القلوب تعرف من حبها يا غرامي

جزء 21

خلود:بودي الاكل المطبخ
هنوف واشواق :هاتي نساعدك
هيله:يا بنات قومو ساعدو عماتكم
قامو البنات يساعدون اما هدى وهيله يرتبون بالملابسات
"الساعه 8اليل في اليوم الثاني عند البنات"
شوق:بنات نروح عند نجلاء؟
بثينه :لا خل نروح عند اصايل هالمره
غرام:خل نرقد عندهم اليوم
البنات بصوت واحد:حلووو
ليلى:بدق عليها
غرام:بسرعه
فتحت ليلى جوالها تدور على رقم اصايل ولقته ودقت وحطته سبيكر
اصايل:يامرحبا ومسهلا شفيه الحلو يدق علي؟
نوف قربت من جوال ليلى ونطقت:ابك لما ندق عليك تردي منفسه ولما دقت عليك ليلوه رديتي مروقه؟؟!!
اصايل:مروقه عشاني مسويه لي شاهي وقاعده بالحوش انا وجنى وريهام
شوق:وش المناسبه
جنى وهي تصرخ:خوات خوات شعندكم؟؟
سكتتها اصايل ونطقت:تونا راجعين من خطوبت مزينه
غرام:منهي مزينه ما عرفتها ؟
ريهام :الله نسيتيها مزينه مزينهه
غرام:نسيت اذكر مر علي بس نسيت
جنى:بنت حسنه نسيتي
غرام:اح اي اي عرفتها ول متى ذي انخطبت؟
نهى:اوب اوب اوب متى انخطبت ذي اذكرها كانت مع هند تعزز لها لما نجي نتهاوش بالله من ذا الي خذاها
جنى: خطبت من ثلاث ايام بس سووها اليوم وسووها عائلي بس امها لزمت على امنا نجي اما الي خذاها علي ولد ختمه
شوق:اح علي الي كان يسرق من البقاله وقفطوه ومن الفشله خرج من الديره وما رجع الا بعدها باسبوع تكفون قولو لا
اصايل:للاسف ايه ولا بعد الخطوبه حوسه حوسهه جالسين نحش ذحين ولا بعد هند حضرت
نهى:اكيد بتحضر صحبات وكذا
اصايل:اكيد المهم تخيلو  هند ومزينه كانو جالسين عند الكوشه يسولفون وسمعناهم يحشون فينا وفيكم وبنجلاء وشموخ وريهام  ما استحملت وقامت شياطينها وراحت لمزينه وهند ولحقناها وقالت رهوم لمزينه تحشون فينا وانتو مو شايفين نفسكم وليتكم حلوين كل وحده اخس من الثانيه لا جمال داخلي ولا خارجي
ريهام : تخيلو شقالت اصايل
ليلى بحماس:اهرجو شقالت اصول
ريهام :قالت كذا بتكبر شفيها الخطوبه كذا سيئه مره فعال وجهك انتي وهي وع صدق وع ومشت واحنا لحقناها وجلسنا ومزينه وهند وجيههم قلبت احمررر ومعصبين ولا الضيوف سمعو وامي بعد وقعدنا كذا دقيقتين وخرجنا وامي مسكتنا تهزيئ بالسياره بس ولله يستاهلون
غرام:احسن يستاهلون عشتو ولله انكم الخويات الصح
جات ام اصايل ونطقت اصايل:يلا اكلمك بعدين
ليلى:دقيقه نسينا وش نبي المهم بنجي عندكم كلنا نرقد تكفينننن
اصايل:اك تعالو كلكم بس متى؟
ليلى:ذحين
اصايل:اك
نهى:باي
اصايل:باي
قفلو البنات الخط ودقو على نجلاء وشموخ ووافقو وجلسو يتجهزون ويسولفون بامور متنوعه
"عند اصايل"
جنى:هلابك يمه نور الحوش بجيتك
نعيمه وهي تجلس:يا حبيباتي انتو
اصايل:يمه
نعيمه:هلا
اصايل :يمه البنات بغو بيجون ينامون هنيه وما قدرت اردهم وقلت لهم عادي تعالو تكفين عادي يجون اساسا هم بالطريق خلاص
تنهدت نعيمه ونطقت:متسرعين ولله انكم فعال ابوكم متسرع
جنى:اي يا يمه متسرعين زي ابوي بس مو عاجبك صفاتنا نفس صفات حبيب القلب؟
