زواج مؤقت .

(١٥)

(الفصل الخامس عشر  )

معرفتش اعمل ايه طول الليل غير ان انا اشغل التلفزيون وانا على السرير متهيألى نمت ثلاث اربع ساعات بس .. انا معرفش انا ليه شاغل بالى بيها اصلا .. امتى الثفقه دى تخلص واخلص انا كمان
اصلا ممكن تكون مرحتش على الكليه وتعبانه .. وهي لو مرحتش انا مش هاروح
مسكت موبايلى ورنيت عليها مردتش .. انا مش عارف هي ليه مبتردش عليا
رنيت تاني لقيتها ردت
قلت بنرفزه
" سؤال يا لامير .. ليه مبترديش من اول مره "
قالت
" عاوز تعرف "
قلت
" اه "
قالت
" مش هجاوبك "
قلت
" طيب مش مهم .. انتِ فين "
قالت
" فى العربيه .. ليه "
قلت
" مش هتروحى الكليه "
قالت
" هاروح .. داخله على الكليه .. وانت "
قلت
" انا فى الكليه اصلا .. انتِ اتأخرتى كده ليه .. مش فى محاضره وهتتأخرى "
قالت
" كنت بجيب هديه لى ساره "
قلت
" اه طيب .. اخلصي بقى "
قالت
" عمر .. بس انا سامعه صوت عربيات متأكد ان انت فى الكليه "
ابتسمت وقلت
" اه فى الكليه "
قالت
" طيب .. وانا مصدقاك "
لقيت حد خبط العربيه بتاعتى من ورا
وقفت العربيه وقلت لى لامير
" ثوانى .. حد خبط العربيه "
وسبت الموبايل ونزلت لقيت لامير سانده على العربيه بتاعتها الى هي خبطتنى وبتقول
" فى الكليه هاا "
ابتسمت وقلت
" بس قلتلك فى التليفون هنزل اشوف العربيه "
قالت
" هو انت ليه بتكذب .. يعني لو كنت قلت ليا ان انت فى الطريق كنت هقولك ايه "
قلت
" كنت بحاول اعرفك ان انا بقيت شاطر وباروح بادرى"
قالت
" الشطاره مش كده .. الشطاره انك تبقى شاطر فى مذاكرتك .. فى الكليه بتاعتك "
بصيت على الخبطه الى خبطتها وقلت
" لامير .. هو انتِ ليه قاصده تخبطى عربياتى المفضله"
قالت
" انت الى كنت بتتكلم فى التليفون ومش مركز "
ابتسمت وقلت
" معلش .. كنت بكلم مراتي "
ركبت عربيتها وقالت
" اطلع اخلص .. عاوزه اروح الكليه "
ركبت العربيه ورحت على الكليه لقيت ساره واقفه مع مازن ومؤمن .. رحت وقفت معاهم لقيت مازن ومؤمن بيضحكو
ابتسمت وقلت
" ايه بتضحكو ليه "
قال مؤمن
" شعرك .. راح فين "
قالت ساره
" ده كده حلو .. كان فى الأول اوحش "
قال مازن
" فين لامير "
قالت ساره
" وهو مش كفايه ان هو معاها فى البيت "
ابتسمت وقلت
" سابته "
قالت
" احسن .. يا ابنى انا معرفش انت ازاى هتعيش معاها اصلا .. "
قطع كلامها مؤمن وقال
" ايه يا ساره يا حبيببتى .. هو انتِ بوتوجاز كام شعله"
بصيتلو بنرفزه وقالت
" ليه .. انا بعرفه بس "
مسك ايدى وقال
" طيب ... هو عارف .. شكرا على معلومتك ليه "
وشدني وبعدنا شويه وقال
" لامير فين .. تلاقى دلوقتى البنات بيموتوها "
قلت
" لأ متخافش على لامير يا حبيببى "
قلت
