القلوب تعرف من حبها يا غرامي

الجزء 4

خالد وهو طالع العيال لحقوه
رائد:هي ولد تبي دخان؟
خالد:تعرف اني ما ادخن
رائد:جرب بتغير رايك
كمال:رائد ورع لا تجبره وبعدين انت رغم الكل مهزئك على سالفت التدخين لسا مستمر؟
رائد بضحكه:مستمر وبقوه
حمد:اسمعو نروح نفحط؟
كمال: قدام ليش لا
رائد : بسيارة مين ؟
خالد :خلوها بسيارتي
حمد:حلو بروح اجيب شماغي اتلثم
خالد:جيب حقي معك وحق كمال ورائد وعبدالله وتميم
حمد:تم
راح حمد ورجع بالاشمغه وتلثمو كلهم وتوجهو لسيارت خالد
رائد:يلا خالد انت الي سوق
خالد:لا ولله انتو الي بغيتو تفحطون انا بس عرضت عليكم سيارتي الي جاب الفكره هو الي يفحط بنا
كلهم طالعو بحمد وحمد توتر:هي هي صبر انا معرف افحط زين شرايك يا عبدالله انت تفحط فينا
عبدالله:نعم نعم  لا ولله تخسون تميم انت فحط بنا
كمال:لا ذا بزر وبعدين توه متعلم السواقه ياخوفي يقلب فينا
تميم بعصبيه:نعم انا اعرف اسوق مو عشاني صغير ما اعرف
خالد: يا الله خلاص انا بفحط فيكم اهجدو جبتولي صداع
رائد باستغراب:اوف انت تفحط مستحيل كيف ماقد فحطت
كمال:ورع لاتشوشه ويغير رايه ذحين خلوه هو يفحط بنا ودي اشوف تفحيطه ماقد شفته
عبدالله :اووههه مره من المرات فحط فيني بغيت استفرغ يلف يمين ويسار وورا وقدام بس بصراحه عليه تفحيططط
تميم:ابك ليش فحط بك وانا لا
عبدالله وهو مستقصد ينرفز تميم:اهجد يا البزر لاتبكي علينا
تميم بعصبيه :انا بزر؟هههه اوريك ذحين من البزر
بداء تميم يركض ورا عبدالله وكان سريع لدرجه عبدالله ماقدر يستوعب وطاح على التراب
رائد وهو يضحك:ابك ذا طاح
خالد:يستاهل يعرف ان تميم يعصب اذا حد قال عنه بزر صح تميم هادي بس عصبي
حمد وهو يضحك ويطالع بخالد :ابك رح افزع له
خالد:اسكت خلني اشوف وش بيسوي تميم
"عند عبدالله وتميم"
تميم بعصبيه وهو متوجهه لعبدالله الطايح ويحاول يقوم دفه تميم للتراب مره ثانيه ومسك راسه من ورا وبدا يغرس راسه بالتراب
عبدالله:امم احح كهحح
تميم وهو يرفع راس عبدالله ويبعد عنه :ها مين البزر؟
عصب عبدالله وبدا يلحق تميم لين وصلو عند العيال من جديد بداء تميم يتخبى ورا خالد وعبدالله يلحق وراه الين ما عصب خالد وانتبهو له حمد ورائد وكمال وقمطو وقررو يبعدون عنهم شوي اما تميم وعبدالله مو منتبهين للقنبله الموقوته الي بينهم والي باي لحضه مستعده تنفجر
خالد بعصبيه وهو يصارخ:ورع انت وياه اقسم بمن احل القسم لو ما وخرتو عني ولله لا تسمعون ثلاث اسئله
تميم قمط ام العافيه وبعد عن خالد شويه اما عبداله برضو قمط ووخر اما العيال وراهم بشويه فاطسين ضحك على شكل عبدالله وتميم وانتبه لهم خالد واعطاهم نظرات حاده وانتبهو له وقمطو
حمد وهو يغير الجو:يا عيال شرايكم نركب ماله داعي العصبيه خلوكم حبايب
خالد :امشو انا بسوق
تميم :انا بركب ورا سمعت انه اذا صار حوادث الي ورا يكونون محميين
خالد:من وين جبت ذي المعلومه وهل فيه مصدر موثوق
تميم :لا جبتها من عندي عندك شي؟
خالد :لا يلا انقلع ورا
تميم:ماله داعي الشتم ترا انا مسيكين حالي حال نفسي بس بغيت اقولكم معلومه بسيطه
عبدالله:شفيك انت ما تقدر اراء الاخرين يا خالد؟
خالد:صدق ما استهبل لو ماسكت انت والدرج الي جنبك لا ابرك عليكم
