القلوب تعرف من حبها يا غرامي

جزء 25

كملو شغل لين دخلت نهى
هدى: يامرحبا ايه كذا حلوه بضفايرك والروز الا اقول غرام ليه ما سويتي ؟
غرام: ماتدري اني صحيت
نهى وهي تجلس وبيدها فصفص :الا قبل ما اخرج قلت لها وهي جايتك الحين
غرام:ابك يالفتانه ماتنخرسين؟ بس تقرقرين؟
جده هيله وهي داخله :لا ماهي بمنخرسه شفيها لو قرقرت عادي ما يخصك
غرام:ادري يا جده بس ما حب الروز  خفيفه والجو بارد
هيله:لا مهي بارده دافيه انتي بس تعالي اسوي شعرك
غرام بحلطمه:ياجدهه
هدى:شفيها حلو عليك انا واثقه وبعدين ترا قبل كنا نسوي الويفي مدري الملولو حقكم ذا كذا نسوي ضفيرتين ونخليها فتره ونفكه وتصير تهبلل وتاخذ العقل
نهى:ما يهمنا كيف يصير اهم شي تسوي زينا ضلم بس احنا نسوي وهي لا
هنوف:انخرسي خلاص بتسوي صدعتو روسنا ويا غرام ياحبيبتي انتي بتسويه غصبا عنك حتى لو ما بغيتي الموضوع مو بارادتك اصلا فا يلا امشي عند جدتك زي الشطوره وسوي شعرك والبسي
غرام بحلطمه: افف امري لله خلاص بسوي
هيله:امشي
جلست غرام ونطقت:طيب عادي اخليه مفتوح
هيله:بضفره وفتحيه بعدين قلت للكل كذا
غرام:اف طيب
بدت الجده تمشط شعر غرام
هيله:لفي وجهك علي
غرام:كيف
هيله:عدلي جلستك واجلسي قدامي بضبط غرتك
غرام:ابشري
خلصت الجده وكانت مسويه شعر غرام ضفيره وحاطتها على جنب ومطلعه خصلتين والغره
هيله:ياحلوك ولله
هيله وهي تكمل كلامها:غرام امسكي ذا الروز البسيه
غرام:طيب
طلعت غرام متوجهه للغرفه
خلود:ابك شوق رقدت بالسوق ولا وشو
دخلت شوق وبيدها الاكياس ونطقت:السلام عليكم
هدى: وعليكم السلام ياروحي اي بالله جت عالطاري اقلطي وحطي الاغراض وتعالي سوي معنا
شوق:ابشري
فصخت شوق عباتها وكانت مسويه شعرها قرنينين ومطلعه خصلتين ولابس روز
هيله :يلا بروح اهبلي ماء وارجع
نوف الي جات وبيدها علبه فيها حلويات:احنا نجبلك ياجده
هيله :لا ودي اتحرك شويه رجليني رقدو
(نملت)
طلعت هيله وكملو الحريم يسوون التوزيعات ويسولفون اما بثينه وليلى وشوق كانو يفصفصون ويسولفون
"عند غرام"
دخلت غرام الغرفه ولبست وجلست على التسريحه ونطقت :ولله شكلي مو بطال حلو
نزلت عيونها على الادراج وفتحتها ولقت صندوق اضافر وفتحته وبدت تدور على لون في بالها ولقت الي بالها وطلعته :اوفف ذا عاد خيالل
كانت الاضافر متوسطه الطول ومن فوق ابيض ومن تحت شفاف وفيها لمعه شفافه بسيطه نطقت غرام وهي تحطه بكفها وتقربه من عيونها:مره حلو بس هل بيظبط مع لبسي؟
قامت غرام وهي بيدها ضفر وفتحت الدولاب تقربه من لبسها وابتسمت ونطقت:لا لا حلو 