" بقولك يا مؤمن .. روح جيب هدية ساره من العربيه "
قال
" لأ .. انا رايح على المحاضره "
قلت
" طيب خدني معاك .. وبالمره ممكن اشوف لامير ادايق فيها شويه "
رحت طلعت على السلم لقيت لامير واقفه مع اصحابها
ابتسم مؤمن وقال
" اميرتك اهي "
قلت
" يا ابنى انت ليه محسسني ان انا بحبها "
قال
" انت مبتحبهاش حاليا .. لكن هتحبها فى المستقبل "
قلت
" لأ .. مش هيحصل .. واسكت بقى علشان كلامك بينرفزنى "
لقيت لامير بتبص عليا وبتشاورلى
ابتسمت وقلت
" شوف يا مؤمن مبتقدرش تستغني عني "
ولقيتها جت عليا وسابتنى وراحت لى الى ورايا
ضحك مؤمن وقال
" ده انت طيب يا قلبى "
بصيت لى الى ورايا لقيت لامير بتحضن ساره وساره بتحضنها واديتلها هديه وقالت لامير
" كل سنه وانتِ طيبه يا روحى "
ابتسمت ساره وقالت
" وانتِ طيبه يا نور عينى .. بحبك جدا "
عدل مؤمن شعره وقال
" ساره دى غريبه .. تبان قدامها انها بتحبها لكن من وراها حاجه تانيه .. بوشين هي ما شاء الله "
قلت
" عندك حق "
رحت قدام لامير وقلت
" فى محاضره يا لامير "
قالت ساره
" انت بتقول لى لامير .. دي مستحيل تنسي هي عارفه مصلحتها "
ابتسمت لامير وقالت
" انا هاروح على المحاضره .. انا بقالى كتير محضرتش"
وسابتنا وطلعت على السلم ابتسمت وقلت لى ساره
" اشوفك بعدين "
وطلعت ورا لامير ودخلت قعد فى المدرج
فضلت قاعد وقاعد لغاية ما الدكتور اثر قال
" مين الى عمل البحث ومين معملش "
بصيتلى لامير وبعد كده بصت قدامها
مش عارف بصيتها دى كانت بصت فرح ان انا معملتهوش ولا كانت باصة ايه
نص الدفعه سلمت البحث ولقيت لامير كمان بتسلمه وابتسم دكتور اثر ومعرفش كان بيكلمها فى ايه
نزلت من المدرج ورحت وقفت قدام دكتور اثر وقلت
" معملتهوش "
قال
" طبعا حضرتك مش فاضي .. انا من اول ما كنت فى الكليه هنا .. مشفتش حد افشل منك "
قلت
" انا مكنتش بحضر علشان كنت تعبان ... "
قطع كلامى وقال بزعيق
" دى مش كذبه كفايه يا استاذ .. فى حاجه اسمها جروب الكليه انا طالب في البحث "
قلت
" انا تليفونى باظ مرتين .. ومكنتش بفتح واتس .."
قال بزعيق تاني
" انت لو كنت مهتم بالموضوع وبمذاكرتك كنت هتعمله .. انت مخصوم منك درجات .. وكده كده انت فاشل ومش ناقص خصم درجات "
قلت
" خصم درجات .. "
قالت لامير
" ماشي يا عمر .. ماشي او حاضر وانا اسف  كانت هتنهي الموضوع "
ابتسمت وقلت
" انا اسف .. وحاضر "
قال
" اتفضل "
طلعت برا وطلعت معايا لامير وقالت
" متحاولش تبرر لواحد شايفك انت غلط .. وهو شايفك انك فاشل يبقى متثبتلوش بالكلام .. اثبتلو بالأفعال .. وحاول تغير من نفسك وبس .. ومتخاليش حد تاني يقولك ان انت ملكش لازمه او ان انت فاشل.."
