« ياقلب دقات الهوى لاعبتني قامت تمايل بالدلع كانه العود »

البارت السادس عشر

ما اسامح الي يقرو بدون لايك ‼️  
بسم الله الرحمن الرحيم
•
•
اقتربت غرور من امها تحضنها باشتيااق ومن ثم ناظرت في سعود ونايف الي نظراتهم حاميه وكلها غضب ، ماتنكر انها استغربت وجذبتها انظارها لـ نايف الي واضح معصب من شده لـ يده ، جلست جنب امها باستغراب : شفيهم يناظروني ؟
موضي : غطي شعرتس يابنت ! المجلس مليان رجال
قوست شفايفها : يمه ليكون عشان تسذا ؟ ترا موب اخواني وموب معقوله يغارون يعني !
ببعض الحده : قلت غطي شعرتس !
تنهدت وهي ماودها بالعناد ترفع طرحتها وتلفها عليها : على اساس مابه مليون شخص شافني ؟
التفتت للبنات الي يسولفون مع بعض : يمه ذي عذاري !!
اومت لها موضي ، اتجهت تجلس جنبها : يوو لتس وحشه يالوصخه !
التفتت لها عذاري : انا وصخه ! ارسل لك ولا تردين !!
عدلت بجلستها تناظر في البنات الي يناظرون لها : غيرت رقمي وضاع رقمتس مني 
عذاري بابتسامه : ماعلينا والله اشتقت لك ما اصدق انك راح تصيرين جنبنا وقتها بنهرب للوادي ونسهر مع بعض ..
هزت راسها بصدمه : يو وش حركات المبزره ليه الهروب عادي تقدرين تروحين بدون هروب .. 
عذاري : يامي هنا متشددين اجل وش بيسوي اهل خالي سلمان لو درو انك تطلعين وجهك بالسىْـاب ؟؟
قلبت بجوالها : بس امي شرطت على عمي سلمان وعياله سعود ونايف انهم مايتدخلون فيني وبعدين معصي وش دخلهم بيي ؟؟
عضت شفايفها من ذكر اسمه صارت ماتطيقه ! ، صار يتجاهلها ولا يتقابلون عند شباكها ! ، صار مايناظر لها ! ، وش صار عليه ؟ ليكون شاف وحده غيري او .. اصلا ليه اتكلم كذا كانه يحبني ؟! .
تنهدت تمنع دموعها الي تجمعت بعيونها ، تجاهله لها يجرحها !! .. لا صدق يجرحها وبقووه .. اختياري خطا ؟ يعني رزنه صادقه بكلامها ..!
اخذت نفس عميق وتقابلت عيونها بعيون ريان الي من اول يناظرها ! ، ابعدت انظارها عنه تناظر بغرور الي تتصفح الانستجرام ، الجازي : اشتقــت لغزاال ! اخ لو بس فراج يتصالح مع عزام وتضبط علاقاتهم كان دخلنا لديره كل واحد براحتنا
عذاري باستغراب : ليه وش بينهم ؟
الجازي : هواش اجدادهم وكبر الكرهه بينهم
بسخريه وهي ودها تفرغ عصبيها بـ شخص : وش ذا الهواش الي يسبب كرهه بين الاجيال ؟ الحمدلله والشكر ! ...
همست الجازي لـ عذاري : ماعلينا بس ذي شتسوي ؟
التفتت عذاري لـ غرور الي تصور حالها : تصور حالها حق متابعينها
اتسعت عيون الجازي بصدمه : وشووو !! ابك انفضحنا !!
ضحكت على رده فعل الجازي : يابنت الناس وش دخلك بالعالم .. الجازي بخرشه :والله لو يدرون انها تطلع وجهها لايدفنوها
عذاري بسخريه اكثر : على اساس انهم اختهم ؟؟ ترا تحرم عليهم ..!
ناظرت عذاري لـ نايف وسعود الي تتنقل انظارهم بين .. ابوهم ، زوجه ابوهم ، بنت زوجه ابوهم الي جالسه تجلطهم ببجاحتها للحين ! .
‏——T^T——
نطق بغضب نايف : اخر عمري تكون لي وحده تعتبر اختي و ماتلبس برقع !! او على الاقل مسفع يستر شوشتها !!
التفت لـ سعود بغضب يكمل : ابوي شلون يسوي تسذا ! الحين كلما بتمر بيقولون ذي اخت سعود ونايف !!
رجع شعره بغضب على ورا وكلام نايف يعصبه اكثر ! ، ناظر لعمير الي اقترب وبيده بندر اخوه الصغير الي سرعان مافلته ودخل لداخل ببيت رزنه : علامكم بسم الله ؟؟
التفتو لعمير و ماينكر انه انخرش من نظراتهم ، عمير : ابك علامكم انطقوا !
دخل نايف لـ بيت رزنه متجاهل سوال عمير الي يعرف انه راح يجاوب عليه سعود : شف شف هالبزر !
سعود بغضب : بنت موضي !
عمير باستغراب : شفيها ؟
سعود بغضب اكثر : لاتقاطعني لا ارفسك
من نبرته عرف انه معصب وحيل ، عمير : ابشر بس هد ياولد !
سعود : وين اهدي وبنت زوجه ابوي ما تستر حالها ؟؟
تنهد عمير : طيب وش كان من شروط زواج ابوك ؟ اقصد عمتك وش حطت ؟
اخذ من بكت الدخان بعصبيه : ما نتدخل ببنتها ! امحق بنت يبي لها تربيه ذي ! به وحده صاحيه تترك بنتها بدون مسفع ؟؟
تنهد عمير بيأس من سعود : اظهر لهم وساند عمانك تراها عزيمه ابوك ساندهم قبل يظهرون كلبوهم وياخذوا عنك فكره سيئه
وقف يعدل شماغه وغضبه باقي ما انطفى ، دخل لـ داخل الحوش المفروش جالسين به الرجال .
‏——T^T——
« بعد يومين »
دخل طارق لـ ديره فراج ومعه اخته الغزال الي اصرت الا والا تجي وتشوف خوياتها ، طارق : ايش رايتس نروح لبيت العجوز ذيتس ؟
هزت راسها بالنفي تترك جوالها : لا ابي بيت ابو فهد هناك جلست معهم وودي اسلم على مزون لها وحشه !
طارق بتنهيده : متاكده تبين تروحين لهم ؟
هزت راسها بايجاب وهي تشوفه يدخل حيهم لين وصل بيت ابو فهد : انتظري ذا فهد جالس برا يدخن ومعه واحد غطي حالتس