القلوب تعرف من حبها يا غرامي

جزء 26

وبدت تتقلب بفرح لدقايق لين دخلت نهى ونطقت:شفيه الحلو فرحان؟
غرام:ما افرح يعني؟
  نهى:لا بس يعني وضعك غريب واي صح كنتي بالمطبخ لما جا خالد صح ؟
غرام: اي شفيه
نهى جلست على سرير غرام وابتسمت:قابلتيه صح؟ وش قلتي له؟ووش سولفتو به ؟
غرام كشر وجهها وضربت غرام نهى على راسها بخفه ونطقت:ياشينك لا تلقفتي ياشينك
تحمست نهى وعلت صوتها:تكفينننن اكيد صار شي قلي لي
غرام قرصت يد نهى ونطقت:انخرسي لا ابرك عليك هالحين
نهى وهي تحط يدها على فمها:طيب ولا يهمك يا العروس
توسعت عيون غرام واستحت وضربت نهى على ضهرها وبداو يركضون نهى تحاول تبعد عن غرام وغرام تحاول تقرب من نهى عشان تعطيها كف وكانو يضحكون ووصلو للحوش وكان الحوش بوه رائد و الجد جبر وكمال
وكانو يركضوم ونهى ماكانت منتبهه للجسم الضخم الي امامها وصقعت به وطاحت على الارض ولف بفجعه اما هي كانت مغمضه عيونها متالمه ونطقت بصوت عالي:وش جاب جدار بنص الحوشش
وفتحت عيونها وهي متالمه الا ان صعقت بوجه رائد الي كاتم ضحكته ومعصب بنفس الوقت من وصفها له ولوجه كمال المصدوم بس كان فارط ضحك ام الجد الي وجهه جامد بس كان وده يضحك وهدى متفشله من بنتها ونطقت بداخلها :الله يصبرني، الله يأجرني على بنتي الي تجبلي مصايب لا ولله ان هي المصيبه اخخ
تداركو شوق و غرام الوضع وسحبو نهى لداخل وسكرو الباب ونطقت شوق:اعذروها ما رقدت فعال الخلق هههه هه
غرام :اي اي صارت مصدعه من كثر قلت  التوزيعات الي سوتها اعذرها عاد لسانها تعرفه طويل مشها مشها ياولد
رائد وهو كاتم الضحكه بس الكل عارف انه ماسك الضحكه من صوته ونطق:لا ما عليه عادي يلا انا رايح مع السلامه
الكل :مع السلامه
طلع رائد وبعد عن المكان وفرط ضحك ولحقه كمال اما الجد خرج للمسجد يصلي الظهر وسحب على عياله واحفاده
"عند نهى"
رموها البنات داخل وكانت بحالة صدمه وسمعت كلامهم وزادت فشلتها من سمعت صوته الي واضح عليه الضحك وقامت دخلت الغرفه متفشله وكانت تردد :يافشلتك يا بنت هدى يافشلتك
دخلت غرام عليها وطالعو ببعض وفرطو ثنيناتهم ضحك ونطقت نهى وهي تبكي من الضحك:فشيله يا غرام فشيلهههه
غرام وهي طايحه على الارض من الضحك:تتخطين يا ختي تتخطين رغم ان ماضنتي بس يلا تصير تصير
نهى وهي تضحك على نفسها :كيف كيفففف
مسحت غرام دموعها الي دمعتها من الضحك ونطقت:اقول قومي بس اعتذري لو لامه وخواته زي الشطوره
نهى:بس امي وجدتي وامه وخواته مواجيد صح؟
غرام:وكانت شوق موجوده اما عمتي هنوف وخلود وبثينه بالمطبخ يسوون الغداء وكانت شوق معهم بس جت تنادي خواته يساعدون وعاد مو مهم من كان موجود المهم فزي ورحي قولي معليش ياعمه ماشفت  ممكن تخف الفشيله و الله واعلم
نهى:طيب طيب خلاصصص
طلعت غرام للمطبخ تساعد به وطلعت نهى للحوش وجلست ونطقت:معليش ياعمتي اشواق وربي ماشفت ولدك زين ما انتبهت له وصقعته وانا مدري وزل لساني ماكنت ادري انه قدامي
اشواق وهي تضحك:شفيك يا نهى عادي وبعدين اهم شي هو ما عصب وانتي ما كان قصدك خلاص مشو السالفه
هيله:قومو صلو قدهم اقامو وخلصو قمو وبعدين ياليلى ونوف وانتي يا نهى ليه ما تساعدو بالمطبخ ها ؟
نهى:هههه اي اي بنساعد لاتشيلي هم بس نصلي وبندخل نساعد
