« ياقلب دقات الهوى لاعبتني قامت تمايل بالدلع كانه العود »

البارت السابع عشر

ما اسامح الي يقرو بدون لايك ‼️
بسم الله الرحمن الرحيم
•
•
استمتعوا 💗
دخل الحوش وطق باب البيت سمع صوتها الي شلع له قلبه : مين ؟؟
وسمع صوت المكنسه الي انطفى ، بابتسامه : سعود ..
سمع صوت الباب الي يفصل بين المجلس والصاله يتقفل بقوه ، دخل لداخل المجلس ومالقى المكنسه الكهربائيه ،، اتسعت ابتسامته وهو يشوف طرحتها على الارض وواضح طاحت منها وقت انحاشت..
جلس عند القهوه ينتظر قدوم غاليه الي ماخذ وقت طويل وجت هي ورزنه ، ما ينكر انه توتر منهم وذي اول مره يتوتر من حريم ! .
تناقشوا شوي لين تكلموا بمقصدهم : بتعيش بنتي ببيت ولا عند ابوك ؟
هز راسه بالنفي وهو تارك فنجاله : ببيت والي تطلبه عذاري بقول تم قبل اعرف طلبها
همهمت غاليه وهي تناظر في رزنه الي ماتبي الزواج ذا ابدا لكن سعود خطب بوقت مايقدرون يفكرون به ! ، غاليه بابتسامه : طيب شروط عذاري .. اول شي تبي بيت لحالها ،، ثاني شي تقول عرسها بالرياض ،، ثالث شي ما تمنعها من الروحات والجيات !
ابتسم ونطق : ذي شروط اي عروسه تبشر الريـ.. العذاري
ابتسمت وتكلمت بفرحه : الله يتمم لكم على خير
وقف وهو يودعهم لين وصلت معه غاليه للباب وتودعه : الله يوفقكم اجل تعال ملك وقت الي تبي
نطق سعود بابتسامه : بعد يومين ياعمه ..
قبل راسها وابعد وهو يودعها وقلبه به هم وانزااح ، لكن هناك الي كان يناااظر مصدوم ويدعي ان موب الي بفكره ..
نزل مع امه الي قلبها يخفق بقوووه من شافت سعود يسلم على غاليه ويتكلمون عن الملكه ، دخلوا للمجلس والضحك واصل لمسامع ريان ،، يتمنى يتمنى انه كذب كذب ! ، ويردد بداخله " يارب لا تختبرني بصبري يارب لا تختبرني بصبري " وكرر يرددها لين وصل لهم ، بدريه بتوتر : شسالفه ..؟ ليه اصواتكم واصله لبرا ؟
ناظرت الجازي بخوف وارتجافها اتضح له ، تعرف ان اخوها يحب عذاري وقررت تنسحب بهدوء ماتبي تشوف عاصفه اخوها وانكساره الي بدا يبان ، رزنه بفرحه وهي تزغرط : انخطبت انخطبــت ..!
نطق ريان وهو مرتاااع : من انخطبت ..؟
بابتسامه شاقه وجهها : العذاري ..
تجمد الدم بعروقه وبلع ريقه يسال للمره الثانيه يتمنى ان الجواب مثل الي يبي : وافقـــت ؟؟
بردت ملامح وجهه من جواب رزنه : اي باقي تملك وتصير حرمـ..
قاطع كلامها صراخ بدريه على ولدها الي طاح مغمى عليه من هووول صدمته ..
صحى والمغذي بيده ،، اغمض عيونه بألم من النور القوي ،، عدل بجلسته وناظر في امه الي قامت بسرعه : يمه ريان فيك شي يعورك انادي الدكتور ..
قاطعها وهو موب مستوعب : يمه وش جابني هنـ..
سكت من تذكر : كم لي نايم ؟
بدريه بحزن : جبناك من ساعتين وانت نايم همهم وهو يتذكر : طيب .. عذاري وش..
سكته بدريه : تكفى خلاص لاتضغط على حالك ..
تنهد ونطق بابتسامه يطمن امه وداخله مكسوووور وماراح ينجبر : يمه شفيتس انا بخير والله يتمم لها على خير
وبداخله " الله لا يتمم لهم على خير " : بالله نادي الدكتور يشيل عني ذي بطلع
بدريه : يمه لا اجلس ..
