القلوب تعرف من حبها يا غرامي

جزء 23

قامت غرام وراحت غسلت يدها ودخلت تتفرج على جوالها لين يخلصو البنات فطور عشان يروحون البيت
بثينه:يلا بنات بنرجع
نهى:يب لازم نرجع
شموخ:ليههه
نوف:لازم ولا جدتي بتسرح علينا
اصايل:اها تمام روحو روحو باي
لبسو البنات عباياتهم ونطقو:باي
نجلاء :باي
اصايل :باي
بثينه:خواتك الزفتات ما بيودعونا
اصايل وهي تضحك :جنى عند امي مدري شتبي وريهام بالمطبخ تغسل الصحون اليوم دورها
شوق:وي ذكرتيني اليوم علي اخخخ مافيني حيل ابدا وذحين برجع بالقى المغسله فل
نجلاء:تتخطين قيرل
غرام:يلا طولنا مع السلامه
اصايل ونجلاء:مع السلامه
طلعو البنات وتوجهو للبيت مشي وكانت غرام تعبانه تعب غريب بس كملت مشي معهم ودخلو
هيله:يامرحبا ببناتي
لاحضت غرام وجود تميم وخالد جالسين وطالعت بخالد وطالع فيها ونزلت عيونها
خالد انتبه لها وحاول يخفي ابتسامته ونطق  بنفسه :ابك اثقل ياخالد اثقل لين تطلع من هنيه على الاقل
غرام:معليش بروح انسدح شوي تعبانه
هيله:سلامتك يا بنتي روحي روحي بدلي وتروشي بعدها تعاليلي اقرا عليك
غرام بابتسامه:ابشري
دخلت غرام ودخلو بعدها البنات يفسخو عباياتهم ويبدلو لملابس غير عن الي لابسينها والي انسدحت تكمل نوم والي طلعت تسولف مع جدتها والي تتفرج على جوالها والخ
كانت غرام بالحمام(اكرمكم الله)وطلعت بدلت ملابسها وجلست على السرير وكانت مصدعه وتعبانه وما تدري شفيها
نطقت غرام بتعب:يمه شفيني احسني مكسره
غمضت غرام عيونها ونامت ونست كلام جدتها
الساعه 10 اليل
شوق وهي تصحي غرام:غرام غرامي يابنت اصحي
غرام بتعب وخمول:همم شفيه
شوق:قومي ماصليتي ولا صلاه ولا حتى رحتي لجدتي حتى ما كليتي قومي لو صلي وكلي
قامت غرام مفجوعه:الساعه كم؟
شوق: 10:4
غرام:اوف تاخر الوقت  وخري خل اصلي
دخلت غرام الحمام (كرمكم الله) تتوضى وفجاء حست نظرها صار مضبب وما حست على نفسها الا وهي طايحه بس تمسكت بالمغسله وفتحت عيونها بقوه
سمعت شوق صوت شي يطيح بالحمام(اكرمكم الله) ومشت بخوف وفتحت الباب وشافت غرام بذي الحاله وتقدمت لها تشيلها:يمه غرام شفيك! تعبانه؟ فيك شي؟ اقول لجدي يوديك المستشفى؟
غرام وهي تحاول تخفي تعبها:لا لا مافيني شي بس تزحلطت عادي عادي حصل خير خليني اكمل وضوى
شوق:وش الي تكملين! وش الي بخير! اقول امشي اجلسي
غرام بعصبيه:شوق خلاص فكيني ولو طلع الشي الي صار الحين ما بتشوفين خير وبعدين انا كويسه ومابي الا العافيه وبخير
شوق بخوف واستغراب:غرام صاحيه انتي؟انتي مو بخير ابد
غرام بعصبيه:شوق تكفين لاتخليني اعيد كلامي خلاص
تنهدت شوق ونطقت:طيب تبين اجيب لك مويه؟
غرام بتعب:ياليت
راحت شوق تجيب مويه اما غرام كملت وضوى وجلست على السرير حقها واستندت بالجدار بتعب
جات شوق تعطيها المويه:تفضلي
شربت غرام الماء ولبست جلال الصلاه ووقفت تصلي
شوق:صلي جالسه عادي تراك تعبانه
جلست غرام ونطقت:طيب
خرجت شوق تسولف مع البنات تحاول تتناسى الي صار
اما غرام خلصت صلاه وراحت للتسريحه تضفر شعرها تحاول تتناسى التعب
خلصت تضفير شعرها وتنهدت تنهيده طويله مليانه تعب ونطقت:خلاص مافيني شي مجرد ارهاق لا اكثر ولا اقل بلا دراما خليني اخرج اكيد نضفو البيت وجهزو لبكرا عشان التاسيس
طلعت غرام وكان البيت يعجه البخور ويفوح منه رائحة النضافه وكانت بثينه قاعده تبخر وليلى تمسح الارض
بثينه لاحضت غرام ونطقت:صح النوممم
غرام:وين جدتي
بثينه:وييي كانت تستناك من الصبح تقرا عليك بس دقيتيها رقده
غرام:واي وربي اني كلب*ه بروح لها
بثينه:روحي روحي واذا خلصتي روحي غسلي الحوش انتي ونهى عليكم الحوش بس نهى شردت البقاله على اساس تتقضى وانتي خميد استنيها ترجع وغسلوه
غرام:اوففف مافيني حيل ابدد
بثينه:شنسوي الشكوى لله
مشت غرام لعند جدتها ودخلت
هيله:يا مرحبا صحى النوم تعالي اقرا عليك تعالي ياحبيتي
هدى:شفيها غرام
هيله:كانت الصبح تعبانه مدري شبلاها قلت خلني اقرا عليها
هدى:ياحبيبتي ياغرام تبين اقول لولدي خالد يوديك المستشفى؟
فزت غرام من طاري خالد ونطقت:لا لا لا ماله داعي
استغربت هدى بس نطقت:تمام يا بنيتي ريحي
جلست غرام عند جدتها تقرى عليها اما الحريم كملو سوالف
________________________________
وبس تقدير لتعبي حطو نجمه واعذروني على الاخطاء الاملائيه🫶🏻
الكاتبه/جوجو ال منصور