هدى:يلا قومو خلصنا من التوزيعات
قامو يصلون كلهم وبعد ما خلصو شالو البنات التوزيعات من الحوش وحطوها بصالة الحريم وفرشو السفره وحطو الغداء وكلو
"بعد ما اكلو عند البنات"
نهى:بنات وش نلبس نلبس اللبس الجنوبي ولا قميص الروز والشال؟
شوق:عن نفسي الروز والشال خفيف وكتكوت  اما اللبس الجنوبي خلوه للتصوير
ضحكت نوف ونطقت:طيب اخذ شال مزخرف ولا شال عادي عن نفسي باخذ العادي احسه يناسبني اكثر
غرام وهي جايه لعندهم: شرايكم بناتت
بثينه حطت يدها على فمها ونطقت:تهبليننن
نهى:مزههه
ضحكت غرام وراحت عند المرايا تشوف نفسها وكانت لابسه قميص روز عادي احمر بس ماسك من عند الخصر واكمامه مزخرفه بالذهبي وحاطه شال حوافه مزخرفه بنفس لون الاكمام وفاتحه شعرها ومخليته ستريت وحاطه كحل وماسكرا وقلوس خفيف وكانو البنات نفسها بس بالوان مختلفه وزخارف مختلفه ، ابتسمت غرام برضا عن شكلها وطلعت تاخذ احدى صحون التوزيعات وطلعته للصاله
هدى:عشتو شهالزين والحلاوه صلاتي عالنبي
ابتسمت غرام ابتسامه بانت فيها غمازاتها
هدى:الا اقولك ياليت تسوين بخور وتروحين تبخرين اعمامك الكل مشغول وشكلك فاضيه
غرام:ايه فاضيه بس لايكون العيال هنيكه مسنترين بعد؟
هد وهي تضحك:ايه ايه بخريهم كلهم
غرام:قولي غيرها ياعمههه
هدى:يلا ياحبيبتي تراهم اعمامك وعيالهم اعتبريهم اخوانك
غرام بحلطمه :طيب
دخلت غرام المطبخ تسوي بخور اما هدى دخلت غرفة البنات  ونطقت: ماشاء الله تبارك الله كل وحده احلى من الثانيه الله يحفظكم ويحميكم من العين
البنات بصوت واحد:امين
نهى:يمه شسمه احط ذي الاضافر ولا ذي
هدى:لاتحطين شي بيعيقك بس
نهى:يمهه ترا كلهم حطو حتى غرام بس احترت اي لون اخذ احمر ولا عنابي
بثينه:وع وش الي احمر وعنابي ولابسه لي روز برتقالي ما ينفع حطي ابيض ولا حطي مناكير شفاف يعطي لمعه لاضفرك اما عنابي واحمر خليها بعدين
هدى:صدقتي يا بثينوه صدقتي ترا اللون مخيس وما ينفع غيريه
نهى بحلطمه :خلاص ما بحط اضافر ارتحتو؟
نوف:ايه ارتحنا
هدى:اعجلو قدهم الخلق خرجو والبزران انتثرو
ليلى:يلا يلا يا عمه بنخلص
طلعت هدى تكمل اشغالها وطلعت نهى للمطبخ ولمحت غرام تسوي بخور ونطقت:بنت
لفت غرام ونطقت:هلا
نهى:ايه تسوين بخور البيت مليان
غرام:عمتي هدى قالت لي ابخر الرجال
نهى وهي تضحك:وايي يا مسكينه عاد ذي اسوء شغله تحسين بفشله وطفش ولا يقعدون العيال يتملعنون ماقد جربتي صح؟
غرام بحلطمه:ايه ما جربت وكل ما حد بغى يعطيها لي اشرد بس ذي المره حاصرتني امك بالله تكفين تعالي معي وترا مجمرين كثير ما بقدر اشيلها وحدي تكفين وبعطيك عشر ريال
نهى بخبث:مابي العشره ريال يحبي خلياه بجيبك ابيك تجاوبين سوالي
غرام:هلا اسألي دامها كذا تم
نهى:بعدين ببخرهم معك بعدين اسالك ولو ما جاوبتي بسطرك
غرام بحلطمه:ياليل طيب بس تعالي معي
نهى:اوكي بيبي
مشو غرام ونهى وكل وحده بيدها مبخره ووصلو لمجلس الرجال
نهى بهمس:دقي الباب
غرام بعهس:اتخسين دقي انتي تكفين
نهى بهمس:لا يا حبيبتي قلت ببخر معس بس ما ادق الباب يلا زي الشطوره دقي
غرام بهمس:اففف طيب
جات غرام بتدق الى ينفتح الباب
نهى:اوه خالد كيفك؟ ووش ذا الزين عريس ما شاء الله