نعيمه بحيا تحاول تخفيها بعصبيه مصطنعه:ابك شتقولين عيب يابنت عيب اقول ضفو وجيهكم بس
اصايل:يمه خليك منها ذي فشخه مو مهم ها عادي يجون ؟
نعيمه:اي اي بس لاتسوون ازعاج
البنات بصوت واحد:ابشري
"عند نجلاء"
علموها البنات بالجمعه وراحت تقول لامها
نجلاء:يمه
عائشه:عيوني امري هلا
نجلاء:بنتجمع عند اصول وننام عندها ذحين عادي اروح؟
عائشه:روحي يا بنيتي روحي وسلميلي على ام اصول وقولي لابوك يوصلك خطر تروحين وحدك بذي الليول
نجلاء بفرح:ابشري
دخلت نجلاء غرفتها وطالعت بالمرايه تمشط شعرها الاسود القصير الي يوصل لحد رقبتها وتركت المشط وراحت الدولاب تغير ملابس الروز حقتها ولبست بنطلون اسود وتيشيرت ماسك احمر وراحت للمرايه تتفحص نفسها وكانت نجلاء بيضاء وعيونها واسعه وخدودها مليانه رغم نحفها طالعت نجلاء بنفسها ونطقت:حلو
بعدت نجلاء عن المرايا ولبست عباتها وحطت الطرحه على راسها بس ما تحجبت حجاب كامل وخذت جوالها طلعت من البيت وقالت لابوها وركبت السياره توجهت لبيت اصايل
"عند شموخ"
سكرت شموخ الخط وراحت غرفتها تغير ملابسها ولبست تيشيرت اوفر سايز  اخضر وبنطلون اسود وتوجهت عند المرايا ترتب شعرها كان شعرها متوسط الطول وكيرلي وبشرتها حنطيه وملامحها تهبل وعيونها واسعه وشفايفها مليانه رتبت شموخ شعرها ووخرت عن المرايا شوي وكانت نحيفه
نطقت شموخ:فيه حاجه ناقصه
قعدت شموخ تفكر وتذكرت ونطقت:شراب باتركاب (شخصيه من كرتون فتيات القوه)ينفع الشراب ذا مع التيشيرت الاخضر
لبست شموخ الشراب وبعدها لبست العبايه وحطت الطرحه على كتفها وطلعت مشي متوجهه لبيت اصايل
"عند اصايل"
كانت اصايل تمشط شعرها الاسود الطويل الي يوصل لظهرها وكان ويفي من تحت مشطت شعرها ولبست بنطلون وردي عليه هيلوكيتي وبلوزه بيضاء واسعه وسليبر ابيض
ريهام وهي تسحب المشط من يدها:اعجلي من زين الشعر عاد
شمقت لها اصايل وطلعت من الغرفه متوجهه للمطبخ تسوي شاهي وقهوه
"عند ريهام"
قعدت تمشط بشعرها وكان اسود قصير لحد اذنها وكانت لابسه شورت لتحت الركبه بشوي ولونه رصاصي مع تيشيرت اوفر سايز اسود وشراب ابيض مخطط بالاسود وسليبر ازرق
جنى:وعوه وش ذا اللوك رايحه عزا ووش وضع الشراب ذا والسليبر مو مناسب مع اللوك
ريهام:اطلق منك شايفه شكلك شعرك رافعته كعكعه معوقه فعال وجهك وبنطلون كاروهات احمر وتيشيرت رصاصي
جنى:اطلق منك بعدين ليه لابسه شورت لو يشوفك ابوي بيحش رجلينك تعرفيه ما يحب الشورتات هو غصب متقبل البناطيل
ريهام:وشو اجل تبينا نلبس روز لا ما احبها البسها شوي ايه او يوم ولا يومين بس كل يوم مستحيل تعودت على الشورتات والبناطيل والتيشيرتات خلاص احنا كذا
دخلت اصايل وبيدها صحن فيه الثلاجات حقت الشاي والقهوه وجنبها سناكات
جنى:الله تاكيز عاد اعشقه عطوني باكله
اصايل:لا لما يجون البنات ناكله كلنا وبعدين ما سمعتي الدكتور شقالك لاتكثرين اكلات حاره ياثر عليك
جنى:وانتو تبلعونه عادي
ريهام: اي بس ما نكثر زيك ابوي جاب صندوق لهطتيه بيوم
اصايل:قولي ما شاء الله
