القلوب تعرف من حبها يا غرامي

جزء 29

"دنيتـي بـدونكـم يـا امـي وابـوي
عـرجـاء بــدون عـكـاز"

________

لبست هدى عباتها ومشو للسياره وحركو متجهين للمستشفى
"عند عبدالله"
كان جالس على مقاعد المستشفى وهو تعبان حيل الى ان دخلو غرام ونهى وتميم ووقف عبدالله وتقدمت له نهى تحضنه وهي منهاره بكاء وبادلها الحضن
تميم وهو يطالع بغرام وهمس:شكرا ساعدتينا
ابتسمت غرام بهدوء ونطقت :ماسويت شي غير اني حاولت اهدي نهى وذا واجبي
قاطع حديثهم دخول مصعب وهدى
ولف تميم لها ونطق بهمس:الله يعينك عندك ثنتين لازم تهدينهم 
تنهدت غرام ونطقت:روح هدي اخوك شوي وبينهار
هز تميم راسه ومشى لعبدالله ونهى وتوجهت غرام لعمتها هدى الي دخلت تبكي ونطقت:عميمه هدي 
هدى وهي تبكي :غرام ولدي ياغرام ولدي
مصعب وهو يمسكها لاتطيح:ياهدى صلي على النبي خلاص
هدى وهي تبكي:صلى الله عليه وسلم بس يامصعب ذا ولدي قطعه مني
غرام:عمه هدى اجلسي شوي وادعيله مابيفيدنا البكى الحين
لفت غرام لنهى ونطقت:حتى انتي مابيفيدك البكي ادعي له
هزت هدى راسها وجلست جنب بنتها تتنهد وجلست بوسطهم غرام تضمهم ثنتينهم لصدرها تطبطب عليهم وتهديهم وكان عبدالله واقف جنب الباب وتميم ومصعب جالسين الا ان طلع الدكتور ونطق :اهل المريض خالد مصعب ال جبر ؟
تقدم مصعب ونطق:اي نعم شصار له هو بخير؟
الدكتور:ناقصه كثير د*م ونحتاج متبرع
قامت غرام وتوجهت للدكتور ونطقت بدون تفكير:انا بتبرع
الدكتور:تفضلي معنا 
مصعب:لا يابنيتي سويتي معنا خير كثير خلاص انا بتبرع
غرام:لا ياعم انا بتبرع خلاص
مشت غرام بدون ماتسمع حرف هي ماكان عقلها الي يتحكم فيها بل قلبها كان كل بالها بمحبوبها
محبوبها الي مالحقت تتهنى فيه ولا بحبه ولا باعترافه
دخلت غرام لغرفة التبرعات وسحبو منها د*م وكان كل بالها بخالد الا ان نطقت الممرضه:خلصنا
قامت غرام وداخت فجاء  ووقفت بمحلها لثواني ولكن كملت مشي تتجاهل الدوخه وتتوجه تجلس على الكرسي بجنب نهى الي خذت مكانها لجل تستند على كتف امها
"بعد ساعتين"
طلع الدكتور ونطق:مبروك نجحت العمليه وتقدرون تزورونه بكرا
مشى الدكتور وبكت هدى من الفرحه وغرام ونهى تحاضنو ونطق مصعب :يلا خلاص الحين نرجع البيت مرتاحين
عبدالله :ماعلمنا الاهل ولله جدي وجدتي بيهاوشونا
مصعب:خلهم يهاوشونا اهم شي ولدي بخير 
تميم:اجل خلونا نروح
هدى:لا ابي اشوفه تكفون
مصعب: ياهدى ماسمعتي الدكتور شقال ؟ قال  بكرا
هزت هدى رأسها ومشو كلهم للسياره وكان عبدالله بسيارته وتميم معه ومصعب بسيارته ومعه هدى ونهى وغرام ورا
كانت غرام طول الطريق تهوجس بخالد وتذكرت حادث امها وابوها وتجمعت الدموع بمحاجر عيونها وحاولت تمنعها من النزول واستندت على شباك السياره تتذكر تفاصيل الحادثه الي كل ما تذكرتها تنفتح جروحها

