القلوب تعرف من حبها يا غرامي

جزء 27

كملو مشي الين دخلو بيت ام شموخ المليان بالحريم والاطفال بالحوش
هيله:الله يديم هالفرحه
الكل:امين
طله:يامرحبا بكم يا ال جبر تفضلو البيت بيتكم حياكم
شموخ توجهت للبنات ونطقت:الك شذي الصحون
نوف:نوزع عالبزارين وكذا
شموخ:اجل تعالو كل البنات داخل قاعدين نتصور بعدين بنطلع نوزع
غرام:اك يلا
دخلو البنات الغرفه وجلسو ونطق اصايل:بنات تكفون شذا الزين كل ما جت وحده انبهر اكثر
ليلى:خلوكم من المديح نتصور اول ولا نوزع اول؟
نجلاء:نتصور طبعا
جنى:نتصور بجوالي تصويره حلو
ريهام:حلو يلا
تجمعو البنات عند المرايا
غرام:شسوي من وضعيه معرف
اصايل:سوي حبتين
طالعت فيهم نهى ونطقت:وش الي حبتين سوي مثلا لايك بيدك وحطي بنص وجهك ولا اي حركه اما حبتين ذي خليها لما تصورين وحدك
اصايل:اف هدي تراها وضعيه لا اكثر ولا اقل
جنى:يلا بصور
تجمعو البنات وكل وحده سوت وضعيه مختلفه غرام سوت حبتين عند عينها وطلعت لسانها واصايل سوت قلب بيدها اما نهى تخصرت وابتسمت وليلى نفسها اما بثينه ونوف سوو قلب بيدينهم لبعض ونجلاء حضنت شموخ وشوق سوت حبتين بيدينها الثنين وجنى حطت يدينها على خدها وغمزت
نوف :ها صور ؟
جنى:يب
نوف:وريناا
تجمعو البنات عند جوال جنى
غرام:يع شموخ ونجلاء خلصت الوضعيات عشان تحضنون بعض؟
شموخ:اهم شي وضعيه وبعدين الصوره مو بطالها ارسلوها لي بحطها ستوري
غرام:ارسليها لنا كلنا
جنى:اك ابون نصور زياده ولا نوزع؟
شوق:امشو نوزع ونتصور برا
غرام:نلبس العبي ولا يكفي الشال ؟
نهى:احس يكفي الشال عساس احنا الي نتغطا كل وحده طرحتها براسها والشعر خارج
اصايل:مانقدر غير نقول الله يهدينا ادعو لبعض بالهدايه
البنات بصوت واحد :الله يهدينا
نوف:خلاص بنات عساس امهاتنا ما تغطو الا يوم تزوجو
اصايل:اقفلو السيره خلاص امشو نوزع سرا اليل واحنا ما سرينا
طلعو البنات من البيت ومعاهم كم بنت من بنات الحريم

"تعريف سريع"
_________
الاولى اسمها:زكيه
العمر:23
الثانيه: نوره
العمر 26
الثالثه:بشرى
العمر:25
________
اصايل:خلونا نتقسم مجموعات حنا كثار وسلاتنا كثير نتقسم مجموعات بالحي احسن
زكيه:ايه احسن واحنا ما شاء الله تقريبا 14
غرام:تمام نتقسم مجموعتين سبعه هنيك وسبعه هنيك
نوف:امم شرايكم انا وشوق ونجلاء وبثينه وليلى ونهى وجنى سوا وانتي وبشرى ونوره وزكيه واصايل وريهام وشموخ سوا حلو ؟
شموخ:اوك مو مهم اهم شي نرجع والسلل فاضيه
مشو البنات بمجموعات
غرام:انا واصايل وشموخ وبشرى بنروح عند هذوليك البزران وريهام ونوره وبشرى روحو عند ذوليك البنوتات الي جالسين سوا عطوهم
نوره:قدام يلا بنات
مشو ريهام ونوره وزكيه عند مجموعة البنات اما غرام واصايل وشموخ وبشرى عند مجموعة عيال صغار
شموخ: هلو تبون حلاو؟
الاولاد بصوت واحد:اي
شموخ :خذو من سلتي مره تهبل
اصايل مدت سلتها :حتنى حقتي فن خذو
بشرى مدت سلتها:اقول سيبوكم منهم وخذو من حقتي حلوياتي حلوه ترا
انلخمو الوراعان وطالعو فيهم من فوق وتحت وشردو
غرام:يويلي منكم شذا اذا كذا ما حد بيلمس من توزيعاتنا وعاد ماتشوفوهم ما يتعدون 5_6 سنوات وانتو منلمين عليهم اكيد بينخرشون اقول امشو وراي وانا بداء وانتو طبقو فعالي
