هيله:اي نعم وانا اقصد رفلات غيركم؟
ليلى:افا يا جده حنا موب رفلات احنا نشتغل وربي مو فعال العيال مبطحين
هيله:اقول لاتكثرون كلام واذلفو ساعدو لاولله بالعصا
البنات:حاظر يا جده
راحو البنات المطبخ مع الحريم وسوو الغداء وفرشو السفرة واكلو وخلصو وصحو خالد ورائد يصلون وياكلون وصلو ونامو مره ثانيه
الساعه 2:8 الظهر
"عند العيال "
حمد:خسارة رائد وخالد ماجو معنا فليناها مع العيال بالاستراحه
كمال:خلوهم عاد هم ملوك النوم بالذات رائد مستحيل يقوم
عبدالله:وصلنا يلا انزلو
تميم:متى عماني وابويه يجون
حمد:الله واعلم بس احتمال احتمال بعد العشاء او المغرب لان الشركه بعيده عن هنا
تميم:تمام يلا خل ننزل
نزلو العيال ودخلو
هدى:يامرحبا نور البيت لما جيتو
تقدم عبدالله وباس راس امه وجدته وكمال وتميم وحمد سوو نفس الشي باسو روس امهاتهم وعماتهم وجدتهم وجلسو
هيله:ولله نسيت بانكم بالاستراحه حسبتكم رحتو معهم بس كويس فيه اكل باقي كلوه
تميم:شكرا يا جده هيا انا استاذن ولله ما لي نفس اكل فيني نوم
عبدالله: حتى انا استاذن مع السلامه
حمد:ولله حتى انا استاذن مع السلامه
كمال:استاذن انا بعد مع السلامه
الكل مع السلامه
راحو العيال ودخلو غرفتهم ولقو خالد ورائد لسا نايمين
كمال:ابوك يا النوم الثقيلللل
تقدم حمد عند رائد وعطاه شلوتي باقوى ماعنده على ظهره
قام رائد مفجوع وشاف العيال واقفين يضحكون وحمد اقرب واحد عنده وعصب وفكها ضرب بحمد
حمد بصراخ وهو يقاوم ضرب رائد: ياعيال ساعدوني
صحى خالد من الازعاج ونطق بصوت مرعب ومليان عصبيه:ورع انت وياه قسما لو ما انطميتو لا اجلدكم سوا
هد رائد شويه وفك حمد ونطق:ما انقذك مني الا خالد الا ولله المره الجايه باهبدك لين تعض الارض
حمد:طيب طيب
خرج رائد اما خالد قام ولبس ثوبه ونطق:بروح البقاله اجيب حمضيات تبون
كمال:اي ولله ماقصرت جيب لي معاك
عبدالله:وانا بعد
حمد:بختصرها عليك جيب لنا كلنا وللدلخ الي طلع
خالد:تمام
طلع خالد من الغرفه
اشواق:خالد شفيه رائد طلع معصب
خالد بابتسامه :لا بس حمد عطاه شلوتي وعصب وضربه ووقفتهم وطلع معصب
اشواق:اها كذا الموضوع
نهى بهمس لغرام:شرايك باخوي؟
غرام كانت سرحانه بابتسامته ومو مركزه مع نهى
نهى بهمس:ورعه لايكون خقيتي على اخوي؟!