قطع كلامه دكتور اثر لما قال
" لامير .. انا سمعت ان انتِ اتجوزتي .. فرحتلك مبروك"
بصيتلى لامير وابتسمت وقالت
" اتجوزت عمر "
بص ليا وقال
" عمر ده .. بس انتِ وافقتى "
ابتسمت ابتسامه مزيفه وقلت
" هو في ايه يا دكتور .. بتقول لى حضرتك اتجوزنا يبقى لسه بتفكر هتقبل بيا او لأ "
قال
" طيب عقبالك ما تبقى زيها "
وبص لى لامير وقال
" متخليش اي حاجه تأثر على مذاكرتك .. بالتوفيق "
وسابنا ومشي
بصيتلى لامير وقالت
" ومتردش كتير على الى ميستاهلش انك تتكلم معاه .. وعلشان ترتاح فى الدنيا عليك انك تقول كلمتين.. حاضر .. اسف ... معلش وبس .. لو مافيش فايده منه اصلا .. يبقى متعملهوش حساب وخلاص "
قلت
" حاضر ".
ابتسمت وقالت
" الا معايا انا .. لأن انا وانت هيبقى فيه ما بنا مشاكل كتير "
ابتسمت وقلت
" ماشي "
قالت
" شوف انت هاتروح فين .. سلام "
ومشيت وسابتنى
نزلت على السلم وانا مبسوط .. مش عارف هل الأنبساط ده علشان هي قالت ان مخليش حد يقول ان انا فاشل وماليش لازمه مع ان هي اصلا مسجلانى الى ملوش لازمه .. ولا مبسوط على انها معايا وخلاص ..
لقيت مؤمن واقف رحت قلتله
" انا هاروح الكافيتريا "
قال
" طيب .. مازن هناك بيكلم خطيبته "
قلت
" هو بيعمل حاجه غير كده "
نزلت ورحت دورت فى الكافيتريا على مازن ولقيته ورحت فضلت قاعد معاه ومستنيه يخلص كلام معاها بس شكله هيطول
مسكت تليفونى ورنيت على لامير .. ولاول مره كانت ترد عليا على طول
" انتِ فين "
قالت
" فى الكافيتريا "
قمت بصيت حواليا ولقيتها قاعده بعديا بكتير
ابتسمت وقلت
" ماشي .. هتروحي امتى "
قالت
" على بيت ماما وبابا .. متنساش "
قلت
" لامير خلاص والله .. حقك عليا بجد .. مش هزعق تاني انا تعبت فى غسيل الاطباق وكمان نظمت هدومى .. وبعدين عايز اقولك ان انا ناوى ابقى زيك "
قالت
" تبقى زي مين .. انا .. ازاى مش فاهمه "
قلت
" انا عاوز ابقى شاطر زيك .. مش ناويه تساعدينى "
قالت
" لأ طبعا اكيد هساعدك .. وانت هتذاكر "
قلت
" اهاا .. هذاكر .. وكمان عاوز اقدم فى بطولات الجامعه .. انا على فكره بعرف العب رياضه .. وكنت وانا فى ثانوى بلعب بوكس وكنج فو "
قالت
" كلها عنيفه يا عمر .. بس ماشي .. قدم فى بطولات الكليه وان شاء الله تكسب "
سمعت صوت ساره بتتكلم جنبها وبتقول
" هو انتِ يا بنتى مش معاه فى البيت .. مخلاص اقعدى معانا شويه "
وفضلت لانير تكلمها ومسمعتش بتقولها ايه
جه مؤمن بص عليا وبعد كده بص لى مازن وقعد وقال
" طب ايه .. هتتكلمو انتو الاننين واحد مع خطيبته والتاني مع مراته وانا هقعد كده زي الكرسي "
قلت
" لامير .. خلاص اقعدى مع صحابك .. اشوفك فى البيت هاا "
قالت
" ماشي .. سلام "
قفلت و ابتسمت وقلت
" هترجع البيت يا مؤمن "