مشو لعند بزران ثانين وكان فيه ولد صغير وتقريبا كان باين عليه ما يتعدى خمس سنوات و لابس ثوب وشماغ وعقال وبيده مصاصه وماسك يد بنت مسويه شعرها قرنينين ولابسه قميص روز وبيدها كيس حلويات تقدمت لعندهم غرام ونزلت لمستواهم ونطقت:السلام عليكم
الولد:وعليكم السلام
غرام:تبي حلاو
الولد بحماس:اي
اخذ الولد حلاو ونطقت غرام :ياحلوه تبين؟
الولد:جوري خذي ترا محد بيعطيك بعدين
البنت:طيب طيب
زكيه:معليش على اللقافه بس البنت وش تقرب لك؟
الولد:اختي بالرضاعه
البنت:مازن شوف اخذ فراوله ولا تفاح
الولد:فراوله لاني اخذت تفاح لاتقلديني طيب؟
البنت:انطم
بشرى:لا يا حبايبي ما ينفع انتو اخوان
الولد :كلي**
اصايل:اقول كل**انت يا كل*ب يا ح*يوان
وسحبت اصايل منه الحلاو وحطتها بالسله وبداء الولد يبكي وطالعت فيها غرام من فوق لتحت وخذت السله منها ولفت عيونها للورعان ونطقت:خلاص خذ ثنتين تفاح وفروله وهي نفسك تفاح وفروله كذا تعادلتو
البنت:تمام
عطتهم غرام ومشو ونطقت:يا حيـ*وانا*ت ماتفهمون؟ تعاملو بلطف شفيكم؟
شموخ: رورو ترا واضح عليهم قليلين حيا ما يستحون
اصايل:يستاهلون ولله وبعدين لاتسبين
غرام:ياليل خلاص خلونا نفترق احسن اذا قعدنا سوا بيرتفع ضغطي وما بتخلص توزيعاتنا
شموخ:تصدقون صادقه خل نفترق احسن وكل وحده معها سلتها اذا قعدنا سوا وتهاوشت وحده منا مع البزارين ماعد بياخذون من البقيه اذا افترقنا هي وحدها بتبتلش
اصايل:اوك
غرام :شوفو ريهام ونوره وزكيه كتاكيت اما حنا نهاوش بالبزارين
اصايل:غرام خلاص لاتتحلطمين اتفقنا اننا نفترق خلاص انا بروح
مشت اصايل شمال وشموخ راحت قدام اما غرام مشت يمين اما بشرى مشت لعند ريهام ونوره وزكيه توزع معهم
*عند اصايل*
مشت اصايل وهي تتحلطم ومعصبه بس فجاء لانت ملامحها من لمحت ولد عمها الي جا وطلبها بس ما عطته رد للحين بالبقاله الي قدامها
ـــــــــــــــــ
تعريف بسيط
ولد عم اصايل:غازي
العمر:26
عسكري
ـــــــــــــــــ
نزلت اصايل راسها وحمر وجهها ما تدري ليه بس رفعت راسها تدور مكان تهرب له ولفت راسها يمين وشمال تدور بس ما تدري ليه حطت عيونها على البقاله وكان غازي يطالعها رجف قلب اصايل واول فكره جات ببالها"سوي نفسك عادي وامشي من هنا"
طبقت اصايل الي ببالها ومشت لعند اطفال ولمحتهم ونطقت:تبون حلاو
البنت:اي
اصايل:خذو
"عند غازي"
رجف قلب غازي وفتن بمظهرها وجمالها وما كان بباله غير هذي الجمله"عساها توافق وتصير حلالي" ابتسم غازي من شاف ملامح الحيا على وجهها وانها صدت وراحت عند الاطفال نزل غازي انظاره لراعي البقاله:يا محمد خل الاسكريم عندك شوي هالحين بجي
راعي البقاله:طيب بابا روح روح
طلع غازي من البقاله يلحق اصايل الي كانت تمشي وحاسه بوجود احد يمشي وراها كانت متوتره وعارفه انه غازي ووقفت فجاء بنص الطريق ولفت ونطقت:خير شتبي ؟
ابتسم غازي ونطق:ابيك اقبليني يا اصايل ولله اني احبك وابيك بالحلال اقبلي بي ولاتكسرين قلبي
رجف قلب اصايل وبدت تحس بفراشات بصدرها واستحت واحمر وجهها ونزلت انظارها للارض ونطقت:بيجيك الرد يا غازي اصبر
