القلوب تعرف من حبها يا غرامي

جزء18

خرجت هيله وكملو سوالف
"الساعه4:50 الفجر عند البنات"
كانو البنات نايمات الا غرام كانت على جوالها تتفرج الا يطفى وتقوم تحطه بالشاحن
غرام:افف شسوي ذحين ومافيني نوم
جلست غرام على سريرها وبدات تهوجس بامها وابوها وذكرياتها معهم ونطقت:الله يرحمكم يارب ويجمعني بكم بجنات النعيم دمعت عيون غرام
ومسحتها وقامت عند التسريحه وفتحت شعرها ومشطته وخلته مفتوح ولبست جكيتها واخذت وحده من كتبها  وطلعت من الغرفه للمطبخ وسوت لها شاهي
وخرجت للحوش وجلست تقرا الين بدات الشمس تشرق وقفلت الكتاب ونطقت: يازين الشروق 
ضلت غرام تطالع بالشروق وهي تهوجس
"عند خالد"
كان خالد جالس يهوجس بمحبوبته والعيال نايمين
ونطق:
"ياسعود ولله ان ما بعد زينها زين
عمت عيني عن جميع الخلايق "
كمل كلامه خالد:اخخ عطشان بروح اخذ لي ماء قام ياخذ جكيته لانه كان لابس تيشيرت وكان الجو بارد اخذ جاكيته وطلع للحوش وانتبه لوجود غرام وابتسم وابتعد شوي عشان ماتشوفه وبدا يتاملها ويتامل عيونها الوساع بس بنفس الوقت حاده وتكسوها الرموش الكثيفه نطق بهمس :
العيون احلى من عيون المها
"شافها قلبي وصفق واحتفل "
ابتسم خالد وكان بيرجع بس تذكر انه يبي ياخذ مويه وفرح لانه كان يبي اي فرصه يتكلم فيها مع محبوبته ولو انه سلام كان راضي
تقدم خالد وانتبهت له غرام وفرحت من داخلها لان كان ودها تشوفه ولو تسمع صوته هي ماتدري هل حبته ولا لا بس كانت تحس بمشاعر غريب نحوه حاولت غرام تخفي فرحها وابتسامتها
نطق خالد :السلام عليكم
غرام :وعليكم السلام هلا امرني ودك بشي؟
خالد  بنفسه:ولله ان الي ودي به انتي بس وش نسوي الشكوى لله
خالد نطق وهو يحاول يخفي فرحته:سلامتك بس انا رايح اخذلي ماء وارجع
غرام:اها اوكي تفضل
لف خالد ودخل وهو فرحان اما غرام كانت متشققه من الفرح ونطقت:
ليه هو حلو كذا ؟ ولا عشاني حبيته ؟
استوعبت غرام وش تقول بس ما ابدت ردة فعل لان خلاص استسلمت لقلبها ومشاعرها
قامت غرام وكانت تمشي وهي مو مركزه وفتحت الباب الى تلقا خالد بوجهها انصدم خالد وهي انصدمت اكثر منه وسرحو ببعض شوي بس استوعبت غرام القرب الي بينهم وبعدت ونطقت:معليش اعتذر ماكنت مركزه بطريقي
خالد:لا ولله انا الي اعتذر وبعدين عادي كلنا نغلط
كانت غرام فرحانه وكذالك خالد بس كل واحد فيهم يحاول يخفي فرحته ونطقت غرام:يلا انا رايحه 
خالد:اوه اي اي مع السلامه
غرام:مع السلامه
دخلت غرام مسرعه الغرفه وسكرت الباب واستندت عليه وكانت فرحانه ومبتسمه ونطقت:كيف؟كيف حبيته! متى اصلا حبيته؟
ماكانت غرام عارفه الجواب بس الشي الوحيد الي بالفعل كانت تعرفه انها طاحت ومحد سمى عليها
"عند خالد"
مشى خالد لغرفة العيال وهو كان متشقق فرح ومستحيل شي يشرح فرحته جلس وبداء يهوجس وجت بباله اغنيه وبداء يرددها:
"ليه عمري مالقا لبرده دفى الا دفاك
وليه انا عيني تشوف وماتشوف الا بهاك
يا اجمل من الاخيله هذا جواب الاسئله"