غرام استوعبت وطالعت لنهى وهي ساكته
نهى بهمس:غرام لاتقولينها
غرام استوعبت ونطقت بهمس:لا وع اخق على تيس ولا اخق على اخوك
نهى بهمس:نشوف
غرام بهمس وهي تضرب نهى على كتفها بلطف:ورعه شفيك انتي؟
نهى بهمس:ولاشي خلاص اسكتي يا العاشقه الولهانه
غرام بهمس وهي تضرب نهى بكتفها بقوه:ورعه قلتلك ما احبه اهجدي لا ابرك عليك
نهى بهمس وهي تضحك:خلاص خلاص خل نسمع وش بيقول خالد
خالد:تبون شي بروح البقاله
هيله:ولاشي سلامتك
خالد:مع السلامه
الكل:مع السلامه
طلع خالد وركب سيارته ومشى البقاله
خالد:يامحمد
راعي البقاله:نعم
خالد :جبلي 6 حمضيات
راعي البقاله:حاظر
دق جوال خالد ورد
نهى :خالد بالله جيب اثنين ريتا لي ولغرام تكفىىى
فز خالد من اسم غرام وابتسم ونطق :ابشري وبعدين غرام تحب اريتا؟
نهى باستغراب : اي بس شدخلك ؟وبعدين غريبه وافقت بالعاده تقلي تخسين
خالد:ولاشي اعتبريه فضول وبعدين لا تخليني اغير رايي
نهى:لا لا خلاص استهبل
قفل خالد الخط وحط الجوال بجيبه ونطق:بالله جيب خمسه حمضيات مو سته وجب ثلاثه ريتا
راعي البقاله: تمام تفضل
خالد:شكرا
راعي البقاله:العفو
خرج خالد وركب ونطق:ما احب الريتا بس لعيونها بحبه
شغل خالد اغنيه لمحمد عبده وبدا يردد وراها
" ليه عمري مالقى لبرده دفى الا دفاك
وليه انا عيني تشوف وماتشوف الا بهاك
يا اجمل من الاخيله هذا جواب الاسئله
كي تكوني في عيوني ومن حنيني
وبس فيني ومو بدوني مذهله"
طفى خالد السياره ونزل ودخل البيت
نهى:يامرحبا باخوي
خالد:من ترحيبتك عرفت انك جايه مصلحه
نهى وهي تضحك:اخوي حبيبي اكيد يعرفني يلا يلا هات
خالد:اصبري هذي اثنين لكم
نهى:والثالث لمن
خالد:لي
نهى باستغراب:بس انت ماتحبه
خالد: نهى خلاص لاتكثرين كلام وروحي
نهى بحلطمه:افف طيب بروح
مش خالد ودخل الغرفه
حمد:من طول الغيبات جاب الغنايم هات هات
خالد:ماطولت مره
كمال:ابك ذا الريتا لمن؟
خالد:ياليل لي لي حقي شتبي هات
سحب خالد المشروب من يده وجلس وفكه وشربه وكانو العيال مستغربين لان يعرفونه ما يحبه بس تجاهلو الموضوع وكملو سوالف
"عند البنات"
نهى:هلووو امسكي بشرب حقي
غرام وهي تاخذه:اخخ احبه احبهه
نهى:اي ولله عشققق
نوف:وي ليه ما هبتولي معكم؟
غرام:ياليل ليه ما قلتي من اول؟
نوف:وع خلاص مابي المهم الساعه كم؟
نهى:الساعه 7:50
غرام:لاتنسون بنروح عند نجول
نوف:اي اي صح بس هذي المره نلبس فعال الناس مو زي الصبح جايين ببجايم
نهى:شفيها ملابسنا ترا حتى جنى وريهام وشموخ واصايل لابسين بجايم عادي
نوف:اي بس يعني اسالوها نلبس نلبس ولا نلبس
غرام:شوق عندها سنابها نادوها مره وحده اخذ سنابها اكلمها
نوف:طيب
راحت نوف وجات هي وشوق
شوق:هلا شتبون
غرام:يامرحبا تعالي تعالي عندك سناب نجلوه صح؟
شوق:يب امري شتبين
غرام:اسمعي اكتبي لها لما نجي نلبس نلبس ولا نلبس
شوق:كيف يعني
غرام:اكتبي وهي بتفهم ومو لازم انتي تفهمي
شوق بحلطمه:طيب
شوق تكمل كلامها:كتبت و اي صح برسلك سنابها اشغلتوني كلشوي انا ارسلها ترا فشله كلشوي ارسل
غرام:طيب ارسليه لي
نهى:وانا بعد
شوق :اك
______________________________________
وبس اتمنى عجبكم ذا البارت تقديرا لتعبي حطو نجمه وتعليق حلو زيكم🎀
الكاتبه/جوجو ال منصور
(اعذروني على الأخطاء الاملائيه)