غازي:طيب قولي لي موافقه ولا لا ريحي قلبي
اصايل:غازي اقولك بتعرف الرد قريب خلاص  لا يشوفنا احد يا غازي كفايه
مشت اصايل وهي ميته فرح ودخلت بيت شموخ وتركت التوزيعات الي اصلا ما خلصت ربعها وجلست جنب امها وهي ميته فرح
نعيمه:شفيك تتبوسمين شعندك
اصايل:ولا شي
نعيمه:ايه صح معي لس موضوع بالبيت
اصايل:طيب يا يمه
ضلت اصايل تفكر بغازي لين لمحت نهى وبثينه وشوق ونجلاء ونوف وليلى وجنى
ليلى:جو البنات
اصايل :لا اقلطو خلونا نسولف لين يجون
"عند شموخ"
مشت شموخ ووزعت للورعان لين خلصت سلتها ومشت ولمحت البنات نوره وريهام وبشرى وزكيه
نوره:وين اصايل وغرام؟
شموخ وهي تاشر على الشمال واليمين : غرام راحت مناك واصول مناك
بشرى:خلونا ندور على البنات
زكيه:دورو عليهم انا برجع تعبانه حيل
ريهام:اوك باي
زكيه:باي
مشت زكيه وضلو ريهام وشموخ ونوره وبشرى
نوره:ندور عليهم ولا لا
ريهام:احس نرجع وهم لو ما لقونا بيرجعون
شموخ:اي بنات خلونا نرجع لاني صدق صدق تعبت
مشو متوجهين لبيت شموخ ودخلو ولقو البنات يسولفون
شموخ:احنا برى وانتو هنيه
شوق:خلي عنك وين غرام؟
ريهام:ماجت ؟
بثينه:يويلي وينهي هالبنيه ؟؟
نجلاء:بنات هدو الوضع شوي ترا عمرها بالعشرين مو سبع ولا خمس وتعرف الدرب اهدو ولو ما رجعت علمو اهلكم
جنى بتوتر:بنات ترا صدق خايفه عليها الموضوع ما ينمزح فيه تخيلو لو قابلت مجنون الحاره
نوف:ترا مجنون الحاره الخبل ذا ما يطلع الا باليل وبعدين هالفتره ماعد شفته وفيه ناس يقولون شل قشه وطلع من الحاره
نهى:كويس عساه صدق
اصايل:خلاص بنات اجلسو واشربو شاهي وقهوه 
جلسو البنات وقعدو يسولفون رغم انهم شوي مو متطمنين على عدم رجوع غرام
"عند غرام"
خلصت سلة غرام ومشت لبيت شموخ ودخلت الحوش الي كان فيه اطفال يلعبون ورمت السله وطلعت وجلست على عتبة الباب تهوجس وتنهدت ونطقت بحزن:اخخ يا يمه ويبه مرت 18 سنه كيفكم ؟ عساكم طيبين؟ اشتقت لكم حيل ضلت ساكته لدقايق و نطقت بصوت مهزوز:
ياسعود خاطري ضايق يا سعود
كانت عيون غرام حمراء وكانت على وشك ان دموعها تنزل بس حطت غرام يدها على عيونها تمنع نزول دموعها ونزلت يدها وراسها ونطقت بصوت مهزوز: ماني قادره انسى
سكتت شوي وكملت تنطق بصوت مهزوز اكثر من قبل: لاني الي قادره انسى موتكم ولاني قادره انسى الحادث بحد ذاته  ولا قهري منهم
بدت غرام تذرف دموعها بدون لا تحس ومسحتها وقامت تدخل ونطقت:يارب ماحد شافني بس ما كانت تدري بوجود خالـد الي كان مستند على جدار خلفها وسمع كل كلمه قالتها وكان كل حرف تقوله يحرقه اكثر واكثر جات كثير ابيات براسه بس تجاهلها ومشى للعيال وهو ضايق
"عند غرام"
دخلت بعد ما مسحت دموعها ونطقت:هاي بنات
شموخ:اخيرا جيتي طيحتي قلوبنااا
غرام وهي تضحك:ابك طلعتو تحبوني وما تتحملون فرقاي 
اصايل:اقول اجلسي بس نبي نسولف شويات وودي اقولكم بشي بخاطري بس وعد كلامي ما يطلع
نجلاء:ومن متى احنا نطلع كلامك ها ؟
اصايل:افف بنات خلوني اهرج
شوق:اهرجي محد قفل فمس
اصايل:طيب بنات بصراحه فيه واحد تقدم لي
ليلى:هذي الساعه المباركه ولد من؟
اصايل:ولد عمي حسين
شموخ بصدمه:اي واحد سعد ولا غازي؟!
