القلوب تعرف من حبها يا غرامي

جزء19

نجلاء:واه ماسمعتو ترحيب شموخ قبل شوي
شموخ:خلاص خليكم من التراحيب اجلسو ابي اقولكم سالفه
جلسو البنات وبدو يسولفون وياخذون ويعطون مع بعض
"الساعه 11:30 عند البنات"
شوق: الساعه كم؟
نجلاء :  11:30
غرام:اح تاخر الوقت يلا انا بمشي بنات تبون تقعدون؟
نهى:اي ولله نبي نقعد روحي وحدك وبنجي قريب
غرام وهي تلبس عيايتها وتحط الطرحه بكتفها:تمام قولو لجدتي اني رحت
نوف:اك
اصايل:ليه تروحين توه الناس شعندك؟
غرام:وش الي توه الناس من سته وحنا هنيه وفطرنا خلاص وبعدين فيني نوم مانمت امس اليل
شوق:من عيونك واضح مانمتي هالاتك واصله خدودك
ضحكو البنات ونطقت غرام: ههه ما يضحك هالات عاديه شفيها؟
ريهام:غراموه تقبلي المزح وخلاص
غرام:ياليللل يلا انا رايحه مع السلامه
البنات: مع السلامه
طلعت غرام وتذكرت كلام خالد لما قالها لاعد اشوفك طالعه والطرحه مو على راسك حطت غرام الطرحه على راسها ما تدري ليه فكرت بكلامه بس انها حطتها ومشت
"عند العيال"
كانو العيال جالسين عند باب البيت يسولفون
عبدالله وهو يطالع خالد:ما ودك تقول لنا من سعيدة الحظ للحين؟
رائد:وش الي سعيدة الحظ تعيسة الحظ ولله
خالد بحده بانت على وجهه وصوته:ابصم
رائد:ابشر
تميم:لا صدق خالد من هي قولنا
خالد:ياربي معد بعترفلكم بشي الله خلاص اعتقوني
كمال:خلاص خلاص امشو ابروح البقاله
خالد روحو انتو بقعد هنيه مابي اطلع مالي خلق
رائد:طيب تبي شي حمضيات لوزين اي شي
خالد:شايفني رايح المدرسه اتفسح بلوزين اقول جب لي ريتا
حمد:شفيه اللوزين ولله طعم وبعدين من متى تحب الريتا كنت تنقد على الي يشربونه شحببك فيه
كمال :ايه صح ليه؟
عبدالله بهمس:شكلها حبيبة القلب
ماسمعوه العيال ونطق خالد:ياربي صبرك ماعد ابي شي اذلفو خلوني وحدي
رائد:خلاص خلاص بنجيبلك
مشو العيال وجلس خالد على عتبت الباب وجلس يهوجس بمحبوته ونطق:لازم اخطبها مارح اقعد على ذا الحال
تنهد خالد وكمل كلامه:بس اخاف ترفضني
تنهد خالد تنهيده طويله
"عند غرام"
كانت غرام جالسه تمشي ولمحت خالد عند عتبه الباب جالس وتوترت وكانت بتمشي بس وقفت وضلت تطالع فيه وسرحت فيه كانت عيونه حاده ورموشه كثيفه وانفه مسلول كالسيف وحواجبه كثيفه ومجروحه جرح ما ينبت فيه شعر بس بالنسبه لها زادت جماله كان جميل بمعنى الكلمه ماتوصفه مجرد كلمات سرحت غرام فيه ونطقت: ولله انك جبت راسي ياولد مصعب
ابتسمت غرام وحاولت تخفي ابتسامتها وتكمل
لمحها خالد وفرح وحس كان الحياه رجعت له وحاول يخفي ابتسامته
تقدمت غرام ونطقت :السلام عليكم
خالد وهو يخفي فرحه: وعليكم السلام
غرام:ممكن امر
قام خالد وابتعد عن الباب:ايه معليش تفضلي
مشت غرام لداخل وهي فرحانه ودخلت وعلقت عباتها وشغلت المكيف وجلست عالتسريحه ونطقت:زمان كنت اشوفه حلو بس الحين كبر وصار احلى بنهارر ماشاء الله عليه
ضلت غرام جالسه تهوجس فيه وبشكله وهي فرحانه
"عند خالد"
اول ما شاف غرام دخلت ابتسم وجلس وهو فرحان لان شاف وجهها اقرب لان بذيك اليله شافها من بعيد ولما قرب ما انتبه لوجهها من كثر ما كان مربوك  ونطق :

"العيون وساع والرمش معكوف
والخد مثل البدر في ليلة تمامه"

