القلوب تعرف من حبها يا غرامي

جزء6

توجهت نهى لامها تحضنها وهدى تمسكت فيها وهي تبكي:فينك يا الخبله طيحتي قلوبنا
نهى وهي تبكي وتضحك :بسم الله على قلوبكم
جد هيله : كيفك ينهى سمعت من شوق انك كنتي تصرخين لما دقت
نهى وهي تمسح دموعها وتضحك:لا لا مافيني شي
جد جبر :الحمدالله
مصعب وهو يقرص خدودها:اخخ طيحتي قلبي صدق
نهى وهي تضحك:بسم الله على قلبك يايبه
بثينه :واي ترا صدق خوفتيني لما شوق قالت انك صرختي
نهى:صدق خفتو ماتوقعت
شوق :اي خفنا
نوف:حتى غصب كلينا
ليلى وهي تضحك:صدق وانا ابلع احس كاني ابلع بحجر
خالد :ها كيفك يا السوسه
نهى وهي تضحك :بخير بخير
كانت غرام واقفه بعيد شوي تسمعهم وتذكرت امها وابوها وهمست بصوت خافت:الله يرحمكم يارب
سمعها خالد وجا لعندها ونطق:كيفك صارلك شي
غرام وهي تطالعه وتبتسم:بخير الحمدالله
راحت غرام الين عند هدى وتركت خالد وهي ماكانت تدري ان بسبب ابتسامتها هدمت اخر جدار يمنع حبه ومشاعره لها
"عند غرام"
توجهت غرام لهدى ونطقت:معليش انا السبب لو اني ما قلت لها تجي معي ما كان صار ذا كله اسفه
ناظرت فيها هدى وحضنتها بحنان ونطقت:مو غلطك عادي حصل خير اهم شي رجعتو انتي صارلك شي تاذيتي؟
ناظرتها غرام وابتسمت وهي تحاول تمنع دموعها تنزل:بخير الحمدالله وصدق مره اسفه
هدى وهي تضرب غرام بخفيف بكتفها:كم مره قلت لا تعتذري عادي
كان خالد يطالعهم وهو حاط يدينه بجيبه يبتسم وجا فباله بيوت شعر ونطق بهمس

"ياسعود حاولت أحبها زود عن باقي الناس
وإثري نسيت الناس من زود حبي لها
ياسعود تراني احبها فوق مفهوم الغرام
يعني احبها حب ماعمره حصل!."