قاطعها : والله لا اشيلها انا ترا !
مسكت يده الي كانت صدق بتشيل عنها المغذي : خلاص يمه انا بروح اجيب الدكتور ..
طلعت تدور أي دكتور .. انسدح على السرير وهو ضاايق وحيــل !! ،، الي حبها من قلبه بتتزوج وتروح من يده ،، طيب انا حبيتها قبلك ياسعود ليه بتكسر ظهري فيها ..!
غطى عيونه يمنع دموعه : ما بقى في النفس شيٍ ما بذلته
‏كنت أداري شي خارج عن مَداري ..
رفع يده يحطها على جهه صدره اليسرى يتحسس دقات قلبه السريعه المجروحه ، المخذوله ، المكسوره ...
لا لا اكيد هي مجبوره ! ..
——^~^——
كانت تزين لعقدها وهي بكااامل توترها ! ،، ناظرت في الجازي الي ترسل دعوات للي تعرفهم عذاري وقدامها وحده تبرز لها ملامحها : ارسلي لـ غزال واهلها ومزنه واهلها والي نعرفهم
همهمت الجازي وهي ترسل وداخلها شعووور غريب ماودها ان تكون عذاري لـ سعود ودها لـ ريان اخوها الي طلع من المستشفى وحالته غييير تغيرت 180 درجه !
تنهدت عذاري وهي ملاحظه صمت الجازي : وخلي ريان يحظر اولهم ..
رفعت انظارها الجازي لـ عذاري : بتحرقين قلبه ؟
هزت راسها بالنفي : اعتبره اخوي والسند الي ماحسيت بشعورهم صدقيني لولا الله ثم هو محد فكني من حمد غيره ! نظرتي تغيــرت له .. ادري به يحبني بس انا قلبي يملك غيره ..
عضت شفايفها الجازي بغبنه من كلام عذاري الي بدل يهديها يحرقها اكثر واكثر : عذاري ماشفتي حالته صار منطوي ليه تبيه يحظر ملكتس ويشهد على زواجتس !! .. ليه انتِ انانيه تسذا وتحبين حالتس ؟
نزلت انظارها وأمرت للي يضبطونها يطلعون : انتِ ماتبين استانس ؟؟ ريان اعتبره اخوووي .. انا موب انانيه انا ابي الشخص الي يصوووني ويحفظني ويحطني بعينه انااا موووب انانيــه ... انانيه بالضبط على ايش !!! تبيني اعيش بالماضي الخااايس الي ماينذكر !! .. الماضي صااار على كل لساااان  بالديره وكله بسبب خالك الرْفت القدْر !!
عضت شفايفها من شافت دموع عذاري ، اقتربت منها وهي تتعذر بندم : لا تكفين والله اسفه .. تكفين سامحيني والله ماقصد .. ذي ليلتس لاتبكين تكفين ذي ليلتس من الي تمناه قلبتس ياعذاري ولشخص الي تحلمين به وترسمينه بلوحاتس !!
حضنت العذاري بندم شديـــد .. ماكانت تقصد قولها ولا كانت ودها تقوله ! لبست عذاري فستانها تحاول بقدر المستطاع ماتبين زعلها للجازي الي زعلتها بحكيها ..
ناظرت حالها بالمرايه فستان اسود ريش بحمالات شفافه ،، نثرت شعرها الطويل على ظهرها الباين وهي تسمع الاغاني من تحت فرحانين بذي الليله .. حطت اخر لمساتها والي كان الحلق الي راح يشهد على ذي الليله ..
دخلت عليها امها الي اتسعت ابتسامتها من شافت بنتها : ياهلا .. ياهلا بالزين والحلاوه كلها ياحظ سعوود ياحظه !
نزلت راسها بخجـل من حكي امها : يلا ياماما تعالي تحت خلينا نشوفتس وبعدها تكتبون كتابكم ..