اصايل وهي تكتم دموعها:غازي
غرام:شفيس زعلانه مو انتي تحبينه؟
اصايل:اي احبه
نوف:اجل وافقي وش وراك ؟
بثينه:لاتقولين لي بترفضين
سكتت اصايل ونطقت بثينه:يادلخه ولله ان رفضتي لا اهفك بالسله هالحين وبعدين فرصه وجات لك جا طلب يدك يا الخبله مو انتي هذا الي تبينه لو رفضتي بيدور غيرك فا وافقي بلا تياسه
اصايل:بوافق بوافق بس خايفه من المستقبل
غرام:وافقي على ضمانتي تراه رجال والنعم فيه لاتضيعيه من يدك ترا الكل يشهد على طيبته وشهامته
ريهام:ايه ايه تكفون اقنعوها صجتنا
جنى:اي ولله صجتنا اوافق ولا لا
ليلى:وافقي يا بنت الحلال وخلي الباقي على ربك
اصايل:يعني ارد اليوم؟
نهى:ايه وش وراك عطيهم الرد اليوم
اصايل:اوكي خلاص سيبوكم من ذا الموضوع خلونا نسولف بشي ثاني
"الساعه3:6 العصر"
اشواق:نروح ؟
هدى:ايه ايه  اساسا الناس بدو يروحون
هيله:اجل سرينا
خلود:بروح انادي البنات
مشت خلود تنادي البنات ودخلت ونطق:يا بنات امشو يلا سرينا
شموخ:ليههه
خلود:خلاص كفايه اصلا نجلاء قدها راحت واحنا ورانا حياه
نهى:يلا يلا سرينا
لبسو عباياتهم وطلعو يمشون للبيت
دخلو البيت ومشت غرام للغرفه علطول وشالت الشال وانسدحت على السرير
نهى وهي داخله:شفيس؟
غرام:ولا شي
نهى وهي تجلس على سرير غرام وتتربع:حبيبتي كذباتك ذي ما تمشي علي شفيك ماتبين تقولين لي مو انا بير اسرارك ولا لقيتي غيري؟
ضحكت غرام وقامت وتربعت:لا مستحيل ابدلك بشخص ثاني بس صدق مافيني شي
نهى:غراموه اهرجي لا اخليك تهرجين بالغصب
غرام بحلطمه:اففف منك يا نهى
كملت غرام كلامها :مافيني شي بس احسني ضايقه شوي عادي
نهى:ووش الي مخليك تضيقين؟
سكتت غرام ما كان عندها الشجاعه تقول سبب ضيقتها لان الكل يحسبها تخطت الموضوع بس الواقع هو انها ما تخطت ،
نهى كانت عارفه سبب ضيقتها بس تبيها هي بنفسها تتكلم بس من صمتها عرفت ان غرام مارح تتكلم ومستحيل تقول لها شي او حتى تبكي عشان تخفف على نفسها
حضنت نهى غرام بدون تردد وبدت تربت على ضهرها ونطقت: اذا كنتي ضايقه ترا عادي لو تبكين ترا بالنهايه انتي بشر
كان ود غرام تبكي ودها بس كبريائها مانعها انها تبكي قدام اي شخص بعد امها وابوها 
طولت نهى وهي حاضنه غرام ونطقت غرام:نوني خلاص مافيني شي هدي
تركت نهى غرام ونطقت:ادري انك تكذبين بس بمشيها
سكتت نهى لثواني وكملت كلامها:شرايك نروح لنياق جدي ترا مو بعيده
غرام:تمام
نهى:رتبي شعرك والبسي شالك وجيبي جوالك عندي افكار تصوير كثيره
غرام :طيب طيب
طلعت نهى اما غرام مشت للتسريحه وسحبت المشط ومشطت شعرها الاسود الطويل وخلته منسدل على ضهرها وعدلت غرتها وحطت الشال ولبست احدى صنادلها(اكرمكم الله) وشالت جوالها وطلعت
نهى:يلا اعجلي
غرام:طيب طيب اصبري بعدل غرتي
نهى: اعجلي لاننا رايحين بالدسه ماحد يدري
طالعت فيها وغرام ونطقت:تعرفين الدرب؟
نهى: ايه ايه من ورا البيت هنيك عند ذيك الارض
غرام :ذاك المكان الي كانو يلعبون به العيال كوره!