قفلت غرام الدولاب وجلست على التسريحه واخذت صندوق الاضافر الي تبيه ورجعت بقية الصناديق وقامت حطت صندوق  الاضافر تحت مخدتها وطلعت من الغرفه للمطبخ وفتحت الثلاجه تاخذ ماي
"عند خالد "
كان جالس عند حافة الباب يهوجس بمحبوبته ونطق:ابك كيف بيكون شكلها اليوم ؟
عبدالله وهو جاي من وراه:قصدك حبيبة القلب ام الشعر الاسود الطويل؟
انفجع خالد من وجوده ولف راسه بسرعه ونطق بتوتر:لـ لـ لا لاا
عبدالله ارتسمت ابتسامه على وجهه وغمز لخالد ونطق: ماقلتلك راعي الهوى مفضوح؟
خالد ابتسم ابتسامه بانت فيها سنونه وكانت ذي اول مره ينذكر اسمها وما يحاول يخفي ابتساماته او انه يتجاهل سيرتها
عبدالله وهو يضحك:ها من ذحين متى الخطبه؟
ضحك خالد وضربه على كتفه ونطق:اص مابي احد يدري
نقص عبدالله صوته ونطق:تراني صادق ما بتخطبها ؟ ولا بتقعد كل ما ذكرها حد تتبوسم لين يجي حد وياخذها وانا اخوك تراك منت ناقص دراسه ودرستها ووضيفه وعندك وانت قادر تسوي عرس فن وتعيشها ببيت ولا اروع واصلا جدي مسوي بالدور الارضي يمكن 6 شقق بس عشان لو تزوج واحد فينا يسكنها وانا اخوك اقولك اياها بالصريح خذها اليوم قبل بكره قبل لاحد ياخذها غيرك وتتحسر العمر كله
نطق خالد :من قال اني ما باخذها الا انا ودي بس ياخوفي انها ماتحبني خايف انها ترفضني وماني عارف متى اخطبها كل ما جيت ابي اطرح الموضوع اتردد واتراجع  مادري وش بلاي
عبدالله:عادي الموضوع جديد عليك انك تحب  وعادي كلنا نحب
طالعه خالد باستغراب:شفيك طالع حكيم كانك حبيت من قبل
عبدالله بتوتر:ابك ويني ووين الحب انا بكوم والحب بكوم
ابتسم خالد ونطق:مين تعيسة الحظ ؟
عبدالله طالعه ونطق:تعقب اي ولله تعقب ولله انها محضوضه بي
خالد:ماتعرف تمسك لسانك؟ هيا فضحت نفسك بثانيتين ولله انك تيس
عبدالله: عساس انت
خالد:مو مهم انا منهي ذي الي حبيتها واحنا ماندري
عبدالله وهو يحك بدقنه:بصراحه شوق اخت كمال اصغر مني بسنه بس ولله حبيتها من شفتها
خالد:ابك اخت كمال!
عبدالله:اي اي شفيك ؟
ضحك خالد ونطق:طيب اخطبها وش وراك وادري بتقول انا اخطب اول خلك مني وانت اخطب الحين انا اقولك اخطبها بعد اسبوع ولا اسبوعين وعادي عمرك مناسب مره واما عن دراستك عادي اخطبها سنه لين تخلص اما الوضيفه عندي لك شركه ولا اروع وضامن لك القبول ها ارتحت وانا اخوك؟
عبدالله بصدمه:مدري شقولك ياخالد بس كذا كثير لاتتعب نفسك وتكلف على نفسك
خالد:لا ما مابه تعب ولا كلف وولله لو ان واحد من العيال نفسك كان سويت نفس الشي
عبدالله ابتسم ونطق:مدري شقول ولله غير الله يحفظك لنا ويوفقك