ارتجف متوسط ايسرها وتسارع نبضه من حكي أمها الي أكد لها وخلاها تستوعب نقطة تحولها الليلة وانها بتصير ملكه هو ! ، زفرت أنفاسها المضطربة تٌبين عكس فرحتها من خوفها وتوترها،، مشت ورا امها وهي تلعب باناملها من الخوف والتوتر والتردد .. جلست مع الحريم الي ذكروا الله اول مانزلت لكن به همسات توصل لمسامع عذاري لكنها بذي الليله والي تمناها قلبها ما اهتمت .. سمعت صوت هزاع الي يتنحنح واتجهت له امها : خلي بنتس تجي توقع ..
اومت غاليه والابتسامه شااقه وجهها ، راحت ركض لـ عذاري : تعالي يايمه ..
وقفت تلحق امها ولحقتهم الجازي الي ودها تعرف رده فعل عذاري .. ابتسمت من شافت عذاري تناظر بالكتاب والقلم بيدها الراجــفه ..! ، هزاع بابتسامه : وقعي اذا تبينه ..
اخذت نفس عميــق ووقعت باناملها الرقيقه على ذي الورقه الي راح تحتم قرارها ،، وراح تصير حرم شخص حبته وتصير حرم شخص ماتوقعت بيوم يبادلها الشعور وتصير حرم شخص كل لوحاتها عنه ..
10/10/2013 تم عقد قِرآن
- سعود & عذاري -
او لنقول - قلب الشاعر -
سمعت زغرطت غاليه والجازي يبينوا مدى فرحهم بذي الليله ،، حضنتها امها ونزلت راسها تمسح دموعها الي شقت مسارها لوجنتها .. عذاري : يمه ترا اكنسل ! اشق الورقه ولا من احد درا وسمع
مسحت دموعها بعشوائيه ونطقت : لا خلاص .. الله يهنيكم ويتمم لكم على خيــرر ياعيون امك
اقترب هزاع يقبل رأس عذاري وحضنها ،، لطالما هزاع اعتبرته ابوها الي ماحست به ، وكذلك حضنتها الجازي الي تعتبرها اختها الصغيره .
دخل هزاع بعد ماطال عندهم يعطي الورقه لشيخ ، ضحكت عذاري بخرشه وتوتر وخجل من سمعت صراخ الرجال بالمجلس .. سعود وهو يناظر بالورقه موب مصدق : يـ يـعني صاارت لييي حرمي حلاالي !!
ضحك سلمان يمزح : شايفها ناقه ؟ ، لا امزح مبروك مبرووك عسى الله يتمم لكم ويجمعكم بحلاله
ضحك وبيده الورقه واعطاها الشيخ وحضن عمير الي يضحك وماسك دموعه لاتنزل ..
طلعوا الكل من المجلس ونطق سعود لخاله قبل يطلع : تكفى طلبتك ..
هزاع : قل وانا بقول تم ياعريس
ابتسم باتساع : ابي اشوفها شوفه شرعيه تكفى ،، هي الحين حرمي ومهوب حرام
هزاع : تم بس يمكن ماتوافق ؟
سعود : اقنعها ..
اومى له هزاع ودخل يتصل على غاليه ،، جلس وهو ينتظر متوتر .. رن جواله " عمير " : هلا عمير ..
عمير باستغراب : وينك تاخرت داخل ..
ابتسم سعود : عشر دقايق وجاي
همهم عمير وقفل بعد ماعرف ان سعود بيشوفها ،، بلع ريقه وهو يناظر في الباب الي انفتح ، هزاع بشك : خمس دقايق بس .. ترا اراقبك يويلك تسوي ببنتي شي !
ضحك سعود : ياعم وش بسوي يعني معليك بس ابي اشووفهاا متلهف اشوووف قلب الشاعر
دخل هزاع شوي ورجع وخلفه عذاري الي باين عليها رجفتها ماسكه شماغ هزاع الي بيطيح منها وهو يحاول يخليها تتركه لكنه مابه فايده ،، ضحك وجلسها هزاع جنب سعود : خمس دقايق وترا اراقبك !!
ضحك سعود وطلع عمه هزاع التفت لعذاري الي تلعب باناملها بخوووف بغت تروح مع هزاع بس وقفتها يد سعود : وين وين توي ماشفت الزين ،، الله ريش بالفستان ياريشتي !