نهى:عليك نور
غرام:اوف من ملعب كوره لمزرعة نياق
نهى:ايه ولا فيه زي الخيمه يقعدون العيال فيها احيانن ويسهرون حضهم صدق واحنا ما درينا انه جابهم الا قريب
غرام:لا اكيد الكل يعرف بس احنا ما نعرف لان اذكر قال شرا نياق بس ما جابهم وقريب قد جابهم بس ماحد قالنا
نهى:كش عليهم اقول امشي بس
مشو للمزرعه الي ورا البيت الين وصلو عند النياق ونطقت غرام بابتسامه:يازينهم زيناه
نهى:اي ولله
غرام :بروح لهم
نهى:ورعه اقول اركدي تخيلي لو تبرك عليك اقول اجلسي هنيه شوفتهم من بعيد تكفي وتوفي
غرام وهي تحاول تخلي نهى تحزن عليها وتوافق:نوني تكفين عشاني عشان خاطري الضايق
نهى:ضفي وجهك انتي وخاطرك الضايق وامشي
غرام:وهه ولعنه شذا مابك رحمه
نهى وهي تدف غرام:ايه ايه مافيني رحمه امشي
غرام:طيب طيب لاتدفين
مشو نهى وغرام لداخل ودخلت نهى مجلس الحريم اما  غرام جلست تفكر بالنياق ونطقت:ولله لا اروح وامسكهم وما اكون بنت سليمان ومشاعل اذا ما مسكتهم وشفتهم على قريب 
قامت غرام ولبست صندلها(اكرمكم الله) واخذت جوالها وطلعت متوجهه للمزرعه ووصلت وقربت من عندهم شوي ومدت يدها لوحده من الناقات
ومسحت عليها وابتسمت وابتعدت عنهم ولفت وجهها لليمين وكان هناك زي البيت  الصغير كان فيه علف و سطول وتقدمت لين عنده تبي تشوف وفتحت الباب وناظرت بانحاء الغرفه
"عند خالد"
كان خالد جالس يهوجس لين قطع كمال هواجيسه ونطق:شفيك يا ولد العم؟
خالد:ها لا ولا شي
رائد:خالد بالله رخ عند النياق وشوف احوالهم بدالي
حمد:ورع اليوم دورك لا ترميها علينا
خالد:خلاص خلاص بروح اصلا ودي اغير جو احسني مكتوم وضايق
رائد:تمام يا ولد العم عطها معك فره بالحاره وبترجع زي الفل
ضحك خالد وطلع
مشى خالد لورا البيت متوجهه للمزرعه ووصل عند النياق وابتسم وقرب منهم ولفت احدا النياق عليه وكانها تحضنه وعرف خالد انها ناقته الي يحبها"وضحه"  نطق خالد من عرف انها هي:هلابك يا وضحه شعلومك
مسح خالد عليها ومشى لعند العلف واخذ منها وعطى النياق تاكل وبعد عنهم ومشى لعند البيت الصغير ودخله وانسدح فوق العلف وغفى 
"عند غرام"
فتحت الباب وناظرت في انحاء الغرفه ولاحضت وجود شخص وخافت وكان في بالها انه حرامي فا ابتعدت عن البيت الصغير بهدوء وبدات تدور على عصا بس لقت زي الغصن القاسي وكان متوسط الطول وشالته واقتربت مره ثانيه وهي ممسكه بالغصن ومستعده تضربه باي لحضه اقتربت اكثر وهي رافعه الغصن بس انصعقت من شافت وجه خالد وعلقت على وضعيتها وفتح خالد عيونه يشوفها وكان متوقعه حلم فا فرك عيونه بيدينه ورجع فتح عيونه وتوسعت بصدمه ونطق :غـ غرام؟!