عبدالله:ابشر من عيوني هذي قبل عيوني هذي
خالد :شوفو من ذحين عبدالله ابيه جنبي يعرف يعزز اما البقيه اذلفو ورا
كمال: وش ذي العنصريه كلنا نعرف نعزز ولا عشانه اخوك
عبدالله:ايه عشاني اخوه شعندك؟
خالد:ياليللل خلاص سرا اليل وحنى ما سرينا ترا لو ما ركبتو برجع المخيم ارقد احسن لي
حمد وهو يتلثم :خلاص خلاص اركبو
تلثمو كلهم وركبو وبداء خالد يفحط ويسرع اكثر
عبدالله وهو يمسك بيد المقعد واليد الثانيه اللثمه من السرعه:ابك خالد هد هد تكفى بطرش وربي
تميم وهو يتمسك بمقعده ويتشهد اما حمد متمسك برائد الي جنبه ويصرخ على خالد يهدي السرعه اما رائد متمسك بكمال وكمال متمسك برائد ويتوعدون بخالد اما خالد ما درا عنهم وقرر انه يبداء بحركته الغير متوقعه قرر يلف بالسياره وضل يلف فيها
تميم وهو متمسك بالمقعد وشماغه طايح عند رجلينه:خالد تكفى الله يخليك وراي جامعه وحياه تكفى هد
تجاهله خالد وبداء يفحط علي سيده الين وصل عند تل صغير وهداء السرعه ولف عيونه يطالع بعبدالله الي متمسك بالكرسي وماسك الشباك يتشهد ولف يطالع بالي ورا ولقى تميم اغمى عليه وكمال ورائد حاضنين بعض من الخوف وحمد متمسك بثوب رائد من ورا وماسك المقعد من تحت بداء خالد يضحك على حالهم ووقف السياره وطلع طلعو كلهم وخلو تميم مغمى عليه لانهم ما انتبهو له اصلا كانو بس يبون يخرجون واول ما طلعو طلع حمد وانسدح على الارض ام كمال استند بالسياره وهو بتنفس بسرعه اما رائد راح عند خالد يسب فيه اما عبدالله واقف بمحله مو مستوعب الي صار
كمال وهو انتبه ان تميم ماطلع معهم وفتح باب السياره لقاه مغمى عليه وصرخ للعيال:هيييي عبدالله خالددد اخوكم ودع الملاعببب
خالد وعبدالله انتبهو وجو عندها وطلعو تميم وخالد صفقه كفين باقوى ما عنده صحى تميم وهو ماسك خده متالم:اححح من سطرني؟
عبدالله وهو يضحك على ردة فعل تميم:خالد سطرك تستاهل
تميم وهو يطالع بعبدالله واستوعب الي صار وقام نفظ ملابسه وطالع بخالد:هييي ياحيوان قاعدين نترجاك توقف ماتوقف ياكلب؟
خالد:كويس عادك عايش يلا اركبو خلونا نرجع
رائد:علي الطلاق ماتسوق ترا خايف على حياتي
كمال:مو بس انت كلنا خايفين علي حياتنا خلاص خالد اجلس جنمب رائد وحنى بنرجع ورا
حمد:حلو خلاص يلا اركبو
بالفعل كلهم ركبو ووصلو لين المخيم ونزلو الا يلقون جدهم وابأهم كلهم واقفين يتحروهم ومعصبين
عبدالله بهمس للعيال:ابك اشفيهم واقفين تسذا ومعصبين شعندهم وش مسوين حنى؟
تميم بهمس:الله واعلم واضح فيه شي
حمد بهمس:وش سوينا هم ما يدرون اننا فحطنا حنى اصلا فحطنا بعيد شويه
رائد بهمس: اي فحطنا بعيد بس مو مره يمكن انتبهو من التراب الي ملا الجو وصراخنا
خالد تنهد تنهيده طويله ونطق:هلا تامرون بشي شفيكم واقفين كذا
جد جبر تقدم لين عند العيال وهو ماسك عصاته يستند فيها: .......
__________________________________

وبس اتمنى البارت ذا عجبكم وادري انه مرا قصير واني طولت في التنزيل بس صارت لي شويت ضروف وان شاء الله مارح اتاخر مره ثانيه والتكمله بتنزل اليوم او بكره مارح تتاخر ان شاء الله وبس باي🥹🫶🏻
الكاتبه:جوجو ال منصور
(اعذروني على الاخطاء الاملائيه)