حس خالد على نفسه ونطق بهمس:ابك شفيني  صرت خفيف؟ اخخ ملكت قلبي بعيونها الناعسه
جد جبر :كيفك يا شمعة البيت؟
غرام وهي تبتسم وتحاول تمنع دموعها تنزل:الحمدالله بخير
طالعتها نهى بنظرات وكانها تستنى شي
غرام وهي تطالع لنهى وتشبك يدينها بضهرها ونطقت بحلطمه:اففف حقدك حقد بعارين خلاص اسفه اني صرخت عليك بس شسوي صدق انك دراما كوين ماكان ينفع معك الا كذا
تخصرت نهى ونطقت:انا حقدي حقد بعارين؟؟؟؟ انا دراما كويننن!!!
برضو غرام تخصرت ونطقت :اي دراما كوين وحقدك حقد بعارين شعندك
نهى:غرام لاتخليني اتشاعف معك الحين
غرام:يلا وريني
جد جبر بعصبيه:اي ياللي ماتستحون اقول اذلفو بسرعه ولا ولله لاتشوفون شي ما يعجبكم
نهى وغرام بصوت واحد:ابشر
جد جبر:خلاص انتهى الموضوع اهم شي رجعتو سالمين خلاص ارجعو حصل خير لاتكبرون السالفه 
بالفعل الرجال راحو خيمتهم والحريم راحو خيمتهم
"عند الحريم"
هدى:كلو ماكليتو شي
غرام:وربي شبعت خلاص
نهى:حتنى خلاص بنطق ابي مكان للغدا والعشاء
جده هيله:على طاري الغدا ليه للحين ما سويتوه
هنوف:الساعه كم؟
خلود:ويي الساعه1:50
هدى:ول الوقت سريع
اشواق:قومو قومو خل نسوي الغدا
قامو كلهم اما هيله راحت تاخذ لها غفوه وقعدو البنات وحدهم
غرام:هي نهى معليش صرخت عليك وهاوشتك بس جد كنت معصبه ومتوتره وانتي وترتيني زياده
نهى:لا انا الي اسفه بكاي ماكن له داعي زودتها مره
شوق:يععع لا وقفو اول مره اشوفكم هاديات عاد ذي احدا كوابيسي تكفون ارجعو
ضحكو البنات كلهم ونطقت غرام:شفيها لو اعتذرنا بهدوء وش اشعف شعرها واقول لها اسف؟
شوق:لا بس غريب شوي عليكم
غرام :انسو خلاص انا بروح اتمشي شوي لاحد يلحقني
بثينه بضحكه:عاد لاتضيعين
عطتها غرام نظره ونطقت:ههه سامجه لاعد تعيديها
خرجت غرام وونطقت بثينه :وي اشبو امها دي؟
كنت امزح
شوق :لا بس رايحه تهوجس مع نفسها خلوها اعرفها
ليلى بحماس وهي تطالع نهى:بالله حكينا كلشي صار بالتفصيل الممل
نهى:ابشري ما طلبتي شي
وبدت تحكيهم السالفه ووش صار
"عند غرام"
خرجت من الخيمه وراحت خيمتهم وخذت جوالها وسماعاتها وشغلت اغاني وبدات تمشي نحو الدبابات الي بعيده عن المخيم شوي وبدات تردد بالاغنيه بصوتها العذب وترقص وتتمايل بفرح

" يلا نعيش بدنيا غير
مليانه حب مليانه خير
فيها الحبيب انتا وبس
والاول انتا والاخيررررر
ياروح الروحح كفايه جروحح
كفايه كفايه جروح ويلييي
ويلي ويلي ويلي اه يا ويلي
من حبه اويليي اويلي اويليي "
وبدلت تتمايل وهي مو مركزه بالشخص الي كان يطالعها وسارح فيها
"عند العيال"
رائد :متى نلعب بدبابات؟
كمال:العصر بعد الغدا؟
حمد:خلوها بعد العشاء احسن
عبدالله:حلو وينها هي اصلا
خالد:هنا موجوده بس بعيد شوي
تميم :رح لها شوفها على عددنا ولا لا
خالد:ياليلللل
رائد :البنات بيركبون ؟
خالد:اكيد جدي مابيخلينا نركب الا وهم راكبين انتو لو تشوفون كم جاب جدي دباب بتنفجعون
حمد:بالله رح عدها
خالد بحلطمه:وليه ماتروحو انتو
كمال:تكفى رح مالنا خلق بالمرهه
خالد:تعرفون ان كلمة تكفى تهزمني خلاص طيب بروح
رائد :كفوووو
عبدالله:خلاص رح رح
خالد:لاتنافخ لا ابرك عليك الحين
عبدالله:خلاص السموحه
راح خالد يمشي الين الدبابات وبدا يعدها ويتفحصها وكان بيروح الين لمح غرام جايه وهي مو مركزه بحد وماتدري عن الي حولها وقاعده تغني وتتمايل وهو بعد شوي عشان ما تشوفه وسرح فيها وبجمالها وصوتها العذب ونطق بهمس:اخخ يابنت سليمان لعبتي بي لعب اخخ
"عند غرام الي مو داريه عن الي حولها"
________________________
وبس اتمنى يعجبكم هذا البارت وتقديرا لتعبي اتمنى تحطون نجمه وتكتبون تعليق وبس باي
الكاتبه/ جوجو ال منصور
(اعذروني على الأخطاء الاملائيه)