تجمد دم غرام وطاح الغصن من يدها ونزلت يدينها تشبكهم ببعض ونزلت راسها بفشله وحيا
كان خالد مصدوم ومو قادر يستوعب وش السالفه وليه كانت بتضربه وايش جابها اصلا بس نسى كل هذي الافكار من ركز عليها وشاف جمالها الفاتن العيون الحاده الواسعه وغمازاتها وانفها وشعرها الاسود الطويل وغرتها وملابسها الي خذت عقله حرفيا كل شي فيها فتنه ،
استغربت غرام صمت خالد ورفعت عيونها لعيونه الي كانت تطالعها بهيام استغربت نظراته بشده واستحت زياده ونطقت:لا تفهمني غلط ما كان قصدي اضربك
صحى خالد من تكلمت ونطق:اشرحي لي كل شي
شرحت له غرام كل شي وضحك خالد وتفشلت غرام ولاحظ خالد احراجها وكتم ضحكته ونطق:روحي ارجعي يا بنت سليمان
مشت غرام مستعجله وجلس خالد وما مرت ثواني الى
وجاء فجاء اشعار بجواله وسحب جواله من جيبه وشاف ان نهى مرسله له رساله
محتوى الرساله:بالله خويلد روح جيب من البقاله 6 تاكيز و 4 حمضيات و 2 ريتا تكفى تكفى
وبداء خالد يكتب وارسل :لا مو فاضي لك
نهى:خالد تكفى
خالد: وين تميم وعبدالله ؟
نهى:عبدالله نايم وتميم عند ابوي قاعد يعطيه محاضره لانه سرق السياره بدون ما يدري ابوي و صدم فيها
خالد:ياليل ذا الورع كل ما زانت الجلسه سرقها وصدم  بس هالمره بايش صدم؟
نهى: صدم زباله (اكرمكم الله)
خالد:يلا بشتري لك من البقاله وبروح اتشمت فيه مع السلامه
نهى:مع السلامه
طفى خالد الجوال ورفع عيونه للمكان وقام ومشى للبيت ودخل الحوش وشاف غرام وعبد الرحمن واقفين يسولفون وقرب منهم   ونطق:تجون معي البقاله نهى ارسلت طلبات
غرام:بـ
خالد:يلا روحي البسي عباتك ولا تصدقين شالك يكفيك تحجبي فيه وملابسك ساتره يلا 
مشى خالد لعند البيت وركب سيارته ولحقوه غرام وعبدالرحمن الي ماهم مستوعبين شي اصلا وركبت غرام ورا  وعبدالرحمن قدام حرك خالد وكان طول الطريق صمت وعبدالرحمن على جواله يسولف مع سعد اما غرام تهوجس ومتوتره ومستحيه اما خالد فرحان والدنيا ما توسعه،
مد خالد يده للمسجل وشغل احدى الاغاني وكان متقصد يشغلها هي بالذات وبداء يتمتم بكلمات الاغنيه:
" عذبيني جننيني
ماعليه غربليني
اذبحيني يا بدويه
اموت بطبع البداوه
و الصخاوه وين عهدك
يا صبيه"

كانت ذي وحده من الاغاني الي تحبها غرام وبدت تهز راسها يمين وشمال بخفيف ويدها برضو لاحظ خالد انطراب غرام وفرح لفرحها وانه غير مودها ولو شويه وقف خالد عند البقاله ونطق:انزلو
نزل عبدالرحمن وغرام ودخلو البقاله ودخل وراهم خالد ونطق:غرام
لفت غرام ونطقت:هلا
خالد:شسمه نهى تبي  6 تاكيز و 4 حمضيات و 2 ريتا جيبيها لها الله لا يهينك
غرام:تمام
مشت غرام تشتري كل الي قاله خالد اما عبدالرحمن شرا بطاطس واحد وتوجهو اثنينهم لعند الكاشير
راعي البقاله:سعر هذا كلو 104
دفع خالد ومشى للسياره ومشو عبدالرحمن وغرام وراه وركبو وحرك خالد وكانو طول الطريق صمت الين وقف خالد ونطق:وصلنا
نزلت غرام ودخلت بسرعه ونطق عبدالرحمن:متقصد الاغنيه صح؟
خالد:ايه شعندك يا الورع؟
عبدالرحمن:ولا شي يلا مع السلامه
نزل عبدالرحمن وكان بيدخل بس لف ونطق الله يوفقكم ابتسم خالد ودخل عبدالرحمن ورا غرام
____________________________________
معليش على السحبه بس صدق فقدت الشغف بس ان شاء الله برجع وبقوه وخليت البارت طويل قد ما اقدر رغم انه يعتبر قصير بس اتمنى بكل صدق انه يعجبكم  وتقديرا لتعبي حطو نجمه🌟
عموما شرايكم بذكاء عبدالرحمن؟ بسرعه قفطه
وتتوقعون من مين غرام مقهوره؟
بتعرفون قريب ان شاء الله
الكاتبه/جوجو ال منصور
(اعذروني على الاخطاء الاملائيه)