ضحك خالد بسعاده وقام ودخل الغرفه وجلس على سريره يهوجس بها وهو فرحان ومبتسم
"عند البنات"
نهى:بنات بصراحه شاكه ان غرام تحب اخوي
جنى:لا ويننن
بثينه:الى حتنى حسيت انتو ماشفتو امس مدري قبل امس بالسياره تذكرون بنات صح؟
شوق:ايي لما قالها لبيه وابشري ومدري وش انصدمت حسيت يحبها مدري ليه
ريهام:لا ما احس قبل كانو قبل ما يطالعون بوجيه بعض حتى او يتكلمون مع بعض مستحيل
نهى:حتنى بالبدايه قلت كذا بس فيه مواقف اثبتت لي العكس بس بالنهايه الموضوع شكوك يمكن حنا غلطانين ماندري
نجلاء:اي لاتسيئو الضن يمكن مافيه شي مسكينه نضلمها
دخلت هدى ونطقت:يلا يلا يا بنات اذن الظهر اك
امشو ورانا غدا تاخرنا
شوق:عمتيي تدرين انك افضل عمه صح؟
هدى:شغل المصلحه خليه بعدين امشو
نهى بحلطمه:طيب طيب اصبري نلبس
لبسو البنات وخرجو
اشواق:يلا يلا مشينا
طلعو من بيت نجلاء ومشو ودخلو البيت
جبر وهو طالع من المطبخ:ياهلا ومرحبا نور البيت بجيتكم
هنوف:السموحه يابو سعود ما جهز الغدا للحين
اشواق:اي ولله السموحه
جبر:شفيكم انتو مستعجلين عادي توه الناس
هيله: اي ولله شفيكم عموما انا بروح اخمد لين ما يجهز الغدا مع السلامه
الكل:مع السلامه
خرجت هيله اما جبر راح يصحي العيال يصلون
والحريم راحو يصلون ودخلو البنات على غرام
غرام:ياهلا
شوق:فاتك سوالف وفعاليات
نهى:كذابه سوالفنا كانت بيض ولا سوينا شي مو مهم يلا امشي بنصلي لاتهاوشنا جدتي
غرام:يلا يلا
مشو البنات يصلون
"بعد فتره تحديدا الساعه 5:8 العصر عند الرجال"
مصعب وهو يطالع العيال الي دخلو ومالحقو يسلمون حتى ونطق:ولله جيل هاليومين مامنهم فايده وطول وقتهم يتسربتون
طالع مصعب بخالد وكمل كلامه: وحتى الكويس فيهم صار مثلهم
سعود:اي ولله صدقت ياخوي
جبر:شفيكم انتو عليهم احفادي ماسوو شي غلط اعرفهم وبعدين ماخليتوهم يسلمون سلمو يا عيالي سلمو
العيال:السلام عليكم
الكل:وعليكم السلام
جلسو العيال وكملو الرجال سوالف
وكانو العيال يسولفون الا خالد كان محتار يكلم طده بانه يبي يخطب غرام ولا يخليه بوقت ثاني بس بنفس الوقت كان خايف يجي حد ياخذها قبله وماكان قادر يتحمل انه بس يفكر بانها بتكون مع غيره
قاطع افكاره جابر ونطق :مو ناوين تعرسون يا عيالي بعيدا عن تميم لانه عاده يدرس انتو يا البقيه جحوش وعادكم ما تزوجتو الي بعمركم معه ولد او ولدين
رائد:نفكر ان شاء الله بس مو ذحين يا عمي
حامد:الا ذحين ليه لا وانت بالذات ذحين بكلم امك تدورلك عروس ولا اشوفك تنطق بحرف
رائد:يبه!
جبر:حامد خلاص خل الولد هو لما يبي يتزوج يتزوج لو انه يبي يتزوج بعمر الاربعين خلوه حياته مو حياتكم اعتقوه
حامد:خلاص يا يبه خلاص بخليه
كان خالد سراحان ومو معهم كان يفكر هل يتكلم ولا لا بس بالنهايه تردد وشال الفكره من راسه ونطق:انا رايح ارقد صحوني المغرب مع السلامه
الكل :مع السلامه
خرج خالد مستعجل  ولمح غرام جالسه بالصاله هي والبنات وتضحك وسرح فيها بس حس على نفسه وكمل طريقه وشافوه البنات ونطقت نهى:خالد
تجاهلها خالد وكمل طريقه
نهى:وع شفيه ذا نفسيه
بثينه:خليك منه كملي
نهى:اي المهم قلت لها ...
____________________________________
بس اتمنى عجبكم ذا البارت تقدير لتعبي حطو نجمه و تعليق حلو زيكم❤️
الكاتبه/جوجو ال منصور
"ملاحضه"
جميع الاشعار في هذا البارت منقوله
(اعذروني على الاخطاء الاملائيه)