ابتسم مؤمن وقال
" مبرووك .. بس عي كانت سيباه اصلا .. وانتو لحقتو"
قلت
" مش مهم .. المهم ان هي هترجع البيت .. انا تعبت من غسيل الاطباق .. انا كل ما ادخل المطبخ الاقي اطباق مش عارف بيجو منين "
وابتسمت وقلت
" بس مش مهم الاطباق .. هبقى اساعدها .. اهم حاجه ان هي هترجع وهلاقى حد اتخانق معاه "
ووقفت وقلت
" انا همشي بقى .. كفايه قاعده .. عاوز اروح البيت .. سلام "
ومشيت رحت للعربيه لقيت عربية لامير جنبى
رحت بوظت كاوتش العربيه ورنيت على لامير وقلت
" انتِ فين يا لامير .. كل ده فى الكافيتريا "
لقيتها بتفتح باب عربيتها وقالت
" انا فى العربيه الى انت خرمت الكاوتش بتاعها يا عمر"
ابتسمت وقلت
" مش انا .. ده انا كنت بشوف مين الى عملو "
قالت
" والله "
ابتسمت وقلت
" كله من الازاز الاسود الى مش بيبن مين الى جوا العربيه "
قالت
" طيب .. انا هعمل ايه فر العربيه "
قلت
" هتركبى معايا "
قالت
" وعربيتى "
رنيت على مؤمن وبصيتلها وقلت
" هدبس مؤمن فيها "
قالت
" هو ايه .. كل حاجه مؤمن "
قلت
" الو يا مؤمن .. عربية لامير باظت .. اقصد الكاوتش بس .. تعالا هديلك المفاتيح بتاعت العربيه وشوف انت هتعمل ايه "
قال
" حاضر يا عمر .. لما نشوف اخرتك "
ابتسمت وقفلت وقلت
" انا منظم الفيلا على فكره .. مش هتتعبى فى اي حاجه "
قالت
" ماشي .. شكرا "
دقايق ولقيت مؤمن جه قدامى وبص على الكاوتشات وقال
" دى اتخرمت ازاى "
قلت
" مش عارف لواحده "
ضربتنى لامير ضربه خفيفه فى دراعى وقالت
" بطل كذب بقى "
قلت
" حاضر .. خلاص اخر مره هكذب فيها .. او هحاول ابطل كذب .. يعني لو كنت غصبن عني لازم اكذب هعمل ايه "
قالت
" متعملش "
اديت لى مؤمن مفتاح عربيتها وقلت
" تعرف ان انت مش صديق .. لأ .. انت اخويا "
قال
" امشي يا عمر من وشي "
ابتسمت وقلت وانا بركب العربيه
" سلام يا حبيب اخوك "
وركبت العربيه وؤكبت لامير ومشيت بيها
بصيت على لامير ولاقيت قدامها الهديه الى كنت شاريها لى ساره .. بصيتلى لامير وبعد كده بصت على الهديه وقالت
" ايه ... على الهديه "
ومسكتها وفتحتها وقالت
" ايه ده .. لمين السلسله الحلوه دي يا عمر "
ابتسمت وقلت
" ليكى يا لامير "
قالت
" ايه ده بجد .. هو انا اسمى بيبدأ بحرف ال s "
ابتسمت وقلت
" لأ .. بينتهي بيه "
قالت
" ازاى بينتهي بيه يا عمر "
ابتسمت وقلت
" مش انتِ اسمك لامير على اسم البحر بالفرنسيه "
قالت
" اه .. ايه بقى الى دخل حرف ال s "
قلت
" ما هو انا بقى مخلتكيش بحر واحد .. خليتك بحور .. ولما بنجمع بنحط فى الاخر s .. صح ولا غلط "
قالت
" كذاب "
قلت
" اه بكذب .. بس مش هينفع اقولك الحقيقه .. ودى هلاص اوعدك هتبقى اخر كذبه "
وبعد كده سكت شويه وقلت
" او احتمال تبقى اخر كذبه "