________________________
عوده للماضي (قبل 18 سنه)
________________________

صحت غرام من النوم تتوجه لتسريحتها تسحب المشط تفتح شعرها وتمشطه وتخليه مفتوح
وتوجهت للباب لتطلع من الغرفه وركضت لغرفة امها وابوها (مشاعل و سليمان)
مشاعل:غرام ! كم مره قلت لك لاتركضين؟
غرام:اسفه
ابتسمت مشاعل وشالتها وجلستها على التسريحه ونطقت:بس اكحل عيوني واجهزك
غرام:بنروح بيت جدي؟
مشاعل:ايه
غرام صفقت بفرح ونطقت:يعني بشوف البنات والعب معهم !
مشاعل ضحكت بخفه ونطقت:ايه
ابتسمت غرام ونطقت:ليه ما نعيش معاهم؟
مشاعل:ابوك من زمان معه هالبيت وعيشنا فيه
هزت غرام راسها وخلصت مشاعل من تكحيل عيونها ونزلت غرام تجلسها على الكرسي ونطقت وهي تضحك:ليه صاحبة الشعر الاسود الطويل فاتحه شعرهااااا؟
(كان شعر غرام طويل من الصغر اكثر من الاطفال الطبيعيين)
غرام وهي تضحك:كنت ابي اجرب امشط شعري
ضحكت مشاعل ومشطت شعر غرام وسوته قرنينين وطلعت خصلتين ونطقت:بروح غرفتك اجيب لك ملابس لاتتحركين
هزت غرام راسها وطلعت مشاعل تتوجه لغرفة غرام
دخل سليمان ببدلته (هو عسكري بمرتبة رائد ) ابتسمت غرام ونطق بهمس:لاتعلميها اني جيت
هزت غرام راسها
ومشى سليمان لورا الباب
كانت مشاعل جايه تتقدم لغرام الا طلع سليمان وافتزعت وصرخت وضحك سليمان وضحكت غرام تنطق:بابا خرعك زي كل مره 
ضحك سليمان يتقدم يشيل غرام بيد ويحضن مشاعل بيد وضحكت مشاعل وضحكو معاها ونزل سليمان غرام وترك مشاعل ونطق :نسيت شي بالسياره بجيبه وارجع لكم
هزو غرام ومشاعل راسهم وطلع سليمان ولبست مشاعل غرام الملابس الي جابتها لها وكانت عباره عن بلوزه ورديه بازرار بيضاء منفوشه من عند الكتف وجينز
غرام وهي تدور:شكلي حلو صح؟
هزت مشاعل راسها ونطقت:اي شكلك حلو كانك اميره
ضحكت غرام بفرح ودخل سليمان وبيده كيس اسود وقامت مشاعل وهي شايله غرام ونطقت:وش ذا؟
نطق سليمان بتسأول وهو يحط الكيسه على التسريحه:مفاجائه؟
نطقت مشاعل وهي تضحك بسخريه:تسالني؟ انا الي المفروض اسأل
تقدم سليمان لها يشيل غرام ينزلها ونطق:غرام روحي غرفتك جيبي لعبتك الي بتاخذينها معك وتعالي
هزت غرام راسها بالايجاب وطلعت بس ماراحت وضلت عند الباب تتسمع لهم
(عند مشاعل وسليمان)
مشى سليمان للتسريحه وهو ماسك يد مشاعل يمشيها معه وافلت يدها لجل يطلع ما بداخل الكيس واخرج صندوق وفتحه وكان فيه عقد الماسي بسيط ولكن جميل وفخم
انصدمت منه مشاعل ونطقت بصدمه:مستحيل
ضحك سليمان بخفه ونطق:الي وريتيني اياه امس
هزت راسها ونطق:وطبعا ما بخليها بخاطرك
ضحكت وتقدمت تحضنه بقوه وبادلها الحضن وهو يضحك ونطق:يلا لفي خليني البسك اياه
مشاعل:مارح البسه اليوم بلبسه بملكة صحبتي
هز سليمان راسه ونطق:على كيفك بس الحين انا ابي اشوفك فيه ابي اكحل عيوني
ضحكت مشاعل بخجل ودارت لجل يلبسها اياه وبالفعل لبسها اياه ولفت له وهي مبتسمه ونطق سليمان:الماسه تلبس الماسه
ضحكت بخجل تحضنه ويبادلها الحضن وكان على وشك ان يقبلها بس سمعو عطسة غرام الي شافت وسمعت كل شي ونطق بهمس وهو يعض شفته بغضب :مخربة اللحضات السعيده 
ضحكت مشاعل وابتعدت عنه تفتح الباب وتخصرت من شافت غرام ونطقت:وش تسوين يالسوسه ماعلمناك تتسمعين عالناس
ضحكت غرام بخجل ونطقت:اسفه
تقدم سليمان لها يشيلها ونطق:بنروح نستناك بالسياره البسي عباتك
هزت مشاعل راسها ومشى سليمان وحاوطت غرام  رقبته تستند على كتفه وتشوف امها تحط العقد بالصندوق وتحطه بالدرج ولكن اختفى شكل امها من طلع سليمان من البيت ونطق :غرام لايكون نمتي؟
طبطبت غرام على ضهره وكانها تجاوب عليه 
وكمل سليمان مشي للسياره يفتح الباب الخلفي ويركبها داخل ويقفل الباب عليها وتقدم يركب مكان السائق ويسكر الباب ونطق:غرام
غرام:ها
سليمان وهو يضحك :ابك على اخر عمري تقولين لي ها؟ ياتقولين هلا ولبيه ولا ابصمي
ضحكت غرام ونطقت:امر هلا لبيه تفضل يا الحكومه
ضحك سليمان وضحكت غرام معه وقاطعتهم مشاعل الي تفتح الباب وتجلس:وش الي يضحكم ضحكوني
سليمان:اسرار اب وابنته
طالعت فيه مشاعل وشمقت له بزعل ولفت على الشباك وضحك سليمان ومد يده يمسك يدها يقبلها ونطقت غرام تقاطعهم:ابي البقاله
لفو عليها بنفس الوقت ونطق سليمان بهمس:مخربة اللحضات السعيده
ضحكت مشاعل ونطقت وهي تطالع بغرام:لما نرجع من بيت جدك
هزت غرام راسها وحرك سليمان يتوجه لبيت ابوه "جبر"
"في مكان اخر"
كان فيه شخص جالس بسيارته ويراقب بيت سليمان واعتدل بجلسته من شاف سليمان يطلع وبيده بنته غرام ونطق:اخيرا طلع باخذ حقي
ضحك هذا الشخص بجنون