القلوب تعرف من حبها يا غرامي

جزء 22

اصايل وهي تغسل وجهها بالماء:مدري شبلانا صرنا حساسين
غرام:اي ولله مدري شبلانا اقول امسحي دموعك وامشي للغرفه
مشت غرام وبيدها السناكات للغرفه
اما اصايل مسحت وجهها وشالت ثلاجه الشاهي وطلعت ورا غرام
دخلت غرام الغرفه ووراها اصايل
شموخ:لا كان رقدتو هنيك احسن!
اصايل:ياشيخه ابصمي وخلونا نعدي هاليله بسلام
نجلاء:اقلطو اقلطو
نزلت اصايل الشاهي وبرضو غرام نزلت السناكات
شموخ وهي تفتح كيس البطاطس وتحطه بالنص:وش اسم اللعبه؟
غرام:جمعة بنوتات كيوت صح؟
نجلاء:شذا الاسم
غرام:مدري بس شفت بنوتات قلت خلاص خل نلعبها و اي صح فيه لعبه ثانيه اسمها مصارحه تبون نبداء بايش
نهى:اي وحده اسالتها وتحدياتها اقل ؟
غرام:جمعة بنوتات فيها تقريبا 11 او 9 تحديات اما مصارحه 20 سوال
بثينه:خل نبداء بالقليل الي هي جمعة بنوتات
نجلاء:بنات تكفون الاسم مخيس
غرام:ندري وكلنا ناقدين بس شنسوي خلاص الشكوى لله المهم خل نبداء وراح نبداء بنجلاء عشانها اشغلتنا
نجلاء:يلا ابدي
غرام:احم احم يلا قلدي هندي معصب
نجلاء:نعم نعم نعم لا ما حبيت غيرو
البنات بصوت واحد: يلا نجوله يلاااا يلا يلا يلا
نجلاء:لااا يعني لاااا
غرام:طيب خلاص بنخليه لوحده ثانيه ذحين نبيك تعيشين دور انك زوجت كويتي وانباقت الشركه والي قدامك الزوج
نجلا :لا وعع بنات تكفون
نهى:على فكره انا الزوج لاني قدامك ومو عاجبني بس يلا الشكوى لله شسوي
بثينه:نجلاء! نهى! بلا مبزره بسرعه
نجلاء:اوفف طيبب
نهى:اعجلي
نجلاء وهي تنحنح وتحاول تغير صوتها :احم احمم  جاسممممئ
نهى وهي تحاول تغير صوتها لرجال:منو ياينا هالحزههه
بثينه:ابك شدخل ذي تنادي وانتي منو ياينا لا دوري رد احسن
نهى:ابصمي معرف اضبط اللهجه
غرام:ماعليكم منهم كملو
نجلاء وهي تكمل هلى نفس النبره وتمثل الدموع:اهيئ اهيئ جاسمممم انباقتتت
نهى وهي تحاول تتكلم بصوت رجال وتضبط اللهجه :شنو الي انباقتتتت ؟؟!!
نجلاء بدموع كذبيه :الشركهههه
نهى بصراخ خفيف:نعمممم !!شنو شنو شنو شنو الي انباقتتتتت يا مره؟
نجلاء وهي تمثل الدموع وطاحت بتمثيل على ركبها:مادري مادري جاني عبودي يقولي الشركه انباقت ولازم ندوء عالشرتهه اهيئ اهيئ اهيئ
نهى وهي تضحك:لا بنات خلاص تكفون على ذا التمثيل نحتاج راتب
غرام وهي فاطسه ضحك:اي راتب كل وحده تمثيلها اسوء من الثانيه ولا الصوت او اللهجه او التمثيل ضبطتوه وبعدين كانكم قلبتو سوري مدري لبناني بالاخير
بثينه:خلاص بطني اوجعتني الي بعده بسرعه
جلسو نهى ونجلاء
غرام:طيب شوفو تجي بنت وتحط كاسه مويه على راسها وتمشي مشيه البطريق مندون ما تطيح الكاسه وتحاول تقول نكته واذا حد ضحك تشيلون الكاسه واذا ماحد ضحك نكب الماي عليها
شموخ:ابك صعب من بتسويها؟
اصايل :ماندري
غرام:طيب صفو عالجدار وانا بغمض عيوني وانتو غيرو  اماكنكم وانا مغمضه وباشر على وحده اوكي؟
البنات وافقو ولعبوها الين بقى ليلى
غرام:ليلوه تتخطين
ليلى:بنات!