استحت بعد ماعرفت انه انتبه لريش بالفستان الي لبسته بالاخص ذا اليوم ، نطق وهو جنبها او لنقول مايفصل بينهم شي اقترب لاذنها ينطق : خذيتك مرجله وعناد وياحلو عنادي فيك يوم كسرت خشوم الكل ..!!
ضحكت بخجــل منه ومن حكيه وقربه ونطق بعد مابعد عنها شوي :
أنا دخيل الكحل والعطر والروج
والضحكه الي قادت العشب للماء
ايي تكفين لا تنمحي هالضحكه من شفايفك ..
نزلت راسها بالارض وسعود زاد توترها وخجلهاا ، لكنها بجرائه ونطقت وناظرت بعيونه العسليات : جيتني وانا مالي ب المحبه ميول .. وحببتني في سوالف ماكنت احبها ..!
اتسعت ابتسامته من حكيها ورفع باطن يدها يقبله : جعلني فدا لتس يابعد حيي وحياني ياحي هالبسم وياحي طاريه ..
تلامست شفاهه كفها وحست بـ قُبلته الي سببت لها قشعريره بانحاء جسدها و توردت خدودها بالاحمرار ، ابعد عنها ويديه ممسكه بيدها وكانه خايف تروح منه ناظر لعيونها الي لطالما عشقها عيونها العسليات الحاده رموشها الكثيفه كحلها الي زين عيونها اكثر واكثر : وفي تاريخ عشرة من شهر عشرة ... فرح قلبي يبشرني بـ ميعاده
دخل هزاع يقاطع غزلهم ونطق بابتسامه : يلا انتهت مهلتك ياسعود ..
ضحك سعود بغيض : ياعم ماتجي الا بالوقت الغلط !
استحت عذاري ودخلت لداخل مع خالها بتوتر وخوف ونبض قلبها يزداد و بيغمى عليها من التوتر ! ، ماتعودت على الكلام المعسول كذا ..
ضحكت الجازي على وجهه عذاري المحمر وبشده ! .
وفي الشارع المُزين الي كان هناك به الرجال من الديره وخارج الديره يعرفون سلمان وولده ،، والسامري بالنص يدق وبينهم عمير الي يرقص خرج سعود لهم وهو يناظر للحضور الي جو عشانه بابتسامه ،، دخل يرقص ويردح مع عمير وصفوا صف واحد وجلسوا اقترب سعود ياخذ الوليد يساره ويمينه عمير ويردد وهم يرقصون سامري حايل : ياجماعة ضلوعي لبسوها صفايح ... تقضب القلب الأقشر لايفاخت ضلوعي ... و اسعفوني بدكتور يداوي الجرايح ... اسعفوني بماء بارد وصبر سبوعي
تصدح صوت ضحك سعود اول مادخل بوسطهم عمير وبيده عصا الخيزران ،، اشر سعود انهم يزيدون بالدق وبالفعل زادو ودخل مع عمير يرقص بالوسط وبيده يلعب بالعصا ،، لين تعبوا وجلسوا وهم يضحكون ،، مروان بتعب : ماشاء الله طلعتوا تعرفون ترقصون سامري !
متعب : الا اقول ماشاء الله شوفوا ذا يعرف يرقص بس علامه يناظرك ياسعود تسذا ؟
هز كتوفه بمعنى ماعرف وهو يشرب الماء ،، ملاحظ ان ذا الشخص من اول يرقص بين الفرقه زي المجنون وانه من اول يناظر لسعود بس ماعرف يفسر نظراته الا انها موب حباً لسعود ! .
——^_^——
ريان الي كان جالس لحاله ورا البيت ويسمع صوت دق السامري ،، نفث دخان سقارته وهو يتذكر لحظاته الحلوه الي مرت مع عذاري ،، اخذ نفس عميـــق من السقاره وهو يتذكر وقت خرجها بعد الله من مشكله حمد ،، وضحك وهو يتذكر انه جاب لها ساندويتش من البوفيه وقت كان الغاز مخلص وماقد جاب لاخته لكن هي جاب لها لانها .. " مختلفه ..! " ، ونطق بداخله يدعي ويدعي " ياارب تكون مجبوره ياارب " تذكر ابيات ونطق بنبره مبحوحه :