ضحك خالد بخفه وسمع الاذان واستغفر وشغل الانوار يصحي العيال
تميم :اممم من شغل النورررر
خالد:انا يلا قومو صلو لا صلاه ولا عباده
رائد:شفيك صرت فعال جدي لما يجي يصحينا
ضحك خالد ونطق:سيبوكم من اني صرت زيه وقومو صلو
كمال:افف مافيني حيل اقوممم
خالد:بنادي جدي
قامو العيال كلهم وتوضو ولبسو اثوابهم وكذالك الجد وعياله وتوجهو للمسجد اما الحريم قامو وصلو كلهم
"عند البنات"
خلصو البنات صلاه ونطقت شوق:اخخ امس رقدت رقدهههه
دخلت هنوف ونطقت: بنروح عن ام نجلاء الحريم هناك تبون تجون
نهى:اكيد
شوق:يمه شسمه وش بتسوون فطور
هنوف:صمخه ماتسمعين؟ اقولك بنروح عند ام نجلاء اكيد ابنفطر هنيك
شوق :السموحه يمه بس ماحددتي
هنوف:لاتراددين وامشي
شوق:حاظر سيده ماما
خرجت هنوف وضحكو البنات على شوق وخرجو بعدها البنات يتجهزون
ليلى:نلبس نلبس ولا نلبس
بثينه:اكيد نلبس لان صبح محد فاضي يلبس يلبس
غرام:البسو لا تلبسون تلبسون البسو مثلا تيشيرت وبنطلون كذا
نوف:ودي البس روز
شوق:لا ذا الروز خليه لما ترقدي بينقدون عليك
ضحكو البنات ونطقت نهى :بالله غرام شتحسين وانتي لابسه تيشيرت ابيض وجينز هل انتي راضيه؟
غرام بتكبر: اي نعم واثقه وجدا على الاقل مو لابسه بنطلون اسود وتيشيرت عليه ورده قد جبهت هند بنت مطلق وشعري رابطته كعكه ومو ماشطته حتى
نهى وهي تضحك:اوب اوب كل ذا هدي شكلك حاقده علي وش مسويه لك انا؟
ضحكو البنات كلهم
ونطقت ليلى:مو مضحكني الا انك حشرتي هند بالنص واضح الحقد
ضحكو البنات ودخلت خلود عليهم ونطقت:امشو تاخرنا ولا بنخليكم
مشو البنات ووصلو ودخلو الحريم ودخلو البنات الغرفه
شموخ:مرحبا ومسهلا ارحبو الين ما يبقى اي مرحبا مرحبا تراحيب المطر ثم مرحبا ثم مرحبا الين ما يبقى من المرحبا مرحبا ياهلا يازين هالوجيه وشوفت هالوجيه بذي الصبح
نجلاء:اوف كل ذا ترحيب شبقيتي للناس
ضحكو البنات ونطقت غرام :يامرحبا بك انتي يا نور هالديره وشمعة هذي الديره ولله ان مافيه احلى من شوفت وجهك بذا الصبح
شموخ:لا ولله ان مافيه احلا من شوفة وجهك انتي ولله ما به بهالديره طعم الا بوجودك
بثينه:اكل هي؟
غرام:هههه ذبه خايسه ليتك محتفظه بها
ضحكو البنات ونطقت نهى:احس استحيت معد عرفنا انرد عليك ياشموخ شهالترحيب
شموخ:ولله ان ذا هو الترحيب الي تستاهلونه
ليلى:خلونا من ترحيب شموخ وين اصايل وخواتها
نجلاء:ما جو للحين
دخلت اصايل هي واخواتها جنى وريهام ونطقو بصوت واحد:سبرايززززز
غرام: يامرحبا ومسهلا ايبلاه احلى سبرايز شفته بحياتي
ريهام:ورعه غرام لاتخلينا نستحي
نجلاء:واه ماسمعتو ترحيب شموخ قبل شوي
شموخ:خلاص خليكم من التراحيب اجلسو ابي اقولكم سالفه
جلسو البنات وبدو يسولفون وياخذون ويعطون مع بعض
______________________________________
وبس اتمنى عجبكم ذا البارت تقدير لتعبي حطو نجمه وتعليق حلو زيكم😊💗
(ملاحضه)
كل الاشعار في هذا البارت منقوله
الكاتبه/جوجو ال منصور
(اعذروني على الأخطاء الاملائيه)