وابتسم ورفع عيونه لعيون خالد ونطق يكمل كلامه:ويزوجك من محبوبتك
ضحك خالد ونطق:قم قم ياولد وخل سوالف الحب والزواج بعدين
ضحك عبدالله ونطق :يلا يلا
خالد :بروح عند الحريم ابي ماء
عبدالله :تمام
جا بيروح بس تذكر حاجه ونطق: ايه نسيتتت
عبدالله:وش امر فيه شي تبيه
خالد:ولله مدري شقلك بس ياليت تروح دولابي وتطلع شماغي وثوبي وتجيبه لي ابي اعطيه نهى تغسله وتكويه
عبدالله:ليه ماقلت لها امس باليل
خالد:ياشيخ نسيت من الي صار لغرام ولما رجعنا دقيتها رقده علطول ونسيت
تنهد عبدالله ونطق:طيب طيب
راح عبدالله يجيبه اما خالد غرق بهواجيس وقطع افكاره ونطق:خلاص بخطبها قريب وبيصير الي ربي كاتبه
رفع انظاره للسماء وتنهد تنهيده طويله وغمض عيونه يكمل هواجيسه لين جا عبدالله والثوب والشماغ بيده ونطق:هي يا العاشق امسك
ضحك خالد ونطق: اقصر حسك تبي تفضحني انت؟
ضحك عبدالله بصوت عالي ورفسه خالد على رجله ونطق:ترا بدخل يديني بحلقك يا كلب
كتم عبدالله ضحكته ونطق بهمس:ابشر ولا يهمك يا العاشق
خالد:ورع على اساس انت دوبك تشكيني عن الحب اقول اركد بس ترا كلنا بنفس الطريق
عبدالله:السموحه خلاص انت بس هد
خالد ضحك ونطق:اشوفك بعدين
عبدالله:تمام
مشى خالد يتوجه لفوق
اما عبدالله مشى عند العيال الي بالاستراحه  يهوجس بشوق الي دايم يشوفها بس ما يقدر يكلمها او يطالعها وما كان بينه وبينها الا السلام بس كان أسره صوتها وشعرها ووجها وشخصيتها واسلوبها وكل شي فيها هو يحبها بس مو قادر حتى يتكلم معها
"عند غرام"
كانت جالسه على طاولة المطبخ تفصفص وتهوجس بايام قديمه وتنهدت ونطقت :الله لايردها من ايام
تنهدت غرام وتركت الفصفص من يدها ونزلت وفتحت الثلاجه تدور اي شي بارد يبرد على قلبها رغم الجو البارد الا كان ودها باسكريم وعاد غرام تعشقه رغم انها دايم تمرض لا اكلته بس انها تحبه وتحب تاكله كان يذكرها بايام حلوه مرت عليها ، ضلت غرام تدور لين فقدت الامل ونطقت:افف نفسي فيهه
كان خالد داخل المطبخ وبيده ثوبه وشماغه 
ونطق:السلام عليكم
رفعت غرام راسها وسرح خالد بشكلها كان شكلها طالع حلو بضفيرتها وغرتها المرتبه والخصل الطالعه ووجها وعيونها الي يحلف يمين ما قد شاف نفسها رغم ملابسها الي كانت غريبه عليها بس انها جابت راسه من الاخررر
لاحضت غرام نظراته ونطقت بنفسها:شفيه شكلي ؟ لهذي الدرجه شكلي خايس بالروز ياربي ما طلع بوجهي الا وانا باسوء حالاتي افف
نطقت غرام تقطع الصمت ونطقت:وعليك مالسلام هلا امرني تبي شي؟
خالد بنفسها:اقولها للمره المليون ابيك انتي ..