ريهام:ما شاء الله بس منجدي
اصايل:اي منجدك بس خلاص اهجدو البنات بيوصلون
"عند البنات"
شوق:بنتاخر اخلصو هاتو المشط شعري كشه
غرام:اصبري اخلص غرتي
كانت غرام مخليه شعرها الاسود الطويل منسدل على كتوفها ولابسه تيشيرت اسود مع شورت ابيض ولابسه قلفز ماسك والاصابع طالعه 
شوق سحبت المشط منها :هاتي الله واكبر عاد يالغره منزينها اف
غرام:احسن من وجهك وبعدين ناسيه نفسك انتي وغرتك المعوقه
مشت غرام من عند المرايا تدور عباتها  ونطقت شوق:كلي تبن
كملت شوق  تمشط شعرها  وكان لحد رقبتها وتحت شويه وربطته قرنينين وكانت لابسه بدي رصاصي وبنطلون ابيض 
نهى وهي تلبس عباتها :خلصتو ؟
البنات:دقيقه
جلست نهى على سريرها وكانت لابسه بدي عليه نجمه بيضاء بالوسط ولونه بني وبنطلون اسود وشعرها كان متوسط وستريت وفارقته بالنص ورابطته قرن واحد
ليلى:مشينا بنات؟
نوف وهي تطالع فيها؛شذا اللوك؟
ليلى:عادي حلو
بثينه:وين الحلاوه؟
غرام:كانك الاخوان دالتون شذا بلوفر اصفر مخطط اسود وشورت ابيض؟
ليلى:هبو شحمه
بثينه:شرايكم باللوك حقي
نوف:لاباس به حلو
كانت بثينه لابسه تيشيرت ابيض اوفر سايز وبنطلون اسود وشعرها مسويته ضفيرتين
بثينه:تبين نقيم لوكك
نوف:لا شكرا ما احتاج رايكم
نهى:شتحسين وانتي لابسه تيشيرت وردي عليه ورود بيضاء رايحين كوكب زمرده وحنا ما ندري؟
نوف:ما احس بشي وبعدين ذبتك مخيسه فعال وجهك
نهى:اصا بس بقول لاخوي تمتم يوصلنا
نوف:اك اعجلو انا بخرج الحوش
البنات :اك
طلعت نوف للحوش وجلست على جوالها وكانت مخليه شعرها مفتوح وكان تحت رقبتها بشوي وحاطه الربطه بيدها وتتفرج على جوالها
"عند تميم"
كان قاعد بالغرفه ودقت عليه نهى
تميم:خير
نهى:يمه شفيك بس بغيت توصلنا بيت العم عمر ابو اصايل
تميم:وعبدالله وخالد فينهم؟
نهى:فشيله كلشوي هم يوصلونا
تميم:قولي للبقيه يدقون على اخوانهم مو بس احنا نوصلكم ولا ادفعولي فلوس
نهى:اوفف مابك فايده انقلع بقول للبنات يسألون اخوانهم
تميم:كويس
قفل تميم الخط
كمال:شفيك
تميم:ولا شي انا بخرج الحوش اتنفس
كمال:تمام
طلع تميم الحوش ولمح نوف بس ما عرفها ودخل ونطق:السلام عليكم
رفعت راسها نوف:وعليكم السلام
تميم عرف انها نوف من رفعت راسها ونطق:وين امي
نوف:مدري شوفها داخل
دخل تميم يدور على امه ولقاها وجلس عندها يسولف
"عند نهى"
نهى:افف كريه ولا بعد قفل بوجهي
ليلى:شفيه
نهى:ماحد من اخواني يبي يوصلنا قولو لاخوكم تكفون
ليلى:اك
دقت ليلى على رائد يوصلهم ووافق وركبو السياره كلهم
رائد:الوجهه؟
نوف:ايت وجهه؟
رائد:اقصد وين تبون
ليلى:اها ودنا بيت العم عمر ابو اصايل
رائد:طيب
حرك رائد من عند البيت الى بيت اصايل ووقف عند باب بيتهم ونطق:انزلو
ليلى:شكرا ما قصرت
رائد:العفو
نزلو البنات وطقو الباب
فتحت جنى ونطقت:يا مرحبا ادخلو ادخلو
دخلو للبيت وسلمو على ام اصايل ودخلو الغرفه
نجلاء:هلا ولله قايز
نهى:هلا ولله
ريهام: فكو عباياتكم
فصخو البنات العبايات وجلسو
ليلى:وينهي شموخ؟
