ရှောင်ကျန့် ဒီအပတ်ထဲပေးသမျှ ၊assignmentများကို တတ်နိုင်သလောက်အပြီးသတ်ထားသည်။တချို့ ဘာသာရပ်များကိုတော့ သူငယ်များအားအကူညီတောင်းကာ တင်ထားခိုင်းလိုက်သည်။ရိပေ့ါ်မွေးနေ့ကို ရှန်ဟိုင်းအိမ်ကိုပြန်ဖို့ ရည်ရွယ်ထားသည်မို့။ပြင်ဆင်ထားတဲ့ မွေးနေ့လက်ဆောင်က ရိပေါ်
ဘဘောကျ၊မကျ မသိပေမယ့် ရှောင်ကျန့်အကောင်းဆုံးကြိုးစားကာ ပြင်ဆင်ခဲ့သည်။
သောကြာနေ့ ပွဲကျင်းပမည်ဖြစ်သောကြောင့် ကြာဿပတေးနေ့တည်းက ပြန်လာခဲ့လိုက်သည်။စိတ်ကစောနေ၍လား မသိ၊စီးတဲ့ရထားကနှေးနေသလို ခံစားရသည်။
၀မ်အိမ်တော်တွင်၀မ်ရိပေ့ါ်မွေးနေ့အတွက် ပြင်ဆင်နေကြသည်။
ရှန်ဟိုင်းမြို့မျက်နှာဖုံးသူဌေးများထဲက ထိပ်သီးဖြစ်သော
၀မ်အိမ်တော်က ပွဲကျင်းပသည်မှာ ကြုံတောင့်ကြုံခဲဖြစ်သည်။
၀မ်အိမ်တော်၏ ခန့်ညားထည်ဝါမှုကိုအပြင်ပိုင်းက မြင်ဖူးသော်လည်း အတွင်းဘက်ပိုင်းကို မြင်ရဖို့အခွင့်ရေးက
တော်တန်ရုံမဟုတ်တာမို့ တက်ရောက်ချင်သူများ များပြားလှသည်။
ရိပေါ် မနက်ဖြန်ပွဲအတွက် ပွဲရမယ့်၀တ်စုံနဲ့ပတ်သတ်ပြီး ဒီဇိုင်နာနှင့် စကားပြောနေသည်။
"၀တ်စုံကအဆင်သင့် ဖြစ်နေပေမယ့် ထူးထူးခြားခြားဖြစ်အောင်
သခင်လေး ဘာထပ်ထည့်ချင်သေးလဲ မေးဖို့လာလိုက်တာပါ"
"ဒီပုံစံဆို အဆင်ပြေပါတယ်။ကျွန်တော် ရှုပ်ရှပ်ခက်နေတာတွေ မကြိုက်တာမို့"
"ဟုတ်ကဲ့ပါ သခင်လေး။ကျွန်တော် မနက်ဖြန်မနက်ကို ဒီကိုအစောပို့ထားလိုက်ပါ့မယ်"
ရိပေါ်လေညှင်းခံရန် ၀ရန်တာဘက်ကို ထွက်လာခဲ့လိုက်သည်။
ကိုကိုမရှိဘဲပထမဆုံးဖြတ်သန်းရမည့် မွေးနေ့ကို ထူးထူးခြားခြား ပျော်ရွှင်မနေပါ။
:ကိုကို အခုချိန် ဘာတွေလုပ်နေမလဲ သိချင်လှသည်။သူ့မွေးနေ့ကို မှတ်မိရဲ့လား။သူငယ်ချင်းအသစ်၊ ပတ်၀န်းကျင်အသစ်မှာပျော်နေပြီလား
ရှောင်ကျန့် အိမ်ရှေ့ရောက်တော့ တော်တော်များများက ညနေအတွက်ပွဲစီစဉ်နေသဖြင့် ရှောင်ကျန့်ကိုသတိမထားမိကြ။
ရှောင်ကျန့်လည်း ပါလာသောအိတ်ကိုဆွဲယူကာ အပေါ်ထပ်သို့ တိတ်တိတ်လေးတက်လာလိုက်သည်။ရိပေါ်တစ်ယောက် ခြံထဲဆင်းကာ ပါးရဲ့မိတ်ဆွေတွေကိုဧည့်ခံရန်ဆင်းလာချိန် လှေကားအဆင်း ကိုကို့ ကိုတွေ့လိုက်ရသည်။