نطق خالد بعد ثواني من الصمت الي مرت على غرام سنوات ونطق خالد:وين اختي نهى ؟
غرام:اا بــ برا قاعده تسوي توزيعات مع عماتي وجدتي على ما اضن او يمكن تسوي شي ثاني مدري
خالد:يعني هي مشغوله؟
غرام:تقدر تقول ايه
خالد نزل عيونه بصمت وكانت غرام متوتره وخايفه ومستحيه وكل المشاعر جتها بثانيه لدرجه بدت تحس بحراره رغم برودة الجو وكان خالد نفسها وبالنهايه نطق  يكسر الصمت:ولله مدري شقول لك يا بنت العم واني ولله مستحي منك
غرام استغربت كلامه وجاها فضول وش يبي نطقت: وشبلاك شفيه ودك بشي؟
خالد :لا بس بغيت نهى تغسل ثوبي وشماغي بغيت البسه لما نطلع بس خلاص بوديه مغسله
نطقت غرام :وشوله مغسله وانا فاضيه هاته اغسله انا لك ماعندي شي اسويه
طالع فيه وخالد:لا لا مابي اكلف عليك
غرام:شفيك يا خالد مابه كلفه عادي
ابتسم خالد من نطقها لاسمه واستغربت غرام ابتسامته وكانت ميته حيا وبنفس الوقت تسب بداخلها وبالنهايه مدت يدها تاخذه منه بالغصب وقربت راسها من راسه ونطقت:قلت لك مابه كلفه ماتفهم ولاتشيل هم ثوبك واصلك قرابة الظهر او بعد الغدا مع السلامه طلعت غرام تستعجل خطواتها مليانه حيا ومتفشله من الي سوته
اما خالد كان بصدمه ومتجمد مكانه ما كان همه شقالت لا كان مصدوم من قربها لوجهه وتذكر عيونها الي أسرته وتلامس يدينهم لما سحبت الثوب والشماغ وبوسط صدمته ابتسم ونطق:
"ياسعود ماكانت النيه حُب بس عُيونها تجبر التايب يمُيل.."
ضحك خالد وطلع من المطبخ ونزل للحوش ومر من عند المكان الي فارشين الحريم به فرشتهم ونطق: انا بروح عندي كم شغله تبون شي دقو علي واذا ما رديت دقو عالعيال
هدى:ماودك تتقهوى شوي بعدها تروح ؟
خالد:المره الجايه ان شاء الله
جات نهى من ورا خالد وبيدها مقص وشرايط ورديه وزرقاء :وين كنت ؟
خالد وهو يحك موخرة راسه :بالمطبخ ليه؟
تذكرت نهى ان غرام بالمطبخ وفرحت وجاها امل ان صار بينهم كلام ولو سلام ونطقت:اها اوكي تمام مع السلامه
نطق خالد:مع السلامه طلع خالد ونطقت هدى:ابك انتي شفيك ملقوفه تسذا قلبتيها تحقيق واه ياشينك يانهى ياشينك مدري من ذا الي بيقبل فيك واههه اللهم اجرني على مصيبتي
نهى بزعل مصطنع:يمهههه!! حرام عليك انا ما تلقفت بس سالته وين كان مجرد سوال عادي وبعدين مو مهم من ذا الي بيتزوجني انا اصلا ما بتزوج وبتخرج من تخصصي وبصير مليونيره واعيش وحدي واطلب ماك كليوم بدون ماحد يقولي لا
طالعت فيها نهى من فوق لتحت ونطقت:حتى احلامك شينه فعالك
نهى حطت يدها على فمها ونطقت:يمهه!