جنى:المفروض جت قبلكم بدقيقه او دقيقتين بس دقينا عليها تلف البقاله تجيب مشروبات وكم حلاوه ننقنق عليها
بثينه:اها كذا الوضع عساها تجيب حمضيات
غرام :وياليت تجيب ريتا
نوف:يارب تجيب معهم كودرد نفسي فيه اخر مره شربته الشهر الي فات
ليلى:ان شاء الله واهم شي حمضياااتتت
غرام:اي صح بنات جبت ايبادي محمله كم لعبه PDF  نلعبها الحين ولا لما تجي شوشو
اصايل:لا لما تجي شوشو احسن
قعدو البنات يسولفون
درعمت عليهم شموخ ونطقت:ساليوووو رايقه معي لدرجه لو حدا سالني عن عمري بقوله انتا عمرييي
ريهام:شذا الروقان اركدي بس اركدي
شموخ:مروقه يا ناس مروقههه
نهى:مروقه ولا مرقوق هههه
ضلو البنات ساكتين يطالعون فيها
نطقت نهى:ادري سامجه بس اضحكو لاتفشلوني كذا
غرام:سيبوكم من ذبتها المعوقه شوشو جبتي ريتا؟
شموخ:اي نعم جبتلك انتي خصيصا ريتا ولنوف كودرد اما البقيه حمضيات
غرام ونوف:ياروحييييي
اصايل اجلسو خلونا نسولف
ضلو البنات يسولفون لحد الساعه 11 اليل
غرام :نلعب اللعبه ال pdf الي جبتها الحين ؟
نجلاء:وي نسينا منها
شموخ: اي لعبه؟
ليلى:لعبه على الايباد حقها كنا بنلعبها بس نستنا جيتك وانشغلنا بالسوالف
اصايل:اجل خل اروح اسوي شاهي زياده واجيب مكسرات وسناكات لان الواضح بدينا بالثقيل
غرام:بجي معك
اصايل:اك
مشو اصايل وغرام للمطبخ
اصايل وهي تغلي مويه : يوه احس خلاص ابيكم كليوم ترقدون عندنا
غرام:ياليت ولله بس عادي الاسبوع الجاي عند شموخ بعدين عندنا بعدين عند نجلاء
اصايل:ابك مخططين بعد
غرام وهي تضحك:اي اي خطط لازم نقضي الاجازه قبل تجي الدوامات ونروح الجامه ومارح نلتقي كثير راح نلتقي بالنادر
اصايل:اي بس لازم نسولف لو على الاقل بالجوال مو مثل السنه الي فاتت
غرام بحزن:السنه الي فاتت ما كنا نسولف كثير عشان اخو نجلاء الله يرحمه ونجلاء كانت مكتئبه شوي وهي اصلا روح الشله عشان كذا ما كنا نسولف
اصايل بحزن:اي ولله الله يرحمه
غرام وهي تحاول تمسك دمعتها ونطقت بصوت مهزوز:خلاص كفايه السيره تكسر قلبي كفايههه
اصايل طالعتها وهي عيونها حمرا وتضحك :هي يا بكايه شفيها عويناتك حمرت وصوتك انهز
غرام وهي تدمع وتضحك:عساس انتي عويناتك محمره
بدت اصايل هي وغرام يبكون ويضحكون بنفس الوقت
غرام وهي تمسح دموعها وتضحك:اصا اسكتي لاتجي نجلاء وتشوفنا وتصيح بعد محنا ناقصين غصبه هي تخطت
اصايل وهي تمسح دموعها:اي اي صح
غرام وهي تهوي وجهها بيدينا الاثنين :لازم نهدا
اصايل وهيض تغسل وجهها بالماء:مدري شبلانا صرنا حساسين
غرام:اي ولله مدري شبلانا اقول امسحي دموعك وامشي للغرفه
مشت غرام وبيدها السناكات للغرفه
اما اصايل مسحت وجهها وشالت ثلاجه الشاهي وطلعت ورا غرام
___________________________________
وبس تقدير لتعبي اتمنى تحطو نجمه🫶🏻
ادري البارت فيه اشياء كثير مالها داعي زي اني اوصف اشكالهم وملابسهم بس الصدق مره ودي انزله ابيكم تعرفون اشكالهم وستايلهم بالذات شموخ واصايل ونجلاء فا يب باي
الكاتبه/جوجو ال منصور
(اعذروني على الاخطاء الاملائيه)