اصايل:ليلى نقي نكتك
ليلى:بنات تكفون صعب مره وكيف امشي مشية البطريق وبراسي ماء بتنكب من وين لي برادع لو طاحت؟(ملابس)
جنى:نعطيك من برادعنا عادي
ليلى:وشعري بيغرق دوبني غاسلته وامس وتاعبه على استشواره
شوق:اهم شي الذكريات 
ليلى:اي ذكريات اي زفت ماني مسويتها
نوف:ياشيخه سويها اهم حاجه نفرح خلاص عادي بستشور شعرك انا ولا يهمك
ليلى:ولله؟
نوف:وربي بس اخلصي
ليلى:اوك
جنى:بروح احيب كاسه
اصايل:جيبي اكواب بلاستك لو جبتي كاسات وانكسرت امي بترمينا من السطح
جنى:اوك
راحت جنى وجابت اكواب البلاستك وعبوها مويه وحطوها براس ليلى
ليلى وهي تحاول تمشي زي البطريق من دون ماتطيح المويا ونطقت معلنه اول نكته لها: فيه جبنه دغدغوها تدرون شقالت؟
البنات :شقالت ؟
ليلى وهي متوتره لاتطيح المويا وتحاول تكمل:قالت كيري كيري كيري ههههه تكفون اضحكوووو
نهى:ماتضحك شكلك الي يضحك
ليلى بفرح:يعني حلوه يلا شيلو الكوب من راسي
غرام:لا شكلك مو النكته يلا النكته الي بعدها
حزنت ليلى وكملت وهي تمشي نفس المشيه وفيه قطرات قاعده تطيح  : في نمله بيضاء قولو ليه؟
البنات :ليه؟
ليلى:اعرستتتتت هههه تكفون لو قهقه بسيطه
شوق:الي بعدو
ليلى بقهر:اففف ز*ق يلا الي بعدو فيه عصفور اصلع قولو ليه؟
غرام:حلق في السماء نعرفها الي بعدو
ليلى :طيب يا الز*ق خليني اقول لهم لعلى وعسى يضحكون ليه تقطعين رزقي ياخي قطع الارقاب ولا قطع الارزاق
نوف:شدخل؟
ليلى:مدري المهم بقول نكته ثانيه وذي عاد لازم تضحكون شوفو فيه ليمونه راحت تختبر تتوقعون كم جابت؟
البنات بصوت واحد:عصره من عصره
ليلى وهي تحاول تضبط المشيه بدون يطيح الكوب:اففف طيب فيه فيه واحد يمشي بالشارع وحده قولو ليه
البنات: ليه
ليلى:مدري
ضحكت نهى وطالعو فيها البنات بتقزز واستغراب وبرضو ليلى طالعت فيها باستغراب اما نهى تضحك ولا همها
غرام:بالله ذي تضحك يا نهى ؟
نهى وهي تضحك:لا بس نبرتها تفطس كذا فاقده الامل مره خلتني اضحك
ليلى وهي تشيل الكوب من راسها :خلص تحديي يلا الي بعدووو
غرام: اك اكبر بنت بالمجموعه تقوم وتهز
اصايل:اففف ترا كم سنه بسس
غرام:قدامي يحلوه
قامت اصايل وحطت الطرحه على خصرها والبنات شغلو الا ولعبت يا زهر
وبدت تهز اصايل بس ما كانت مره تعرف بس كانو البنات يشجعوها وقامت نهى معاها تهز وقامو كل البنات بس كانت اكثر وحده تعرف غرام ووقفو كلهم يتفرجون عليها ويشجعون لين خلصت الاغنيه ونطقت غرام وهي تضحك:اف تعبت
اصايل:ابك غطيتي علينا
غرام:اص بس خلونا نكمل
بثينه:لا خلاص طفشنا خلونا نلعب مصارحه حقتك
نهى:خلونا من الايباد والعابه خلونا نلعب صراحه حقتنا ونلف الصحه حقت الماي ذيك تعرفوها صح؟
غرام:اك من تلف
اصايل :انا
لفت اصايل الصحه وجات على نهى وبثينه وكانت نهى تسال وبثينه تجاوب
نهى:احمم قايز من ذحين ترا فيه اساله منا ومنا فا توقعو اي شي
البنات :طيب ابدي
نهى وهي تسال بثينه: وش اخر شي سرقتيه؟ وبكل صراحهه
بثينه وهي تفكر:روج ليلى
وقفت ليلى ونطقت:ولله اني كنت حاسهههه وربي لاترجعيه لي
بثينه:انكسر ورميته الزباله
ليلى بصدمه:تمزحييي
بثينه:للاسف لا وبعدين تراه روج سحري تلقيه بالسوق منا ولا منا وتلقيه بالبسطات الي بنص الحاره وحتى البقاله تبيعه
ليلى وهي تجلس:اففف ما حبيت يلا لفو بس
اصايل: اك بلف
لفت اصايل الصحه وجات على نوف وشوق
وكانت شوق تسال ونوف تجاوب