هيله:ياورعه لو ماتسدين حلقس ولله لا اسده بهالتوزيعات
ضحكو كلهم وكملو يسوون بالتوزيعات ويسولفون
"عند غرام"
طلعت مستعجله وراحت الغرفه وجلست على سريرها وبيدها ثوبه وشماغه ومسكته بيدها ورفعته  ونزلته وحطت يدينها على وجهها ونطقت:ياربي الله يفشلني شسويتتتتت
ضلت غرام على ذا الوضع لدقايق بعدين قامت وشالت الثوب وكانت بتغسله بالحوش بس خافت احد يشوف ويعرف انه له ويسيئ الضن (رغم ان مستحيل يصير كذا بس افكارها كانت اوفر شوي )فا قررت تغسله بالسطح
مشت غرام وطلعت للسطح وبيدها سطل مليان ماي ورغوه وبدت تغسل الثوب والشماغ وهي تغني وحده من اغاني راشد الماجد وهي تغسل وكان صوتها يهبل لين سكتت شوي وتركت الثوب ورفعت راسها للسماء وماكان فيه شمس بالعكس كانت السماء تغطيها الغيوم والجو بارد شوي ضلت غرام تهوجس لدقايق ورجعت تنزل راسها تكمل غسل وهذي المره بدت تغني جزء من اغنيه  كان يغنيها شخص عزيز عليها وبدت تردد فيها:

"حب لكله وحب بس لعيونه
حب باقصى خفوقي بس له هوه
قلت هالله هالله صفى جوي على جوه
دامه حبيبي ليالي العمر محلوه"

ابتسمت غرام ابتسامه تخفي فيها ضيقتها ورفعت الثوب تتفحصه ونطقت برضا:نظيف
سابت الثوب وبدت تغسل بالشماغ وهي متضايقه شوي
مرت الدقايق وقامت وبيدها الثوب والشماغ بعد ما جففتهم شوي
ونزلت لتحت وهي مشمره اكمامها وبيدها السطل ومسفطه الثوب وحاطته على كتفها رغم بلله الي بلل ملابسها ونزلت من الدرج لين البيت ودخلت الصاله وحطت السطل وشالت الثوب والشماغ من كتفها ولاحضت البلل وطنشت ومشت الغرفه وفرشت سجاده وطلعت الكوايه وبدت تكوي فيها وهي تدعي ما ينحرق لين خلصت وشالت الثوب وعلقته بدولابها ونطقت:الحمدالله ما حرقته
طفت الكوايه وطلعت تشيل السطل وتنزل فيه للحوش وصادفت خالد ونطقت :اوه خالد شسمه ثوبك بدولابي رح غرفتنا و خذه
مشت غرام بدون ماتعطي خالد فرصه يتكلم ونطق بابنسامه:رغم شكلها المبهذل الا انها حلوه
راح خالد فوق ووقف عند باب غرفت البنات الي نادر يدخله وضل واقف يفكر هل يدخل ولا لا
"عند غرام"
نزلت غرام بالسطل ونطقت هيله:شذا السطل يابنيتي
غرام وهي تفتح باب الشارع وتكب الماء:كنت اغسل بحاجه
هيله:اها
تركت غرام السطل على جنب وقفلت الباب ونطقت:بروح مع السلامه
الكل:مع السلامه
رقت غرام فوق وجت تبي تروح الغرفه ولقت خالد واقف ومتردد يدخل وجت عنده ونطقت:مادخلت للحين؟
خالد:اا هه مادري ماتعودت ادخل وترددت ادخل
ابتسمت غرام ابتسامه وسرح خالد فيها نطقت غرام:تعال تعال
فتحت غرام الباب وجت عند الدولاب وفتحته وشالت الثوب الي كان جنب فستانها وسحبته وطلعت وعطته ونطقت:هاك
ابتسم خالد ابتسامه أسرت غرام ونطق:شكرا ماقصرتي يابنت سليمان
ابتسمت غرام ونطقت بحيا العفو
خالد بابتسامه :يلا انا رايح مع السلامه وانتبهي لنفسك وها لاتنسين كلام الممرضه تحسبيني نسيت ؟
تذكرت غرام كلامها ونزلت راسها تبتسم بحيا وفشله:معليش بس انا بنفسي نسيت بس ان شاء الله برتاح
ابتسم خالد ونطق:مع السلامه
غرام:مع السلامه
مشى خالد وهو طايح على وجهه منها اما غرام احترت من الفشله والحيا ودخلت الغرفه وكانت بتبدل ملابسها بس لقته جف ونزلت اكمامها وانسدحت على السرير وبدت تتقلب بفرح لدقايق لين دخلت نهى ونطقت:شفيه الحلو فرحان؟
غرام:ما افرح يعني؟
  نهى:لا بس يعني .....
________________________________
اتمنى عجبكم ذا البارت تقديرا لتعبي حطو نجمه❤️
الكاتبه/جوجو ال منصور