන හිටිය නිසා. ඒත් දැන් මට ඒ ප්‍රශ්නේ නෑ.. ඒ නිසා මන් මේකට ෆේස් කරන්න බයත් නෑ.. "

" කේශු.. බබා.. ඔයා ඔහොම කතා කරද්දි මගේ පොඩි කොල්ලා ගොඩාක් ලොකු වෙලා කියලා මට දැනෙනවා වස්තුවේ.. තාත්තා ඔය හොරෙන් ගෙවල් වලට පනින්න යන ඒවා දැනගත්තොත් නම් බේරුමක් වෙන්නෑ පුතා. අදට ගිහින් එන්නකෝ. ඊළග පාර ගැන නන් මටත් තව හිතන්න වෙනවා. "

අම්මගේ මූඩ් එකනන් හරිම නෑ...

" හරි අම්මි. "

" තව මාසෙකින් එක්සෑම්. ඒ නිසා මේ මාස දෙකේ ආයෙ ඕව බෑ. "

" හරි අනේ... යන්න ඔන්න මෙන්න තියලා ඔයා මගේ මූඩ් එකත් අවුල් කරනව නේ. "

" පරිස්සමෙන් ගිහින් එන්න. "

මටත් එහෙමට කියලා ඉවසීමකුත් නැති එකේ අව්වත් ටිකක් අඩු වෙනකන් ඉදලා හවස තුනට විතර ජැකට් එකයි ෆුල් ෆේස් හෙල්මට් එකයිත් දාගෙනම දහවෙනි වතාවටත් අම්මි පරිස්සමෙන් ගිහින් එන්න කියලා ඔළුව අතගාද්දි මගේ කොලු පැංචගේ ගේ හොයාගෙන යන්න මම ගෙයින් එළියට බැස්සා. අන්තිමට කාගෙවත් සපෝර්ට් එකක් නැතුව google maps වලින් කොල්ලගේ ගේ හොයන් යන්න මම තීරණේ කරා.

ඊයෙ අරුන් දෙන්නගෙ වලිත් බේරලා ගෙදර එනකොට අම්මි ගෙදර ඇවිත් හිටිය නිසා ස්කෝලෙදි වුණු සම්පූර්ණ සිද්ධියම- නෑ සම්පූර්ණම කියන්නත් බෑ ඉතින් කටවල් කා ගත්තුවා කිව්වේ නෑනේ.. කොහොම හරි වැදගත් විස්තර ටික ඔක්කොම මම අම්මිගේ කනේ තිබ්බා.