كان خالد ساحب على نهى او بالاصح ما كان يسمعها كان منصدم من جمال غرام الي كانت كليوم تحلو اكثر واكثر ولكن هذي المره كانت  ايه بالجمال سرح فيها وبتفاصيلها الي كل ما دقق فيها زاد حبه واعجابه فيها  ،
نهى طالعت فيه وفيها ولاحظت انهم سارحين ببعض وابتسمت نص ابتسامه ونطقت وهي تهز كتفه:خالد
حس خالد على نفسه ولف نظره لنهى وغرام حست على نفسها واستحت ونزلت عيونها
جبر:خالد شفيك علقت عند الباب
بعدت نهى عن خالد ودخلت المجلس ووراها غرام اما خالد سكر الباب ورجع جلس جنب العيال عبدالله بهمس باذن خالد:اها عشان كذا وقفت يا خويلد طلع العاشق شاف معشوقته
خالد بهمس:اص شكلهم جو بالبخور اول مره تجي  هي اتبخر  بالعاده وحده من  البنات 
عبدالله بهمس:ايه بس ولله ذوقك حلو البنت موت حمر
خالد بهمس وحده بانت على صوته المشتعل غيره :ورع
عبدالله ابتسم ونطق بهمس:غرت يا العاشق؟ لاتخاف تراني اشوفها زي اختي الكبيره وحاليا زوجت اخوي فا هد
بانت على ملامح خالد الراحه ولف راسه بس استوعب اخر جمله قالها عبدالله وتوسعت عيونه ولف لعبدالله  الي قاعد يضحك عليه
جبر وهو يتبخر من غرام:شفيكم يا السرابيت تتضحكون ضحكونا  معكم
لفت غرام وعرفت انه يقصد خالد وعبدالله وابتسمت ابتسامه تحاول تكتم فيها ضحكتها ولاحضها خالد وتفشل ونزل راسه
عبدالله وهو يكتم ضحكته:مافيه شي ياجد
جبر ناظرهم بطرف عين ورجع نظره لغرام وابتسم:شهالزين ياحظ من بياخذك يا بنيتي
ابتسمت غرام ونزلت راسها بحيا
جبر:روحي بخري اعمامك يابنيتي روحي
غرام بابتسامه:ابشر
بخرت غرام اعمامها وجا الجزء الي ما تبيه تبخر العيال
تقدم خالد بسرعه وخذاه منها ونطق: انا ببخرهم تقدرين تروحين
غرام:طـ طيب
طلعت غرام ووراها نهى
نهى بخبث:غريبه ما خلاك تبخريهم بالنهايه كلكم اخوان مو من عادته
غرام :مدري يمكن وده هو يبخرهم
نهى بخبث وهي عارفه انه غار ونطقت:اي اي يمكن الله واعلم عاد اي صح سوالي
غرام:اي ايه قوليه بسرعه
نهى :تحبين اخوي؟
وقفت غرام وانصدمت من سوالها وتوترت ونطقت بداخلها:لهذي الدرجه واضح اني احبه؟
نهى:يابنت شفيك
غرام:و و ولاشي
نهى:جاوبي سوالي يا غرام
غرام بتوتر:لا لا ماحبه
نهى:كذابه
غرام:شفيك انتي قلتلك لا
مشت غرام مبتعده عن نهى ونهى صرخت:واضح واضحح وضوح الشمسسس
لحقت نهى غرام وحضنت يدها ونطقت:غراميي اعترفييي
وقفت غرام ولفت راسها لوجه نهى:افهمي ما احبه اف منك
مشت غرام وفتحت الباب ورقت فوق
هيله وهي تحط عباتها على راسها:وين كنتو تاخرتو بنخرج هيا
نهى :وين
اشواق وهي تحط طرحتها على راسها
بيت ام شموخ اهل الحي كلهم هنيك يلا لبسو عباياتكم وشلو صحون التوزيعات وتعالو ورانا
غرام:ابشرو
هدى:نهى مسكي عباتك ويا غرام مالقيت عباتك شوفيها
غرام:طيب
مشت غرام تلبس عباتها السوداء وطالعت المرايه ونطقت:ماله داعي طرحه يكفي الشال اهم شي يتغطى شوي
طلعت غرام وكان الكل برا وشالت وحده من الصحون وطلعو برا وكان الحي مليان حياه الاطفال يلعبون والناس يمرون والبقايل مفتوحه والشارع مزين
كملو مشي الين دخلو بيت ام شموخ المليان بالحريم والاطفال بالحوش
هيله:الله يديم هالفرحه
الكل:امين
________________________________
وبس اتمنى عجبكم ذا البارت تقدير لتعبي حطو نجمه👈🏻🌟
الكاتبه/جوجو ال منصور
(اعذروني على الاخطاء الاملائيه)