شوق:زي ما قلنا فيه منا ومنا فا انا ببداء فيها فا يب نوف عندك حب طفوله وهل هو مستمر للان ولا لا ؟ولازم تذكري الاسم
نوف وهي تفكر شوي ونطقت بحيا تخالطها حزن:اي فيه بس ما استمر
وكملت كلامها بحزن تحاول تخفيه:بالنهايه هو كان يعتبرني اخته بس انا لا بس بعدين من معاملته لي حسيت على نفسي وشلت الفكره من بالي وصرت اشوفه زي اخوي زي ماهو يشوفني زي اخته
سكتو البنات يطالعوها بصدمه تخالطها بعض الفضول والحزن
بثينه :مين هالشخص قلنا لازم تذكريه
نوف:معليش ما اقدر اقول لفو الصحه على الي بعدها
اصايل:اوك
للفت اصايل الصحه وجت على ليلى وجنى
جنى: اك بسالك يا ليلوه من اخر شخص حضنتيه واذكري لسبب
ليلى:امي كنت زعلانه على درجاتي بالجامعه فا حضنتها وقعدت اتبكبك عندها
جنى :اك بلف انا
لفت جنى الحصه وجت على اصايل وريهام
ريهام  :بسالك يا اصول هل انتي الي سرقتي جاكيتي ورميتيه بالغساله مقطوع؟
اصايل بتردد : اااااا  ايي
رهام شهقت ونطقت:ياحيو*انهههه وتقولين مو انا مو انا يا الز*ق
غرام :هدو قايز الي بعده بلف انا
لفت غرام وجت على شموخ ونجلاء
نجلاء:ياشموختي مين اكثر وحده تفضفضين لها بالمجموعه
شموخ:كلكم
غرام:لا وحده بس
شموخ:كلكم وربي
بثينه:خلاص معفيه من السوال ذا الي بعده
غرام:تعبت الساعه صارت 2 اليل برقد
اصايل:لا ماجت عليكي ياكلب*ه
غرام اك اسالوني بسرعه
بثينه :دقيقه نتفق
اجتمعو البنات بدائره وضلت غرام وحده تفكر وش بيسالونها
"عند البنات"
نهى بهمس: تكفون خل نسالها من تحب وتذكر اسم الشخص وكلمه تبي توجهها له تكفونننن
اصايل بهمس:اك قدام اتفقنا خلاص
البنات بهمس:اك
نهى بهمس:انا بسالها
البنات بهمس:تمام
نهى:يلا يا غروما استعدي السوال بيصعقك ويرعد بك
غرام بتوتر:الله يستر قولو
نهى :هل فيه ولد تحبينه ووش اسمه وقولي كلمه تبين توجهينها له
غرام بحيا وتوتر:اذلفو شذي الاسئله انا بروح ارقد
نهى:ورعه كلنا جاوبنا الا انتي
غرام بحيا وتوتر:بس مو كذا اسئله
مشت غرام وسحبت البطانيه الي بفراشها  وحطت راسها وغمضت عيونها بقوه
البنات ضلو مستغربين ويتهامسون ب وش فيها وليه استحت وليه توترت وكانو مستغربين بس اخر شي قامو وحطو روسهم ونامو
الساعه 5 الصبح كانو كل البنات نايمين الا غرام ما نامت من ذاك السوال وكانت جالسه تهوجس ليه استحت وتوترت؟!...
كانت غرام مستغربه من نفسها هي تعرف انها تحب خالد بس ليه استحت وتوترت لما سالوها هالسوال قاطعت افكارها دخول ام اصايل وهي تفتح الانوار:قومو قومو لا صلاه ولا عباده
قامت غرام مفزوعه ونطقت :شفيه
نعيمه:صلو صلو وصحي الدلوخ الي معك بروح اسوي الفطور
غرام تنهدت براحه:ابشري ياعمه
صحت غرام البنات وصلو وجابت نعيمه لهم الفطور وكلو وبنص سوالفهم وهم ياكلون نطقت جنى:ليه توترتي امس واستحيتي؟فيه حد تحبيه؟
غرام رفعت عيونها لجنى ببرود ونطقت بنبره مرعبه ارعبت كل البنات:ولاشي ولو فيه حد ما بقولكم اصلا
نهى بتوتر:اكي خلاص بنات هدو اللعب شوي
غرام وهي تضحك بوسط استغراب:بنات تراكم اوفر وخوافات كمان
وكملت كلامها بكذب:وبعدين مافيه حد احبه بس كنت ابي اخليكم تتسالون شوي الا انا ما احب حد
قامت غرام وراحت غسلت يدها ودخلت تتفرج على جوالها لين يخلصو البنات فطور عشان يروحون البيت
_________________________________
بس اتمنى عجبكم البارت تقدير لتعبي حطو نجمه✨
الكاتبه/جوجو ال منصور
(اعذروني على الاخطاء الاملائيه )